FILIPIYA 1:7 - Bible Zulgo

⁷ Ŋgwal ŋa lele na iye ihər i dzele a kamala taŋa ya, dite i ndze a ka, ndzəɗakkà na agəra kurum a. Aɗaba kà dwimiŋ gər lele. Aɗaba kurum nda gà iye tserdze ka, Mbulum aka ge a kwa ŋgwal ŋa, na dite ki zlèkwim a iye ana gədzə̀zlzla mandza ŋa i daŋgay a, dite i təv ana i tsikewa ŋgwal bazlam ana biy Yesuw Kiristi ika miɗ seriye, i ɗif a à ndzer ŋana ya mbaŋa.

FILIPIYA 1:7 ပူးပေါင်းရင်းမြစ်များ

Gà Ɓəzla Meslire 20:23

Ama kəla ka, i sər, na Yàa ndze, ku mege a kwite awara ka, Mezite Mesife a gweɗewiŋ:

Gà Ɓəzla Meslire 21:33

Əbay sliwdze ata a gəs Pul, a gwaɗa a gà mburma ŋgar: «Dzawum ŋgat nda tsitsirɓe sula.» Dite i dəba ŋa ya, a wiz dukw ana Pul a ge ya, aà gà mburma ata. A gwaɗa a tar: «Naha ana, weke? A ge dze ana, meme?»

1 Kurintiya 13:7

Taŋa wur ana a waya mburma ya ka, à gis a gəzləŋ i təv mesewere are ya tserdze. A simehe a a dukw ana mburma ta ger a ŋgwal ŋa tsiye fit mbaŋa. Ku ndeɗime, a de a aka miɗ aka miɗ nda magəsa Mbulum nda gəzləŋ ŋgar. A tike a madzala gà gər ŋgar ka, kəla pat a təv Mbulum, na dite dukw tserdze a de a i təv ŋgar lele ya.

1 Kurintiya 9:23

Dukw ata i ge a tserdze ya ka, na dite bazlam ŋgwal ŋana ma da aka miɗ aka miɗ a. A sèsiŋ ka, i ŋget a dər mipìsè ahəm Mbulum ana a pisiŋ a ya, mər nda gà asiŋ gà mburma ana ta gəs bazlam ata tserdze mbaŋa ya.

2 Kurintiya 3:2

Kurum na kà nwim wakita mər, mewetse ŋa a riŋ i gəzləŋ mər a. Ku mege weke a sle a aà medzeŋge, a tsereke a lele.

2 Kurintiya 7:3

Ka ta gwaɗum, i tsik taŋa ka, biy na i mà a kurum à bakal a ɓav tsa. Ar ka, kamala ana i lah metsike a kurum ndeɗiŋa ya. Mì waya kurum hinne, duwa ilik ma ta mà ba à kwa tsa. Ku mege kàa matakwa, kwa i təv ilik ŋa, ku mege kwa riŋ nda mesife tekeɗe, kwa i təv ilik ŋa hiywe mbaŋa.

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

EFESIYA 3:1

Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

EFESIYA 4:1

Kərga taŋa ya, iye ka, iye i daŋgay, aɗaba ana iye mala meslire Yesuw Kiristi BATSAH kwa ŋa ya. Iye ihər i ge kurum a kamkam: Ama mede kurum ma ge ka, kamala biy ana Mbulum a waya, a zal a kurum dər a.

EFESIYA 6:20

Ku mege iye i daŋgay kinehe tekeɗe ka, iye mala meslire Yesuw hiywe pəra, aɗaba bazlam ŋgwal ŋa ata. Hamum a Mbulum, dite ka, i ge magəɗa aà məfàfə̀là parakkà tsa mbaŋa, kamala ana a sasar a ya.

FILIPIYA 1:12

A kurum gà damər gà, a sèsiŋ ka, sərum dər aà labara ana a le aà iye i faha ya. Megìse aaha ta gəs iye ya, a zlak ka, ŋgwal bazlam aaha biy Yesuw Kiristi ya ivaɗ, na dite ka, a de a aka miɗ aka miɗ, a ɗe a zləm a.

FILIPIYA 1:13

Gà sliwdze ana ta kesle a ga Əbay a, nda gà asiŋ gà mburma ana ɗa i faha tserdze ya, tə sər kinehe, iye riŋ i daŋgay gədzə̀zlzla ka, agəra ana i ge a meslire Yesuw Kiristi ya.

FILIPIYA 1:14

Aɗaba megìse aaha ta gəs iye a daŋgay a tekeɗe ka, a vəl ndzəɗa a gà damər kwa ana i liwiŋ gà mburma Mbulum a bagwal ŋa ɓəŋɓəŋ lele, a səkah a tar à megìse ana ta gəs BATSAH kwa ŋa ya. Magəɗa a ge a ter a asa tsa, ti tsik a bazlam Mbulum a mburma ka, parakkà, tə səkah dər ivaɗ.

FILIPIYA 1:5

I gewar kəkaaha ka, aɗaba kàa gewakwa ba, kà zlàkawum iye aà megemir metsìkè bazlam ŋgwal ŋana, aà gər pat ana malahalah ŋa, kà nwim gà mburma Mbulum a, haa kinehe ya.

FILIPIYA 2:22

Ama Timute ka, kà sərum mede ŋgar ana ŋgwal ŋa ya. Mər nda ŋgat məma, mì tsikewa bazlam ŋgwal ŋa ana biy Yesuw Kiristi ya, a mburma. A zlàkawa iye aà megemir kamala kəla ana à zlèk a tsir ŋgar a.

