FILIPIYA 2:12 - Bible Zulgo

¹² A kurum gà masla gà ana i waya kurum hinne ya. Agəra ana kà sərum meme na Yesuw a gəs ahəm aà Mbulum a ka, kurum tekeɗe, gəsum ahər mbaŋa. Akahər ana iye i təv kurum a ka, kàa gəsum ahər ahəm lele. Ama kinehe, iye riŋ i təv kurum asa tsa tekeɗe ka, ki sìkèhwim a à metsehe, ki gwim a kataya hiywe. Kamala megweɗe ya: Mimbile ana Mbulum a mbəl à kurum a ka, say ki gwim a megemir ŋa nda ahər kurum ŋa mbaŋa. Ki gwim a ka, nda magəɗa Mbulum i ba slàɓ slàɓ, ki mirwim ahər aba a dzəŋdzəŋ lele.

FILIPIYA 2:12 ပူးပေါင်းရင်းမြစ်များ

Mata 11:12

Ama à gər ana Yuhana a pat aba, a tsikewa bazlam Mbulum a mburma ya haa kinehe tekeɗe, gà ɓəzla mene are a Mbulum ta həndakawa a vatwa a mburma, ta waya bazlam *mekwere Mbulum ana a kwere a ya, ma da aka miɗ tsa.

Mata 11:29

Aɗaba iye ka, ŋgwal mburma lele, i sèwèr a kurum a are tsa. Gəsum ahəm gà lele, nwim ka, kamala gà sla ana ti tike aka ter a zukw, ta fìt a dər a. Ki sinikwim a ba à dukw ana i ge a ya, dite ka, gəzləŋ kurum ma ndza zayya lele kuɗa.

Gà Ɓəzla Meslire 16:29

Wele ata a tsaraka kataya ka, a wiz akwa, dite a val dər a huɗ ga, a təv ziŋziŋ ata gà ɓəzla daŋgay tə ndzawa iɗəm a. A daha nda gà medzedzere slàɓ slàɓ slàɓ. A daha, a kal aba aka miɗ gà Pul nda Silas.

Gà Ɓəzla Meslire 9:6

Ama hitse aà mbulum, ka tsìmìɗ à ba a kwite ata ki de a ya. Kàa daha ka, ti ti tsikik riŋ dukw ana ki ge a ya.»

RUMA 2:7

Kamala taŋa ya, gà asiŋ gà mburma ana ta gewa dukw ana ŋgwal ŋa ya, nda mayaha mezlibe ana Mbulum à zlibe a à tar, a sàs a tar a tsik aà ter a dukw ana ŋgwal ŋa ya,*fa* ta waya maŋgata mesife ana à ndìv a tsiye mbaŋa. Tar ka, Mbulum a vile a ter a mesife ata à ndìv a tsiye kaɗəŋ.

1 Kurintiya 15:58

Aɗaba taŋa, gà damər gà ana i waya kurum hinne ya. Ndzum ka, nda ndzəɗa ɓəŋɓəŋ lele, ka ti yum ba tsidze. Gwim megemir Yesuw BATSAH kwa ŋa ka, nda gəzləŋ ilik aka miɗ aka miɗ. Kurum kà sərum, megemir ana ki gwim a aɗaba ŋgat a ka, a ne a taf masakəŋa tsa.

1 Kurintiya 2:3

Aka təv ana iye riŋ ika magər kurum a ka, ndzəɗa aà iye lele tsa. I gewa magəɗa hinne, i dzedzeriŋa.

1 Kurintiya 4:14

Dukw ana i wetse i faha ya, i tsik taŋa ka, aà mandàɗà dər aka kurum hwarwa agəra dukw ana ki gwim a ya tsa. Awaŋ, i tsik a kurum kamala taŋa ya ka, aɗaba ana, kurum gà ɓəza gà, i waya kurum hinne ya. A sèsiŋ ka, i ɗif a kurum a à metsehe, dite ka, ki mwimere a aka vatwa ana ŋgwal ŋa ya.

