FILIPIYA 1:8 - Bible Zulgo

⁸ Mbulum ka, a sər meme na i waya kurum hinne ya. Meweye ata i waya kurum a, a dara ka, i təv Yesuw Kiristi ya.

FILIPIYA 1:8 ပူးပေါင်းရင်းမြစ်များ

Luka 1:78

Aɗaba Mbulum Tsir kwa ka, mawàyà mburma ŋgar nda lìfèɗìɗe bazlam i təv ŋgar ka, hinne. A ti dze a kwa aà dzaydzay ŋgar kalkal kamala biy pat ana à mbizere a ya.

RUMA 1:9

Ku mege ndeɗime, i hamawa a Mbulum ka, aɗaba kurum. Ama Mbulum ana i ger a meslire nda gəzləŋ ilik, i ɗif a à ŋgwal bazlam ata aka gər Kəla ŋgar a ka, a sər, dukw ana i tsik a ya ka, ndzer kaɗəŋ, pàrsa iɗəm tsa.

RUMA 9:1

Bazlam aaha i tsik a ya ka, ndzer kaɗəŋ, aɗaba ana iye, mala magəsa Yesuw Kiristi, dite na i ses a pàrsa tsiye. Mezite Mesife Mbulum na a ɗifiŋ à dukw ana i tsik a ya ka, ndzer kaɗəŋ, pàrsa iɗəm tsiye. I madzala gà gər gà tekeɗe, kataya mbaŋa.

2 Kurintiya 13:9

Na bəla kurum ka, gà ndzəɗa ŋa ika vatwa Mbulum, ama mər ka, gà mbile ŋa na i təv are kurum a tekeɗe ka, mìi ŋgeye a ba ivaɗ. Aɗaba taŋa, mìi heme a a Mbulum, dite mà zlak kurum, aà ka simwim ika vatwa ŋgar a.

2 Kurintiya 6:12

Dite maa niw mawàyà ba nda gà kurum ilik tsidze asa. Ama kurum na kà wayum mər tsiye ivaɗ.

2 Kurintiya 7:15

Aka ana a daha a təv kurum a ka, kàa gəsum ŋgat lele, nda magəɗa ŋa, nda gà medzedzere i ba kurum hinne. Kurum tserdze na a gəs ahər ahəm a. Ama kinehe, a samata dukw ana ki gwimer ŋgwal ŋa ya ka, a səkah à mawàyà kurum hinne asa ivaɗ.

GALATIYA 1:20

Mbulum a sər dukw ana i tsik i fataya ka, ndzer, i ses a pàrsa tsidze.

GALATIYA 3:26

Kamala taŋa ya, kurum tserdze ka, kàa nwim gà ɓəza Mbulum, aɗaba ana kàa gəsum Yesuw Kiristi nda gəzləŋ, dite kurum a riŋ mandza ŋa i təv ilik ŋa nda ŋgat a.

GALATIYA 4:19

Gà ɓəza gà, iye ihər i sèwèr a are aɗaba kurum, kamala məkəs ana a we a kəla ka, tə̀pasəssà a wir ahər a ya. A riŋ a wir aà iye a ka, kamala taŋa ya, haa a təv ana kàa zlum ba Kiristi nda ndzer a.

FILIPIYA 2:1

Kurum kà sərum ka, kurum riŋ mandza ŋa i təv ilik ŋa nda gà Yesuw Kiristi. Kamala taŋa ya na a vile a kurum a ndzəɗa a gəzləŋ kurum ɓəŋɓəŋ a. Meweye ŋgar ana a waya kurum a, na à me aà kurum a à arəv a. Kà sərum, kurum riŋ mandza ŋa ka, ndìɓèkke i təv ilik ŋa nda gà Mezite Mesife Mbulum. Kwa ihər ki weyekwe a ba ilik ilik tserdze ika magər kwa, dite na gà mburma ti ndzekwe a are tsehe mbaŋa ya.

