FILIPIYA 2:17 - Bible Zulgo

¹⁷ Megìse kurum ana kə̀ gəsum Mbulum a ka, a ne kamala dukw taf masakəŋa ana kà kə̀ɗumar a. Ama na bəla ta kiɗ a iye ka, a ne a kamala ana i dzar à məmbəz gà kamala dukw taf masakəŋana ya mbaŋa. I səkah dər aaka ka, aka biy kurum ana kà vəlumar a. Na kataya ka, i ta ŋgeye a ba hinne, dite maŋgayaba ata a ge a i təv kurum mbaŋa.

FILIPIYA 2:17 ပူးပေါင်းရင်းမြစ်များ

Gà Ɓəzla Meslire 20:24

Ama iye ka, Yàa dzala mesife gà tə tsa. Dukw ilik a sèsiŋ ka, say i ndìv a à meslire ana Yesuw BATSAH kwa ŋa a viliŋ a, tsam ka, tsway, tsəka, duwa a riŋ tsa. Mege megemir ŋa ka, kamala megweɗe ya: Metsìkè bazlam Mbulum ŋgwal ŋa ana mburma a ndzer a dər are tsehe ya.

Gà Ɓəzla Meslire 21:13

Ama a gwaɗa a mər: «Aàmala na ki tiwwim a, ki dzwìm a aà iye magəɗa asa ya? Iye ka, Yàa hadzal ba ga, Yàa dzala ka, ti ti dzew a iye ana, meme tsa. Aɗaba ku mege i ta mìt a a Yeruzalem agəra Yesuw BATSAH kwa ŋa tekeɗe ka, à lèh a duwa tsa.»

RUMA 12:1

Aɗaba taŋa, gà damər gà, i ge a kurum a kamkam: Kinehe ka, vəlum ba kurum ədəts a ahər a Mbulum, agəra ana kà ndzekwar are tsehe kataya ya. Ki vilwimer a ba ka, daga kinehe, kamala dukw ana ta kə̀ɗar taf masakəŋa ya, ku mege kinehe kurum riŋ nda are tekeɗe ya. Dukw ata ta kə̀ɗar a ka, ma ne biy ŋgar fit, dite ka, mà tsahən ahər kuɗa. Taŋa ka, vatwa ndzer ŋa ana biy mahàmà a Mbulum a.

RUMA 15:16

A giŋ ŋgwal ŋa ka, na a zla iye aà meɗè à zləm Yesuw Kiristi ika magər gà na tar gà Yahuda tsiye. Yàa vəl ba gà a ahər a Mbulum fit, aà meɗìfè à bazlam ŋgwal ŋa ana a dara i təv ŋgar a. I tsik a ka, a gà na gà Yahuda tsiye, na dite ta gis a ŋgat a. A sèsiŋ ti ne a kamala dukw taf ana ta vəlar, a tsahən ahər, dite Mezite Mesife ŋgar a palara iɗəm tar a.

2 Kurintiya 12:15

Kamala taŋa ya, ku mege i vile a gà dukw gà fit, nda gà bəla i vile a ba gà, i mìt a, na dite i zlèk a dər kurum a tekeɗe ka, a wir aà iye a tsa, i ŋgeye a ba ivaɗ. Wànà kà wayum iye hinne asa tsəna, aɗaba ana i waya kurum hinne, a za dər meweye ana i waya gà mìsle ŋgiɗ a kəla ya?

2 Kurintiya 4:12

Kamala megweɗe ya, mər ka, i ɗa məməta hiywe. Ama kurum ka, mesife awiya ŋana a riŋ a ge a megemir i təv kurum.

2 Kurintiya 6:10

Ku mege ta vile a mər a matsəɓatsəɓ a gəzləŋ hinne tekeɗe ka, mìi de a aka miɗ aka miɗ nda maŋgayaba lele hiywe. Mər ka, mì ne kamala gà ɓəzla matawak a, ama mər ihər mìi ge a Əbay à gà mburma hinne ika vatwa Mbulum seyiŋ ivaɗ. Mi ne kamala ana duwa mər a riŋ tsidze ya. Ama nda ndzer kəla ka, dukw tserdze a riŋ aà mər dukw ŋgar.