2 Kurintiya 7:15

Aka ana a daha a təv kurum a ka, kàa gəsum ŋgat lele, nda magəɗa ŋa, nda gà medzedzere i ba kurum hinne. Kurum tserdze na a gəs ahər ahəm a. Ama kinehe, a samata dukw ana ki gwimer ŋgwal ŋa ya ka, a səkah à mawàyà kurum hinne asa ivaɗ.

EFESIYA 6:5

Kurum gà ɓele, gəsum ahəm aà gà ɓəzla ga kurum nda magəɗa, nda mazlə̀bà à tar lele. Ki gwim megemir nda gəzləŋ ilik. Na kàa gwim kataya ka, kə̀ gəsum ahəm aà Yesuw Kiristi mbaŋa.

FILIPIYA 1:27

Ama duwa ilik ma ta məts a kurum gər tsa kəla. Mede kurum ma ge ka, ŋgwal ŋa, kamala bazlam ŋgwal ŋa ana Yesuw Kiristi a ɗif dər a. A sèsiŋ ka, ku mege Yàa ŋgat vatwa aà madaha a təv kurum, kige tsa bəla Yàa ŋgat tsa tekeɗe ka, i tserekere a mendze kurum ana ki ndzwim a ndìɓèkke, kurum masəra ba ŋa ŋgwal ŋa lele, metsehe kurum ilik a. Dite kurum riŋ ihər ki mirwim a aba aà megemir bazlam ŋgwal ŋa ata kə̀ gə̀sakwa nda gəzləŋ ilik kamala gà ɓəzla gùvəl a asa mbaŋa.

FILIPIYA 1:29

Mbulum a vəl a kurum vatwa ka, dite kə̀ gəsum Yesuw Kiristi nda gəzləŋ. Ama ka, taŋa ɗekɗek tsa. A vəl a kurum vatwa ka, aà mesewere are, aɗaba ŋgat mbaŋa.

FILIPIYA 1:5

I gewar kəkaaha ka, aɗaba kàa gewakwa ba, kà zlàkawum iye aà megemir metsìkè bazlam ŋgwal ŋana, aà gər pat ana malahalah ŋa, kà nwim gà mburma Mbulum a, haa kinehe ya.

FILIPIYA 1:6

I sər ndzer, Mbulum ana a dza ba aà megemir ŋgwal ŋa ata i gəzləŋ kurum a ka, a miyek a dər ŋgwìɗik kataya tsa. A ndìv a dər ka, haa a pat ana Yesuw Kiristi à mère a ya.

FILIPIYA 2:19

Na Yesuw BATSAH kwa ŋa a waya ka, i dzala, i gwa, i ti slirehe a Timute a təv kurum bise, na dite i təv ana à mère a a təv ga ya ka, a dere a, a ɗifiŋ a dər, meme na kàa ndzum a. Dite à mìŋehe a à arəv kamala na a mà a kurum dərraha ya mbaŋa.

FILIPIYA 4:1

Aɗaba taŋa, gà damər gà ana i waya kurum hinne ya, ndzum ka, nda gà ndzəɗa ɓəŋɓəŋ lele, na i huɗ mendze kurum ana kurum mandza ŋa i təv ilik ŋa nda gà BATSAH kwa ŋa ya. I waya kurum hinne, ki kìvwimiŋŋa, a sèsiŋ na i ŋget a kurum a asa ya. Iye ihər i ŋgeye a ba aɗaba kurum. Kurum kà nwim ka, gà ɓəzla sida megemir gà ana i ge ŋgwal ŋa ya.

FILIPIYA 4:15

A kurum gà mburma ana i Filipiya ya, kurum kà sərum, aka ana i dza ba aà metsìkè a kurum bazlam ŋgwal ŋa ana biy Yesuw Kiristi ika ahəɗ Makaduniya ya ya, dite i zazəɗ dər aka miɗ, i da à kurum a ka, say kurum ɗekɗek na kà zlakum iye ya, tsəka, aɗaba gà asiŋ gà mburma Mbulum ŋgiɗ a riŋ mì ndzawa i təv tar ka, tàa viliŋ duwa tsa.