FILIPIYA 4:14

Ama ka, ku mege kataya tekeɗe ka, kàa gwim ŋgwal ŋa lele aà mezleke iye i huɗ mesewere are gà ana i sèwèr a kinehe ya.

FILIPIYA 4:15

A kurum gà mburma ana i Filipiya ya, kurum kà sərum, aka ana i dza ba aà metsìkè a kurum bazlam ŋgwal ŋa ana biy Yesuw Kiristi ika ahəɗ Makaduniya ya ya, dite i zazəɗ dər aka miɗ, i da à kurum a ka, say kurum ɗekɗek na kà zlakum iye ya, tsəka, aɗaba gà asiŋ gà mburma Mbulum ŋgiɗ a riŋ mì ndzawa i təv tar ka, tàa viliŋ duwa tsa.

FILIPIYA 4:3

A kər masla gà ana ma ihər ki geme a megemir ŋa ilik a, iye ihər i gik a kamkam mbaŋa: Zlak gà məkəs ata, aɗaba tàa mər aba hinne, na i təv ana mì ge akaba mege megemir metsìkè bazlam ŋgwal ŋana biy Yesuw Kiristi a mburma ya, tar nda gà Kilemas, nda gà asiŋ gà ɓəzla megemir ana mì ge akaba megemir i təv ilik ŋa ya. Tar ata tserdze ya ka, Mbulum aka wetseye gà zləm tar a wakita a təv gà mburma ana ti ta ŋget a mesife awiya ya.

KULUSIYA 4:18

Iye Pul, nda ahər gà ŋa, na naha, i tsìmìɗ dər, i wetse a kurumaha bazlam aaha ya. I ge a kurumaha wusa. Mə̀ məts a kurum gər tsa, na iye ɗa mandza ŋa i daŋgay gədzə̀zlzla ya. Mbulum ma ge a kurum ŋgwal tserdze.

KULUSIYA 4:3

dite hamumar aɗaba mər asa. Hamumar ka, dite mə vəl a mər vatwa aà metsìkè bazlam ŋgar a mburma, dite mìi ɗif a ter a à dukw ana makàhà ŋa aka gər Yesuw Kiristi ya parakkà lele. Aɗaba kurum kà sərum, agəra ana i ɗif a dər kamala taŋa ya, na kinehe ta gəs iye a daŋgay a.

1 TESALUNIKE 5:5

Aɗaba kurum tserdze ka, gà mburma ana ta gewa duwa parakkà i təv dzaydzay ŋa ndaàpat a ivaɗ, tsəka, kurum gà mburma ana ta gewa duwa ndaàvəɗ i luvuŋ a tsa.

2 TIMUTE 1:8

Aɗaba taŋa, tsik bazlam BATSAH kwa ŋana a mət aà dizl magə̀làwà ŋa ya a gà mburma ka, parakkà lele, ki ge dər magəɗa tsidze. Dite ku mege iye riŋ i daŋgay gədzə̀zlzla agəra ana i zezem a ŋgat a tekeɗe, ki ge dər hwarwa ika miɗ mburma tsa asa mbaŋa. Ama ka, hadzal ba yak aà mesewere are nda iye, aɗaba bazlam ŋgwal ŋana ivaɗ. Mbulum na a vilek ahər a ndzəɗa ya.

2 TIMUTE 2:9

Aɗaba ŋgwal bazlam ata na iye ihər i sèwèr a are, tə dàn iye i daŋgay nda tsitsirɓe gədzə̀zlzla, kamala ana iye mala bakal a ya. Ama bazlam Mbulum kə̀la ka, tsitsik tsitsik ti sle aà meŋgete a, dite ta gis a a daŋgay tsidze.

FILIMUN 1:13

I waya zləmana ka, ma ndza ɗa i təv ga i daŋgay ana ta gəs iye aɗaba bazlam ŋgwal ŋa ata ya, mà zlak iye, avukw kər ana ki zlèk a iye ya.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

1 PIYER 4:13

Ama ŋgulum ka, ŋgeywim ba, aɗaba kàa mbər megìswim mesewere are ana Yesuw Kiristi a sèwèr a. Dite a pat ana gà mburma tì zlibe a à ŋgat parakkà aà are mburma tserdze, i fataya ka, ki ta ŋgeywim a ba hinne.

1 PIYER 5:1

Kinehe ka, iye ihər i fèfil a a gà bàba ŋa ana ika magər kurum gà mburma Mbulum a. Iye tekeɗe ka, batsah ŋa mbaŋa. Na a ne mala sida mesewere are Yesuw Kiristi ka, iye ŋa naha. A pat ana Mbulum à mère a à Yesuw a təv kwa ya ka, gà mburma tì zlibe a à ŋgat parakkà aà are mburma tserdze. Iye tekeɗe, i ti zlibe a à ŋgat a hinne mbaŋa. Aɗaba taŋa, iye ihər i ge a kurum a kamkam:

2 Piyer 1:13

Ama na mesife gà a riŋ mba kamala naha ya ka, lele na i me a kurumaha a à gà dukw ata a gər, na dite ki ndzwim a are tsiye.

1 Yuhana 3:14

Aɗaba kwa kà sərakwa kinehe ka, kwa i təv məməta asa tsa, kàa tàkwara iɗəm a. Kàa ŋgatakwa mesife ana awiya ŋa ya. Dite meme na ki sirekwe a dər ka, kàa ŋgatakwa mesife ata awiya ŋa ya ya? Ki sirekwe a dər ka, aɗaba ana ki weyekwe a gà damər kwa ana ika vatwa Mbulum a. Na wura a waya gà damər ŋgar ata tsəka, ar ka, i məməta hiywe mba.