FILIPIYA 2:10 - Bible Zulgo

¹⁰ A ge dər kataya ka, na dite gà dukw ana a ge tar tserdze ya, tàa tsaraka zləm Yesuw ka, ti dere a, tì dzer a gurmits a bəɗ, tì zèmbeɗe a à ŋgat, ku mege gà na i gəza mbulum, nda gà na ika gər ahəɗ a, kige tsa, gà na i təv gà məməta i biye tekeɗe ya.

FILIPIYA 2:10 ပူးပေါင်းရင်းမြစ်များ

Mata 12:40

Kamala Yunas ana batsah kilif a nde, a ger i hitwis gà həvəɗ makər, gà həpat makər a ka, iye, *wur ana a dara i təv Mbulum a tekeɗe ka, i ti ndze a i biye, gà həpat makər, gà həvəɗ makər a mbaŋa te.

Mata 27:29

Ti tike aaka aba ya ka, tə slàslapa akaba adak, ti ndìwìɗer dər gər, avukw felère Əbay ana ti tiker a gər a. Dite ta vəlar zəva Əbay a ahər mezime, tsam ka, tə dza ba aà madzàr gurmits a biye aka miɗ ŋgar. Tə sawla ahər nda megèyer wusa. Ta gwaɗar: «Wusa, Əbay gà Yahuda. Mbulum mà sə̀kàhak à mendze yak aà biybiy.»

Mata 28:18

Dite Yesuw a sìrìkaha a təv tar kuɗa. A daha, a gwaɗa a tar: «Mbulum aka viliŋ mekwere ŋgar ana i gər ŋa ya, ndəna ɗa ika gər ahəɗ a tserdze ka, a ahər gà.

RUMA 11:4

Yaw, aləka i dəba ŋa ya, Mbulum a gwaɗar aaka dze ana, dukùla? A gwaɗar aaka ka: «Awaŋ, kər ilik tsa, na a zeha ya. Yàa zeha à gà mburma gà ka, dəbuw təsəla na ti zezem a iye ya. Aɗaba tar tekeɗe, tàa dza gurmits a bəɗ a dukw ana gà asiŋ ŋa ti ne dər mbulum, tə zalar Ba/?al a tsa.»*fb*

EFESIYA 1:10

Dukw ata Mbulum a ti ndìv a dər ka, a pat məpàslà ahər ŋgar ana a tsik a. A gewe akaba a gà dukw ana i gər ŋa ya nda gà dukw ana ɗa ika gər ahəɗ a tserdze a təv ilik ŋa. A dze a ahər a Yesuw Kiristi, dite a ne a Əbay ŋa.

EFESIYA 3:14

Aɗaba taŋa, iye ihər i dze a gurmits a bəɗ a Mbulum Tsir kwa.

EFESIYA 4:9

Aɗaba la dze ya na a sasar aà megweɗe mifefile ata, a gwa ka: «aka tsəl a gər ŋa» ya? Ama a sasar ka, a lah meterra a bəɗ aka ahəɗ a dzekwiŋ.

IBƏRANIKWA 1:6

Ama i təv ana a sàs a Mbulum aà meslirra mandərkwasla Kəla ŋgar mifèndèz ŋana aka gər ahəɗ a ka, a tsik ahər, a gwa: «Say gà gawla gà ana i gər ŋa ya tserdze, tə̀ dzar gurmits a bəɗ.»*fc*

Sunwa Yuhana 20:13

Ku mege gà mburma ana ta mataya i batsah duluv a tekeɗe ka, yam ata à mère a à tar a. Gà məməta ana i biye i təv mendze gà məməta ya tekeɗe ka, tə dayara iɗəm a mbaŋa. Mbulum a geye a tar seriye tserdze, kalkal kamala biy megemir tar ana ta ge ya.

Sunwa Yuhana 4:10

I təv ana tar riŋ ta ge a kamala taŋa ya ka, gà bàba gà mburma dzik səla gəra faɗ ŋa ata, tə dza gurmits a bəɗ aka miɗ Mbulum, wele ana mandza ŋa ika təv mendze Əbay ata ya, dite ŋgat wele ana a ndze a aà biybiy a asa mbaŋa. Tì zèmbeɗe a à ŋgat. Tì dzik a dər gà felère Əbay tar ata i gər a, tì dze a dər a bəɗ, aka miɗ ŋgar, ta gwaɗawar:

Sunwa Yuhana 5:3

Ama a fàfəl aba ya ka, tə ndza ɗikɗik, tàa ŋgat a wura tsidze. Ku mege i mbulum i gər ŋa, ku mege i huɗ biye, dite ku mege i ŋga tekeɗe ka, wura a riŋ tsa, na a sle aà məpala ikaba wakita ata aà mifìrè aɗəm a.