FILIPIYA 1:13 - Bible Zulgo

¹³ Gà sliwdze ana ta kesle a ga Əbay a, nda gà asiŋ gà mburma ana ɗa i faha tserdze ya, tə sər kinehe, iye riŋ i daŋgay gədzə̀zlzla ka, agəra ana i ge a meslire Yesuw Kiristi ya.

FILIPIYA 1:13 ပူးပေါင်းရင်းမြစ်များ

Gà Ɓəzla Meslire 26:29

{Pul a gwaɗar aaka mbaŋa: «Ku mege kinehe tsara, bəla aka miɗ mba tekeɗe ka, iye i heme a a Mbulum, aɗaba kər, nda gà mburma ana ɗa i faha ya tserdze, dite ka nwim gà ɓəzla magəsa Mbulum kamala iye ya. Ama i waya ka, tə dzaw kurum a daŋgay kamala iye ya tə tsa kəla.»}

Gà Ɓəzla Meslire 26:31

Aləka i təv ana ti dere a a bəra ya ka, ta gwaɗaba ika magər tar: «Wele aka ka, aka ge dukw ana ta kiɗ a dər ŋgat, kige tsa, tì yè a dər ŋgat a daŋgay a tsa.»

Gà Ɓəzla Meslire 28:17

I dəba mehinne makər a ka, Pul a zal a gà bàba gà Yahuda ana i kwite Ruma ya. Gà mburma ata ti yahaba gər, tə daha a təv ŋgar. A gwaɗa a tar: «Gà damər gà, tàa gəs iye i Yeruzalem, ta vəl iye a ahər a gà Ruma. Ama ka, Yàa ge a tar dukw ana ŋgwal ŋa tsiye, nda təv məpala ahəm gà tsir kwa ya tsa tekeɗe, ta gəs dər akaba iye pəra.

Gà Ɓəzla Meslire 28:20

Taŋa na i wiz kurum aà metsìkè a kurum a zləm kurum te ya. Iye ihər i zle a tsitsirɓe aaha ka, aɗaba iye ihər i ge a meslire wele ana gà mburma Isərayel tə dzalawa a təv ŋgar a.»

Gà Ɓəzla Meslire 28:30

I dəba ŋa ya, Pul a ndza i fata mive sula. A hənawa i ga ana ta pə̀lawa siŋgwe ŋa ya. I fata ka, a ziwe a gər ŋgar. Gà mburma ana tə dawaha a təv ŋgar a ka, à gis a tar, a fàfəlawa a tar himmè lele.

EFESIYA 3:1

Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

EFESIYA 4:1

Kərga taŋa ya, iye ka, iye i daŋgay, aɗaba ana iye mala meslire Yesuw Kiristi BATSAH kwa ŋa ya. Iye ihər i ge kurum a kamkam: Ama mede kurum ma ge ka, kamala biy ana Mbulum a waya, a zal a kurum dər a.

EFESIYA 6:20

Ku mege iye i daŋgay kinehe tekeɗe ka, iye mala meslire Yesuw hiywe pəra, aɗaba bazlam ŋgwal ŋa ata. Hamum a Mbulum, dite ka, i ge magəɗa aà məfàfə̀là parakkà tsa mbaŋa, kamala ana a sasar a ya.

FILIPIYA 1:30

Kurum ka, kàa ŋgatum a məmərà aba gà ana ika vatwa Mbulum akahər ata ya. Ama kinehe tekeɗe ka, kurum riŋ ihər ki tserekwimiŋa, meme na i ge a gùvəl ata hiywe mba ya. Dite kurum tekeɗe, kàa patsum aɗəm, kurum riŋ ihər wìskikiɗkiɗ ki gwim a gùvəl ata mbaŋa.

FILIPIYA 1:7

Ŋgwal ŋa lele na iye ihər i dzele a kamala taŋa ya, dite i ndze a ka, ndzəɗakkà na agəra kurum a. Aɗaba kà dwimiŋ gər lele. Aɗaba kurum nda gà iye tserdze ka, Mbulum aka ge a kwa ŋgwal ŋa, na dite ki zlèkwim a iye ana gədzə̀zlzla mandza ŋa i daŋgay a, dite i təv ana i tsikewa ŋgwal bazlam ana biy Yesuw Kiristi ika miɗ seriye, i ɗif a à ndzer ŋana ya mbaŋa.

FILIPIYA 4:22

Gà asiŋ gà mburma Mbulum ana ɗa i faha ya tserdze, ta ge a kurumaha wusa mbaŋa asa. Ndeyndey ŋana ka, gà damər kwa ana ta ge a meslire i ga i bəra batsah Əbay gà Ruma ya.

2 TIMUTE 2:9

Aɗaba ŋgwal bazlam ata na iye ihər i sèwèr a are, tə dàn iye i daŋgay nda tsitsirɓe gədzə̀zlzla, kamala ana iye mala bakal a ya. Ama bazlam Mbulum kə̀la ka, tsitsik tsitsik ti sle aà meŋgete a, dite ta gis a a daŋgay tsidze.