FILIPIYA 2:11 - Bible Zulgo

¹¹ Ku weke a gweɗe a parakkà: «Yesuw Kiristi na Batsah ŋa ika gər gà duwa ya tserdze ya.» Kamala taŋa ya, tì zlibe a à Mbulum Tsir ŋgar mbaŋa.

FILIPIYA 2:11 ပူးပေါင်းရင်းမြစ်များ

Mata 10:32

Yesuw a gwaɗa a tar asa: «Wur ana a gweɗe a ika miɗ mburma tserdze, i sər Yesuw a ka, iye tekeɗe, i ti ɗif a à ŋgat ika miɗ Mbulum Tsir gà ana i gər ŋa ya.

Luka 2:11

Aɗaba tàa wa a kurum mala məmbə̀là à mburma i Betelehem i kwite Dawda mbakum. Ŋgat ka, *Kiristi, wele ana Mbulum a gwa, i slir a kurumaha a ya. Ŋgat ka, Əbay batsah ŋa, ika gər ahəɗ tserdze.

Yuhana 12:42

Tsaatsa ku mege kataya tekeɗe ka, gà mburma hinne tàa gəs Yesuw nda gəzləŋ, ku mege ika magər gà Əbay gà Yahuda tekeɗe ibam a. Ama ta gəs meɗife dər a bəra tsəka, aɗaba ana gà *Farisa ti ti delewe a tar i ga mahàmà a Mbulum a ya.

Yuhana 13:13

Kurum ihər ki zelwimiŋ a mala medzeŋge a mər, kige tsa Batsah mər ŋa ka, ndzer kaɗəŋ, pàrsa iɗəm tsa. Aɗaba iye ka, kataya dukw ŋgar.

Yuhana 13:14

Na iye mala medzeŋge a kurum, dite Batsah kurum ŋa asa, Yàa bara kurum sik seyiŋ ivaɗ ka, say kurum tekeɗe, ki bereywim a ba a sik kurum ika magər kurum ilik ilik tserdze kamala taŋa ya mbaŋa.

Yuhana 14:13

Dukw ana tserdze kàa wizwim nda zləm gà ya ka, i vile a kurum ŋa, na dite mburma ti zlibe a à Tsir gà, aɗaba iye ana Kəla ŋgar a.

Yuhana 14:23

Yesuw a gwaɗar aaka: «Wur ana a weye a iye ya ka, a ti dze a gurmits a bəɗ a dukw ana i tsik a ya mbaŋa. Tsir gà a ta weye a ŋgat, dite ka, mər məma mìi dere a, mìi ndze a nda gà ŋgat.

Yuhana 17:1

Yesuw a fàfəl a tar aba ya kataya tsara ka, a fə̀r a gəza mbulum, a gwaɗaha a Tsir ŋgar: «Tsir gà, məpàslà ahər yak ana kà pesliŋ a ka, aka ndze aɗəm kuɗa. Pat à ndzəɗa ana tì zlibe à iye a, Kəla yak a, dite na, gà mburma tekeɗe, tì zlibe à kər a nda təv gà ya mbaŋa.

Yuhana 20:28

Tumas a gwaɗar aaka: «Tsaka kər kaɗəŋ Batsah ga ŋa, kər ka, Mbulum ana i gewar meslire ya.»

Yuhana 5:23

A ge dər kataya ka, dite gà mburma tserdze tə̀ zlə̀b à iye kalkal, kamala ana tì zlibe a à Tsir gà ya mbaŋa. Wele ana à zlibe a à iye Kəla ŋgar tsiye ka, taŋa ka, a zlibe a à Tsir gà ana a slərra iye ya ɓav tsa.

Yuhana 9:22

Gà tsir ŋgar ti tsik kataya ka, aɗaba ana magəɗa gà bàba gà Yahuda a ge a ter a ya. Aɗaba gà bàba gà Yahuda tàa mbər medzè akaba bazlam aka ndəv. Ta gwa: Wele ana aka gwa, Yesuw ka, *Kiristi, mala məmbàlà à mburma ana Mbulum a gwa, i ti slir a kurumehe a ya ka, ti delewere a ŋgat i gà ga Mbulum tar ata ya.

Gà Ɓəzla Meslire 10:36

Kà sərum bazlam ana Mbulum a sləraha a gà mburma Isərayel, dite a zla a taraha bazlam ŋgwal ŋa ana a vile a ter a matasla yam a gəzləŋ zayya lele, nda ahər Yesuw Kiristi ya, aɗaba ana ŋgat a ne Batsah ŋa i liwiŋ gà mburma tserdze ya.

Gà Ɓəzla Meslire 2:36

Aɗaba taŋa kinehe tekeɗe ka, gà mburma Isərayel tə sər fit nda ndzer, Yesuw aaha kà ndwandwayum aà dizl magə̀làwà ŋa ya ka, ŋgat na Mbulum a ne dər BATSAH kwa ŋa, dite ka, mala məmbàlà à mburma ana Mbulum a gwa, i slir a kurumaha a asa ya.»