1 TESALUNIKE 1:3

Kəla pat a màwa a mərra a gər a, meme na kurum ihər ki gwim a megemir ŋgwal ŋa lele, aɗaba megìse kurum ana kə̀ gəsum Yesuw Kiristi nda gəzləŋ a ya. Dite asa ka, kurum ihər ki mirwim a aba sah hinne, aɗaba ana kà wayum ŋgat a, dite ki ndzwim a ɓəŋɓəŋ lele, nda metìkè madzala gà gər kurum a təv ŋgar a.

2 TIMUTE 2:10

Aɗaba taŋa, i simehe a mesewere are tserdze ka, agəra gà mburma ana Mbulum a pala tar a, dite tar tekeɗe ka, ta mbele a nda ahər Yesuw Kiristi, ti de a a təv mipìsè ahəm ŋgar nda təv maŋgayaba ŋgar ana a ndze a aà biybiy a.

IBƏRANIKWA 12:1

Kwa kinehe ka, kwa ihər ki ŋgetekewe a a gà mburma ata hinne, ti le a kwa tits, dite ti ɗif a kwe a dər, meme na ki gìsekwe a Mbulum a. Aɗaba taŋa, miyakukwa aba à gà dukw ana tserdze ta ŋgeye a kwa teztez a. Gwàtsakukwa aba à gà dukw bakal ana ta gese a kwa nda ndzəɗa ya mbaŋa. Kà mərakwa aba, kà tàkwa aka miɗ aka miɗ nda metìze sah lele, ka ndzekwa a təv ana ki tèkwe aɗəm a ya.

IBƏRANIKWA 4:1

Akahər ata ka, Mbulum aka tsik duwa i sida ya. A gwa ka, a ta vile a kwa a vatwa aà mede a təv mendze ŋgar ata zayya, ki sìfìkikwe a iɗəm ba ya. Dukw ata ka, aka mbər metsike a kwa i sida ya ka, a riŋ hiywe, a dzeye a tsa. Aɗaba taŋa, gekwa metsehe lele, dite ka, wura ilik ika magər kurum a, ma ta məts a dəba ze mede aɗəm tsa.

IBƏRANIKWA 4:11

Aɗaba taŋa, mərakwa aaka aba, dite ka, kə ŋgatakwa vatwa aà mede a təv mendze ŋgar ata zayya ŋa, ki sìfìkikwe a iɗəm ba ya. Gekwa metsehe, wura ilik ika magər kwa ya ma ta mà a dəba kamala gà tsir kwa ata ta gəs ahəm aà Mbulum tsiye tsa.

IBƏRANIKWA 5:9

Mbulum a ndəv à dukw ana a dzala, a waya aà mege nda ŋgat a ka, a ne mala məmbə̀là à gà mburma ana tserdze ta gəs ahər ahəm a, dite ka, ta ŋget a mesife ana à ndìv a tsa aà biybiy a.

1 PIYER 2:11

Gà masla gà ana i waya kurum hinne ya, mə̀ məts a kurum gər tsa. Kurum kà nwim ika gər ahəɗ ka, kamala gà slele ya. Aɗaba taŋa, i ge a kurum a kamkam: Gwim metsehe, ka ta vəlum vatwa a gà dukw bakal ana ba kurum a waya aà mege ya asa tsa. Aɗaba medzibe dukw ata ka, a dzeye a à mesife kurum.

2 Piyer 3:18

Ama kurum ivaɗ ka, dum aka miɗ nda mazazama Yesuw Kiristi BATSAH kwa ŋana ŋgat mala məmbə̀là à kwa ya, na dite a ge a kurum a ŋgwal ŋa nda mesire kurum ana ki sirwim a ŋgat a ka, à sìkèh a aka miɗ aka miɗ bə̀ba ŋa. Mezlibe ŋgar ana gà mburma tì zlibe a à ŋgat a ka, tə̀ zlə̀b dər daga aà kinehe ya, haa aà biybiy. *Amin.