FILIPIYA 2:26

Aɗaba a waya madaha a təv kurum hinne, gər aka wiser, ki kìvwimeriŋa, aɗaba ana ŋgat a tsaraka ka, ta gwa là, kàa tsarakum dukw məməta ŋgar aaha a gəs ɗa ŋgat a ya.

FILIPIYA 4:1

Aɗaba taŋa, gà damər gà ana i waya kurum hinne ya, ndzum ka, nda gà ndzəɗa ɓəŋɓəŋ lele, na i huɗ mendze kurum ana kurum mandza ŋa i təv ilik ŋa nda gà BATSAH kwa ŋa ya. I waya kurum hinne, ki kìvwimiŋŋa, a sèsiŋ na i ŋget a kurum a asa ya. Iye ihər i ŋgeye a ba aɗaba kurum. Kurum kà nwim ka, gà ɓəzla sida megemir gà ana i ge ŋgwal ŋa ya.

KULUSIYA 2:1

A sèsiŋ ka, ki sirwim a dər, meme na i mər aba hinne aɗaba kurum gà mburma Mbulum ana i Kulusiya ya, nda gà na i Lawdikiya ya, dite nda gà asiŋ gà mburma ana pampam tàa ŋgetiŋ zukw tsiye ya.

KULUSIYA 3:12

Mə məts a kurum gər tsa: Mbulum a pala kurum, na dite kà nwim gà biy ŋgar a. Ŋgat na a waya kurum a ya. Aɗaba taŋa, say mede kurum ma ge ka, ŋgwal ŋa, kamala i gà mburma ŋgar ana a ne à tar gà awiya ŋa ya. Gà asiŋ gà mìsle ŋgiɗ ti ndze a kurum are tsehe, kə̀ gəsum ba lele, Hənum ba à gər a bəɗ, ki gwim ŋgwal a gà mìsle ŋgiɗ, dite kə̀ gəsum gəzləŋ mbaŋa.

1 TESALUNIKE 2:5

Kurum kà sərum, mər ka, maa tsik a kurum bazlam ana lìfèɗìɗe nda wirwir a ilik tsa, nda gà maa yaha dər duwa tsa asa mbaŋa. Dukw ana i wetse i faha ya ka, ndzer, Mbulum aka mbər mesire.

1 TESALUNIKE 2:8

Mì waya kurum ka, hinne. Aɗaba taŋa, i təv ana mər mandza ŋa i təv kurum a ka, a sàs a mər na mìi ɗif a kurum a à bazlam ŋgwal ŋa ana a dara i təv Mbulum a ya. Ama ka, taŋa ɗekɗek tsa, a sàs a mər ka, mìi mete a aɗaba kurum, agəra ana mì waya kurum ka, hinne ya.

2 TIMUTE 1:4

Tuwa yak ata akahər ata ka tuwa aka iye ya i təv ana kà tama aba ya ka, aka mìtsiŋ gər tsa. Kər riŋ ki kìviŋ a ka, hinne. A sèsiŋ ka, ki ŋgetemebe a asa, na dite maŋgayaba à rèh a a gəzləŋ gà ya.

FILIMUN 1:12

Taŋa kinehe ka, i slirehe a ŋgat, ma daha a təv yak asa. A dehe a ka, kamala ana iye na a daha ya.

FILIMUN 1:20

Aɗaba taŋa, damər ga, i gek a kamkam nda zləm BATSAH kwa ŋa: Giŋ gà ŋgwal gà dukw ata te. Viliŋ matasla yam a gəzləŋ ga, aɗaba kwa ka, kàa gawakwa ba a təv ilik ŋa nda gà Yesuw Kiristi.

1 Yuhana 3:17

Na bəla wura a riŋ, kuɗa duwa a ger a tsa, dite ka, a ŋget a a damər ŋgar a riŋ, kuɗa duwa a sler a za hinne, ama ka, à zlèk a ŋgat tsəna, meme na a gweɗe a ka, i waya Mbulum asa ya? A riŋ tsa.