RUMA 14:11

Aɗaba ar ka, kamala ana a riŋ mewetse ŋa i wakita ka, ta gwa: «BATSAH kwa ŋa a gwa ka: I tsik ka, nda ndzer, ku weke a dere a, à dze a gurmits a bəɗ aka miɗ gà. Ku weke a tsik aà iye a parakkà, iye na Mbulum a.»*fa*

RUMA 14:9

Aɗaba ŋgat a mət, a mbəlara iɗəm a ka, na dite a ne Batsah ŋa ika gər gà na tar riŋ nda are ya, nda gà na tàa mata ya tserdze.

RUMA 15:9

Ama mede ŋgar ana a dara ya mbaŋa ka, na dite gà na tar gà Yahuda tsiye, tì zèmbeɗe a à Mbulum a, agəra ŋgwal ŋgar ana a vəl a tar dùnùkw a. Ar ka, kamala ana a riŋ mewetse ŋa i wakita Mbulum ka, ta gwa: «Aɗaba taŋa, i zèmbeɗe a à kər i liwiŋ gà mburma ana gà Yahuda tsiye, i lèhek a dimis.»*fb*

1 Kurintiya 12:3

Aɗaba taŋa, i waya ka, kurum ana kàa gəsum Yesuw Kiristi a gəzləŋ kurum kinehe ya, na ki sirwim a ikaba à dukw aaha ya lele ya. Na Mezite Mesife Mbulum i ba wura ka, wele ata a sle aà megweɗe a aà Yesuw Kiristi: «Wisìh Yàa vəlak mezelme» ka, a sle a tsa. Kamala taŋa ya mbaŋa, wura a sle aà megweɗe a: «Yesuw a ne BATSAH kwa ŋa» ka, a sle a tsa, na Mezite Mesife Mbulum i ba ŋgar tsiye.

1 Kurintiya 15:47

Malahalah mburma ka, Adama, ŋgat a ne mburma gər ahəɗ pəra. Mbulum a ge ŋgat ka, nda ahəɗ. Ama wele ata a mbe aka Adama ka, ŋgat a dara i mbulum i gər ŋa ya.

1 Kurintiya 8:6

Ama ku mege kataya tekeɗe, i təv kwa ka, Mbulum ka, ilik pəra. Ŋgat na Tsir kwa ya. Gà dukw ana ika gər ahəɗ tserdze ya, tə dara ka, i ahər ŋgar a. A ge kwa mbaŋa, na dite kinehe kwa gà biy ŋgar a. Kamala taŋa ya, BATSAH kwa ŋa tekeɗe, ilik pəra mbaŋa, kamala megweɗe ya ka, Yesuw Kiristi. Mbulum a geye gà dukw tserdze ka, nda ahər ŋgar. Ki ŋgetekewe a mesife awiya ŋa ka, i təv ŋgar a mbaŋa asa.

1 PIYER 1:21

Kə̀ gəsum Mbulum nda gəzləŋ kurum ka, aɗaba ŋgat, ŋgat ana Mbulum a mbəl dərra i məməta ya, dite a vəlar mezlibe ana gà mburma tì zlibe a à ŋgat hinne ya. Aɗaba taŋa ki slwim a aà məvəla gəzləŋ kurum a Mbulum ilik, na dite ki sirwim a dər ka, a ta mbil a kurum mbaŋa ya.

1 Yuhana 4:15

Wur ana a gweɗe a ka, Yesuw Kiristi ŋgat Kəla Mbulum a ka, Mbulum a ndze a i təv ilik ŋa nda gà ŋgat. Ŋgat tekeɗe ka, ti ndze a i təv ilik ŋa nda Mbulum mbaŋa.

1 Yuhana 4:2

Araha, meme na ki sirwim a dər, naha ka, Mezite Mesife Mbulum a: Wur ana a gweɗe a, Yesuw Kiristi a dara aka gər ahəɗ a, a ne mburma ya ka, wele ata na a ndze a nda Mezite Mesife ana a dara i təv Mbulum a ya.

2 Yuhana 1:7

I tsik a kurum taŋa ka, aɗaba ana gà ɓəzla məbànà mburma a riŋ tì sìweye a ika gər ahəɗ hinne ya. Aɗaba tar ka, ti niw megìse Yesuw Kiristi ana a dara aka gər ahəɗ kamala mburma ya. Ama wur ana a niw taŋa ya ka, ŋgat ka, mala məbànà mburma, dite ŋgat asa ka, mala mene are a Yesuw Kiristi mbaŋa.

Sunwa Yuhana 3:5

Kamala taŋa ya, na i ti dzèye a gà petek herrè ŋa aka gà na ta mbè a aà dukw bakal a. Tar ka, i mbete a à gà zləm tar ika wakita gà na tàa ŋgat mesife ya tsidze. I təv ana iye riŋ ika miɗ gà Tsir gà nda gà gawla ŋgar a ka, i gweɗe a parakkà, gà mburma aaha ka, gà biy gà.