FILIPIYA 1:25 - Bible Zulgo

²⁵ I samata, ŋgwal ŋa ka, taŋa. Aɗaba taŋa na dukw ana i sər ndzer, i ndze a aà bəra mba ya. Ki ti ndzekwe a i təv ilik ŋa nda gà kurum tserdze, na dite i zlèk a kurum ika vatwa Mbulum, ki sìkèhwim a aka miɗ aka miɗ i təv megìse kurum a, dite ki ta ŋgeywim a ba mbaŋa asa ya.

FILIPIYA 1:25 ပူးပေါင်းရင်းမြစ်များ

FILIPIYA 2:24

Iye tekeɗe, i sər, na BATSAH kwa ŋa aka waya ka, i ti dehe a a təv kurum bise mbaŋa.

2 Kurintiya 1:24

Ama mər ka, maa ne gà Əbay aà makwàrà kurum nda təv megìse kurum ana kə̀ gəsum a ɓav tsa. Aɗaba mì sər ka, kàa gəsum Yesuw Kiristi nda gəzləŋ kurum ɓəŋɓəŋ lele. Mì waya ka, ki gekwe a megemir nda gà kurum seyiŋ ivaɗ, na dite maŋgayaba kurum à sìkèh a ya.

RUMA 15:13

Kinehe ka, iye riŋ i heme a a Mbulum, mala metsìkè dukw ana a tsik a ka, dite gà mburma ti dzele a ya, mə vəl a kurum maŋgayaba, mà rah a gəzləŋ kurum tsìsl lele, nda matasla yam zayya, agəra megìse kurum ana kàa gəsum ŋgat nda gəzləŋ a. Kamala taŋa ya, madzala gà gər kurum tekeɗe, fit a de a a təv Mbulum, nda ndzəɗa Mezite Mesife ŋgar.

RUMA 5:2

Ŋgat na a hə̀ndə̀k a kwa i vatwa ya, na dite Mbulum a ge a kwa ŋgwal, aɗaba ana kə̀ gə̀sakwa ŋgat nda gəzləŋ kwa ya. Ŋgwal dukw ata kə̀ ŋgatakwa ya ka, ki ŋgeyekwe a dər ba, aɗaba ana kà sərakwa ndzer ka, Mbulum a ta vile a kwe a mezlibe ŋgar ana tì zlibe a à ŋgat a mbaŋa ya.

Gà Ɓəzla Meslire 20:25

Iye i sər, Yàa ndəv à mendze gà ika magər kurum a, a kurum ana i tsik a kurum bazlam Əbay Mbulum a. Ama kəla ka, ki ŋgetwimiŋ a ɗa ika magər kurum asa tsa.

1 PIYER 1:8

Ku mege kàa ŋgatum a Yesuw nda are kurum zukw tsa tekeɗe ka, kà wayum ŋgat. Ku mege kàa ŋgatumar kinehe tsa tekeɗe ka, kàa gəsum ŋgat nda gəzləŋ kurum lele. Aɗaba taŋa na kurum ihər ki ŋgeywim a ba kinehe hinne, a za dukw ana mburma a tsik a nda bazlam a.

RUMA 15:29

Na Yàa daha a təv kurum ka, i sər, Yesuw Kiristi a pise a kwe a ahəm hinne, agəra ana kwa mandza ŋa i təv ilik ŋa ya.

RUMA 15:18

A sèsiŋ mesèse ahər bazlam ŋgiɗ tsa. Say i me a ka, à dukw ana Yesuw Kiristi a ge nda ahər gà ya. A viliŋ ndzəɗa aà metsike bazlam ŋgar a gà na gà Yahuda tsiye, dite ka, tə dara a təv ŋgar a, ta gəs ahəm ŋgar. Na tàa dara ka, agəra dukw ana i ge ya, nda bazlam ana i tsik a,

Gà Ɓəzla Meslire 14:22

Tə daha, ta màha à arəv a gà mburma Mbulum ana i fataya, dite ka, ta bàs gəzləŋ, ta ŋgat ndzəɗa i təv megìse tar ana ta gəs Mbulum a. Ta gwaɗawa a tar: «Ki ta ŋgetekewe a təv mendze i mekwere Əbay Mbulum ka, ki sèwèrekwe a are hinne pampam dzekwiŋ.»

Gà Ɓəzla Meslire 11:23

Aləka a ndzeha a fata, a ŋgat a Mbulum a pise ahəm a gà mburma ata ya ka, a ŋgaya ba hinne, a mà taraha à arəv tserdze, aà megìse tar ana ta gəs BATSAH kwa ŋa ya, ma da aka miɗ aka miɗ nda gəzləŋ ilik, ta miyak dər tsa.

Luka 22:32

Ama kə̀la ka, Yàa hama a Mbulum agəra kər, dite ka, ka miyak à megìse ana kə̀ gəs ŋgat a kweleŋ tsa. Dite i təv ana, aləka, kàa màra a təv ga ya ka, ki ta vile a ndzəɗa a ba a gà damər yak mba.»

FILIPIYA 1:24

I zleŋe a mbaŋa, na mendze gà ana i ndze a nda are kinehe ya, a ge a ŋgulum hinne asa na aɗaba kurum a.

FILIMUN 1:22

Ama i təv ana kàa gəs Unesimus a ga a ma yak a ka, kà lèmbeɗiŋ riŋ təv mehinne i fata mbaŋa. Aɗaba i dzala ka, Mbulum a tsereke a dukw ana kà wizwim a ya, na dite a viliŋ a vatwa aà madaha a təv kurum a.