2 Kurintiya 7:4

I sər, kurum ka, gà ɓəzla megìse ndzer dukw ŋgar. Aɗaba taŋa, iye ihər i ndze a barbararra, aɗaba kurum ivaɗ. I huɗ mesewere are mər ana mìi sèwèr a ya tekeɗe, i ye a ba tsa, i ŋgeye a ba ivaɗ. Maŋgayaba gà ata a rèhiŋ a gəzləŋ ka, tsìsl lele.

FILIPIYA 1:20

Dukw ana i waya hinne, i tike aaka madzala gà gər gà ya ka, i ta ge a dukw ana dite ka, tuɗum tuɗum a ndeɗe a aka iye hwarwa ya ilik tsidze. Ama ka, gəzləŋ ga ma ndza ɓəŋɓəŋ lele. A sèsiŋ ka, mege kinehe, kige tsa bəla ndeɗime tekeɗe ka, gà mburma tə̀ zləbawa à Yesuw Kiristi aɗaba iye. Na iye riŋ mandza ŋa nda are ya, ku mege Yàa mət tekeɗe ka, tə̀ zlə̀b à ŋgat pəra kamala taŋa ya.

FILIPIYA 2:18

Kurum tekeɗe, ŋgeywim ba. Kamala taŋa ya, ki ŋgeyekwe a ba tserdze a təv ilik ŋa.

FILIPIYA 2:30

Aɗaba a zeha ka, kwizikw, aka à mimìte, agəra mege megemir Yesuw Kiristi. A dzala i gər ŋgar ka, a gwa, ku mege i mìt a tekeɗe ka, à zlèk a iye. Kamala taŋa ya, a zla təv mendze ata ka, avukw kurum, na dite à ndìv a à mege megemir ŋa kamala ana zləmana kurum ki zlèkwim a iye ya.

FILIPIYA 4:18

Yàa ŋgat dukw ana kà slirwimiŋara nda ahər Apafaruditus a, aka ndzera aà iye ya. I samata dukw ata ka, a za i gər a dukw ana a sle aà iye ya. I dəba dukw ata kà slirwimiŋara ya ka, duwa aka sle aà iye ilik asa tsa. I ndze a ka, barbararra lele kuɗa. Gà dukw ata ka, gà ŋgwal ŋa ndzer, kamala dukw taf masakəŋa ana ta vile a a Mbulum, a ze a hwaŋŋà lele ika miɗ ŋgar, a tsahən ahər hinne ya.

KULUSIYA 1:24

Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.

1 TESALUNIKE 2:8

Mì waya kurum ka, hinne. Aɗaba taŋa, i təv ana mər mandza ŋa i təv kurum a ka, a sàs a mər na mìi ɗif a kurum a à bazlam ŋgwal ŋa ana a dara i təv Mbulum a ya. Ama ka, taŋa ɗekɗek tsa, a sàs a mər ka, mìi mete a aɗaba kurum, agəra ana mì waya kurum ka, hinne ya.

2 TIMUTE 4:6

Aɗaba iye kinehe ka, i ne kamala dukw taf ana ta vile a a Mbulum a. Pat ana i miyek a à gər ahəɗ, ta kiɗ a iye ya ka, aka à mendze aɗəm.

1 PIYER 2:5

Kinehe kurum tekeɗe ka, dumara, nwim gà kur ata mesife iɗəm, Mbulum à dzik a, à zlèzle a dər ga ŋgar ana Mezite Mesife ŋgar a ndze a iɗəm a. Vəlum vatwa a Yesuw Kiristi a gəzləŋ kurum, dite ka, mə vəl a kurum ndzəɗa, ma ne à kurum gà ɓəzla mandəva kuɗa a Mbulum ana gà tsəɗaŋŋa lele, ta viler a duwa masakəŋa, dite a tsahən aà ŋgat a.

1 Yuhana 3:16

Aɗaba Yesuw Kiristi ka, a waya kwa. A dara, a dzeye à mesife ŋgar aɗaba kwa. Taŋa na a ɗif a kwa dər ka, meme na ki ta weyekwe a gà damər kwa ana ika vatwa Mbulum a ya. Kwa tekeɗe ka, say vəlakwa mesife kwa aɗaba gà damər kwa mbaŋa.