FILIPIYA 2:14 - Bible Zulgo

¹⁴ I huɗ megemir kurum ana ki gwim a tserdze ya ka, ka sayum ahəm aà Mbulum tsa, kà mbetswim aba ahəm nda təv ŋgar ŋgùrà ŋgùrà nda maàga tsa asa mbaŋa,

FILIPIYA 2:14 ပူးပေါင်းရင်းမြစ်များ

Mata 20:11

Aləka ta fə̀r, tàa ŋgat siŋgwe hinne tsəka, ta ge arəv aà mala gùvàh aaha hinne nda masàyà ahəm.

Markus 14:5

Ŋgulum ma kal dər ndeɗiŋa tsiye, a ŋget a dər siŋgwe hinne, à dzèye a a gà ɓəzla matawak a.» Ti tsik bazlam ana ŋgwal ŋa tsiye, aà məkəs ata hinne.

Markus 9:14

Aləka ti ndze a təv gà asiŋ gà ɓəzla mazazama Yesuw ŋgiɗ ka, ta ŋgat a gà mburma a riŋ hinne i təv tar. Gà ɓəzla medzeŋge məpala ahəm Mbulum duwa tar riŋ ta mbetsebe a ahəm nda gà ɓəzla mazazama Yesuw ata hinne ika magər tar.

Luka 5:30

Ama gà *Farisa nda gà ɓəzla medzeŋge məpala ahəm Mbulum ana gà mburma tar a, tə dza ba aà masàyà ahəm, ta gwaɗa a gà ɓəzla mazazama Yesuw ana i fataya: «Aàmala na kà zəmum akaba ɗaf nda masàyà duwa nda gà ɓəzla duwan aka dze ya, dite nda gà mburma aka meɗè zləm tar ŋgwala tsiye ya?»

Gà Ɓəzla Meslire 15:2

Ama gà Pul nda Barnabas ta gwaɗa a tar: «Taŋa ka, pàrsa.» I dəba ŋa ya, bazlam tar ata a zla tarra mimbètsè ahəm aka magər a. Tə dza akaba bazlam ŋgùra ŋgùra ŋgùra hinne. Aləka ta mà akaba à bazlam ika magər tar asa ka, ta gwa: «Ki slirekwe a gà Pul nda Barnabas, nda gà mìsle ŋgiɗ ana ɗa i kwite Antakiya ya, tə da a Yeruzalem a metsìkèha bazlam ata a gà ɓəzla meslire Mbulum nda gà bàba ŋa ana ika miɗ gà mburma Mbulum ana i fataya tserdze, dite ka, tə̀ sàs a tarra ikaba bazlam ŋa ya.»

Gà Ɓəzla Meslire 15:39

Ta ge bazlam hinne ika magər tar. I fataya ka, ta vəlaba gà vatwa, aɗaba bazlam ana a da a tar akaba tsiye. Gà Barnabas nda Markus tə daha, tə tsəl a slə̀làh yam, tə da dər aka ahəɗ Kipurus.

Gà Ɓəzla Meslire 15:7

I dəba mimbètsè ahəm tar ata ya ka, Piyer a hitse aà mbulum, a gwaɗa a tar: «Gà damər gà, kà sərum ka, Mbulum a zla iye piŋŋe i liwiŋ kurum a ka, aà metsìkè bazlam ŋgwal ŋana a gà mburma ana tar gà Yahuda tsiye, dite tar ibam, tə tsaraka mbaŋa, dite ta gəs nda gəzləŋ tar.

Gà Ɓəzla Meslire 6:1

Akahər ata ka, gà ɓəzla magəsa Yesuw nda gəzləŋ tar riŋ ti sìkèh a gà Yahuda ana ta fèfil a ndaka ahəm girek a ka, ta mbetsebe a ahəm hinne nda matsəɓatsəɓ nda gà Yahuda ana i ma ika dizl a. Ta gwaɗawa ka: Gà madakwa gà məkəs mər ta ŋgatawa dukw mezime ana tə dzayawa a tar a lele tə tsa.

RUMA 12:18

Kurum ka, mərum aba sah aà mege dukw ata ŋgwal ŋa ya, na dite ki ndzwim a barbararra ika magər kurum nda gà mburma tserdze ya, na mege a ge a ba ya.

RUMA 14:1

Na bəla wura ndzəɗa ŋgar a riŋ zukw tsa ika vatwa Mbulum ka, gəsum aaba ŋgat lele mbaŋa. Ka ta mbetswimar ahəm aka dukw ana aka dzala pam aà biy kurum a tsa.

RUMA 16:17

Gà damər gà, i ge a kurum a kamkam: Gwim metsehe, kaslum ba kurum i təv gà na ta me a kurum a à ŋgwaza nda təv bazlam Mbulum, ti tsik a kurum a dukw ana kàa tsarakum ilik tsiye ya. Dite ka, ta gwitse a ikaba à kurum a, ki sirwim aba a ahəm asa tsa, gà mìsle ŋgiɗ tì dzèwe a ika vatwa Mbulum a. Ama ka, ka vəlum a tar are tsa, sìrìkwim i təv tar a diriŋ.

1 Kurintiya 10:10

Gà asiŋ ŋa ika magər tar asa ka, tə sayawa ahəm nda təv Mbulum ka, hinne. Aɗaba taŋa na gawla Mbulum ana a batsawa mburma ya, a dara a təv tar a, a batsaya gà taŋa fit a. Ama kurum ka, ka tə sayum ahəm aà Mbulum kamala tar a tsidze.

