FILIPIYA 1:22 - Bible Zulgo

²² Ama kə̀la ka, na iye riŋ mandza ŋa nda are mba ka, i ge a megemir ana à zlèk a mburma ya. Kamala taŋa ya, a giŋ gərəŋ gərəŋ na i liwiŋ gà bazlam ata sula ya. I zle a iɗəm ana, awara ya ka, i sər tsa.

FILIPIYA 1:22 ပူးပေါင်းရင်းမြစ်များ

Gà Ɓəzla Meslire 3:17

Ama i sər gà damər gà, dukw ana kàa gwim nda gà Əbay kurum aà Yesuw a ka, kàa gwim ndzer, pàrsa iɗəm tsa, aɗaba kà sərum tsa pəra.

RUMA 1:13

Gà damər ga, sərum dər ka, sik diŋ na i yahawa vatwa aà madaha a təv kurum a. Ama ka, haa kinehe Yàa ŋgataha vatwa zukw tsa. A sèsiŋ, i dehe a ka, aà mazlàkà kurum, kamala ana i zlàkawa gà asiŋ gà mburma ana ika gà ahəɗ ŋgiɗ a mbaŋa, na dite gà asiŋ ŋa ta mbìɗ a à gəzləŋ tar a təv Mbulum, tì sìkèhehe a a təv kurum aka miɗ aka miɗ a.

RUMA 11:2

Mbulum aka məsak à gà mburma ŋgar ana a pala tar daga aà gər malahalah ŋa ata ya tsa. Kurum kà sərum tsiye, na dukw ana i wakita Mbulum ka, Iliya a ge seriye aà gà Isərayel ika miɗ Mbulum a. A gwaɗa a Mbulum ka:

2 Kurintiya 10:3

Kaɗəŋ, aɗaba mər ka, gà mburma taf masakəŋa. Ama gùvəl ana mər ihər mìi ge a ya ka, kamala biy gà mburma gər ahəɗ a tsa.

GALATIYA 2:20

Iye ka, mesife ana i ndze a dər kinehe ya ka, biy gà asa tsa. Ama ka, Kiristi na a ndze a nda mesife ŋgar i gəzləŋ gà ya. Mendze ana i ndze a ɗa ika gər ahəɗ kinehe ya ka, say nda magàsà Kəla Mbulum ata nda gəzləŋ. Ŋgat na a waya iye, dite a dzeye à mesife ŋgar aɗaba iye ya.

FILIPIYA 1:23

Kə̀zət gà dukw ata sula ya, ta ŋgil a aba à iye. Ama a sèsiŋ kə̀la asa mbaŋa ka, ŋgulum na i mìt a ya, dite mìi ndze a i təv ilik ŋa nda Yesuw Kiristi ya. Aɗaba taŋa ka, ŋgwal ŋa hinne, a za dər mendze ana i ndze a ɗa ika gər ahəɗ kinehe ya.

FILIPIYA 1:24

I zleŋe a mbaŋa, na mendze gà ana i ndze a nda are kinehe ya, a ge a ŋgulum hinne asa na aɗaba kurum a.

KULUSIYA 2:1

A sèsiŋ ka, ki sirwim a dər, meme na i mər aba hinne aɗaba kurum gà mburma Mbulum ana i Kulusiya ya, nda gà na i Lawdikiya ya, dite nda gà asiŋ gà mburma ana pampam tàa ŋgetiŋ zukw tsiye ya.

1 PIYER 4:2

Daga aà kinehe ya, na kurum mandza ŋa ɗa ika gər ahəɗ tə̀ma ka, ndzum ka, kamala ana a sàs a Mbulum a, tsəka, meèweke ana i ba kurum a, ma ta kwara kurum asa tsa.