2 Kurintiya 12:20

Iye ihər i ge a magəɗa aɗaba kurum ka, hinne, na bəla i təv ana i dehe a a təv kurum ka, i le aà kurum a ika vatwa ŋa, kamala ana i waya ya tsiye. Na aka ge kataya kaɗəŋ ka, mede gà ata i dehe a a təv kurum a tekeɗe, à tsehin aà kurum a tsa mbaŋa. I fataya ka, iye riŋ nda magəɗa hinne, aɗaba na bəla Yàa daha ka, i le aà kurum a, kurum riŋ ihər ki gwim a maàga, kige tsa, ki gwim a aba sələk nda gà matsəɓatsəɓ riŋ ika magər kurum, kige tsa mimbètsèba ahəm a riŋ ika magər kurum wùràpə̀ppa, dite kurum riŋ ihər ki ndzekwim a ba ikaba ya təv pampam, ki tsikwim a dukw ana ŋgwala tsiye aà gà mìsle ŋgiɗ, nda gà bəla ki lèvèkwim a ahəm aà mburma. Kige tsa asa, bəla kurum ihər ki gwim a aba a zlapa, nda gà bəla mewìsè bazlam a riŋ hinne ika magər kurum a.

GALATIYA 5:15

Ama na bəla ki geywim be a swalwa kamala gà dukw dala ana gà ŋgwala tsa, hə̀ràsə̀sa ta ŋgeleye a ba tar ŋa, kige tsa ta pepeɗe a ba ya ka, gwim metsehe lele, tsəka, ki ti dzeywimiŋa.

GALATIYA 5:26

Kà sə̀ŋgə̀rakwa à ba kwa tsa, dite ka tikekwa akaba matsəɓatsəɓ tsa, ki gekwa akaba are tsa asa mbaŋa.

FILIPIYA 2:3

Ka tə dzalum ka, ba kurum ɗekɗek tsa. Dite ka tə sə̀ŋgə̀rum à ba kurum ɓav tsa asa. Hənum à gər kurum a bəɗ tiɓìzl ivaɗ. Fə̀rum aà gà asiŋ gà mìsle ŋgiɗ kamala ana tar ka, gà ŋgwal ŋa hinne, tə za dər kurum a.

1 TESALUNIKE 5:13

Zlə̀bum à tar, ka wayum tar lele mbaŋa, aɗaba megemir tar ana ta ge a agəra kurum a. Kurum nda gà asiŋ gà mburma ŋgiɗ ana i təv mayahaba gər gà mburma Mbulum a tserdze, ndzum ika magər kurum ka, nda zay lele, maàga ma ge iɗəm tsa.

1 TESALUNIKE 5:15

Na wura aka ge a kurum dukw ana ŋgwal ŋa tsiye ka, gwim metsehe, ka ta mumar aɗəm à bakal ŋa tsa. Ama hiywe geywim ba ka, dukw ana ŋgwal ŋa ya ika magər kurum, dite a gà asiŋ gà mburma tserdze mbaŋa.

IBƏRANIKWA 12:14

Yahum vatwa nda ndzəɗa kurum fit, na dite ki ndzwim a zayya lele ika magər gà mburma tserdze ya. Ki yehwim a vatwa ka, dite mendze kurum ma ge tsəɗaŋŋa ika miɗ Mbulum lele mbaŋa. Aɗaba na wura a ndze a kataya tsəka, wura ilik a ŋget a a Mbulum tsa.

YAKUBA 1:20

Aɗaba matsəɓatsəɓ ka, a sle aà mege a dukw ana a sàs a Mbulum a tsa.

YAKUBA 3:14

Ama na bəla kurum riŋ nda gà mege are aka dukw mburma, kige tsa mege maàga a riŋ ika magər kurum huwwa kəla pat, nda madzala dukw ana ŋgwala tsiye nda təv mburma ka, ka ta gwim aba zlapa tsa, kàa nwim pàrsa à dukw ndzer ŋana.

YAKUBA 5:9

Gà damər gà, ka tə sayum aaba ahəm tsa, na dite seriye Mbulum ata à gis a kurum tsiye. Aɗaba ŋgat ana a ge a seriye ya ka, araha mehìtsè ŋa, aka à mendzera aka biye hərmaga ya.

1 PIYER 3:11

Mə məsak à dukw bakal fit. Ma ge ka, dukw ana ŋgwal ŋa ya ivaɗ. Ma yaha vatwa ana gəzləŋ ŋgar a ndze a zayya ika miɗ Mbulum a.

1 PIYER 4:9

Vəlum ahər a gà mburma ana tə dawara a təv kurum a, nda maŋgayaba lele, ki geywim aà ba màgwa tsa.

Yuda 1:16

Gà mburma ata Anuhu a tsik aà tar bazlam ata ya ka, kaɗəŋ. Tə sayawa ahəm nda təv mburma ka, kəla pat. Gəzləŋ tar a ndzawa zayya tsidze. Ta gewa ka, dukw ana ba tar a waya ya. Tì sìkèh a à ba tar nda zlapa. Tì yè a liɓir a bəɗ a mburma ka, nda bazlam lìfèɗìɗe nda wirwir. Ta bene a tar, na dite ta ŋget a duwa kamala ana a sàs a tar a.