FILIPIYA 1:10 - Bible Zulgo

¹⁰ Kamala taŋa ya, ki pelwim a ikaba gà dukw ana ŋgwal ŋa ti de a ndaka vatwa Mbulum a, dite a pat ana Yesuw Kiristi à mère a, a ge a seriye ya ka, ki ndzwim a tsəɗaŋŋa lele, bakal i təv kurum tsa.

FILIPIYA 1:10 ပူးပေါင်းရင်းမြစ်များ

Mata 16:23

I dəba ŋa ya, Yesuw ə̀ba a fə̀r ahər, a gwaɗar: «Kər Piyer, madzala gà gər yak ata ka, mà da i təv ga ya, aɗaba kər kà ne ika miɗ gà ka, kamala Əbay sitene ya. Kər ka, a sàsak medzeye à iye ika vatwa ya. Aɗaba madzala gà gər yak ata kà dzala ya ka, biy mburma, tsəka, biy Mbulum tsa.»

Mata 26:33

I dəba ŋa ya, Piyer a gwaɗar aaka: «Ku mege gà mìsle ŋgiɗ tàa miyak à kər tserdze tekeɗe, iye ka, i miyek a à kər tsidze.»

Yuhana 1:47

Aləka Yesuw a fə̀r Nataniyel a riŋ a dehe a a təv ŋgar ka, a gwa aà ŋgat: «Araha na kəla gà Isərayel ana ndzer, wirwir i ba tsidze ya.»

Yuhana 3:20

Ku weke na a riŋ a ge a dukw ana ŋgwal ŋa tsiye ka, a sasar təv dzaydzay ŋa ata tsidze, dite a ndze a ka, i luvuŋ. Aɗaba a ge a magəɗa a megemir ŋgar ana a ge a ŋgwal ŋa tsa, a pèt aba a ya.

Gà Ɓəzla Meslire 24:16

Aɗaba taŋa na iye riŋ kəla pat, a sèsiŋ mendze ika miɗ Mbulum nda gəzləŋ ŋgwal ŋa lele, dite nda gà ika miɗ gà mburma ya.

RUMA 12:2

Ka tə zazamum mede gà mburma ana ta ge a dukw gər ahəɗ a tsa. Vəlum vatwa a Mbulum ivaɗ, ma da a gəzləŋ kurum, mə̀ mbəɗ dər, na dite ŋgiletittè ki nwim a gà awiya ŋa ya. Kamala taŋa ya na ki sirwim a dukw ana Mbulum a waya ya. Kamala megweɗe ya, ki sirwim a dər ka, dukw ana ŋgwal ŋa, a tsahən ahər, a de a ndaka vatwa ŋa kalkal a.

RUMA 12:9

Mawàyà ba kurum ma ge ka, nda gəzləŋ ilik, wirwir ma ge iɗəm tsa. Tə̀zum aà dukw bakal a. Zazamum ka, dukw ana ŋgwal ŋa ya kəla pat, ku mege ndeɗime ivaɗ.

RUMA 16:17

Gà damər gà, i ge a kurum a kamkam: Gwim metsehe, kaslum ba kurum i təv gà na ta me a kurum a à ŋgwaza nda təv bazlam Mbulum, ti tsik a kurum a dukw ana kàa tsarakum ilik tsiye ya. Dite ka, ta gwitse a ikaba à kurum a, ki sirwim aba a ahəm asa tsa, gà mìsle ŋgiɗ tì dzèwe a ika vatwa Mbulum a. Ama ka, ka vəlum a tar are tsa, sìrìkwim i təv tar a diriŋ.

RUMA 2:18

Kurum ka, kà sərum dukw ana a sàs a Mbulum ka, dite gà mburma ta ge ya. Aɗaba məpala ahəm ŋgar ata na a ɗif a kurum à masəra ikaba à gà dukw ana ŋgwal ŋa ya, ndəna ŋgwal ŋa tsiye ya.

RUMA 7:16

Ama na bəla ki gekwe a ka, dukw ana a sàs a kwa tsiye ka, taŋa ki gweɗekwe a, məpala ahəm ka, dukw ana ŋgwal ŋa ya.

RUMA 7:22

I gəzləŋ kwa ka, a sàs a kwa mazazama məpala ahəm Mbulum nda maŋgayaba ŋa kaɗəŋ.

RUMA 8:7

Wur ana a dzele a dukw ana ba ŋgar a waya ya ɗekɗek ka, ŋgat a ne ka, mala mene are a Mbulum. A zezem a ka, dukw ana Mbulum a tsik a tsa, aɗaba ana a sle a tsiye.

1 Kurintiya 1:8

Ŋgat na à zlèk a kurum, dite ka, ki ndzwim a ɓəŋɓəŋ lele ika vatwa ŋgar, haa a pat mandəvandəv ŋana, dite pat seriye Yesuw Kiristi BATSAH kwa ŋana a ge a ya, aka ndzera ka, wura a sle a aà məma a kurum à bakal tsiye.

1 Kurintiya 10:32

Ki gwim a ka, dukw ana a vile a mendìfè sik a gà mìsle ŋgiɗ tsiye, ku mege gà Yahuda, ku mege gà Yahuda tsa, dite ku mege gà mayahaba gər gà mburma Mbulum tekeɗe ya.

1 Kurintiya 8:13

Aɗaba taŋa, na damər gà a ge a bakal, aɗaba iye, agəra ana i pèpìɗ a slu ata ya ka, ŋgulum i pèpìɗ a tsidze. Aɗaba i waya tsa na damər gà a dzeye a ika vatwa Mbulum a ya.

2 Kurintiya 1:12

Dukw ana mìi ge a dər zlapa ya ka, araha: I gəzləŋ mər ka, mì sər, mede mər ana mì dawa ika vatwa Mbulum a ka, nda gəzləŋ ilik ŋa, nda ndzer, kamala ana Mbulum a waya ya. Mede mər ata ŋgwal ŋa ndeyndey ka, ika magər kurum. Ndzəɗa mər ana mì ndza dər kataya ya, a dara ka, i madzala gà gər gà mburma gər ahəɗ a tsa. Ama a dara ka, i təv Mbulum ana a ge a mər ŋgwal ŋa ya.

2 Kurintiya 2:17

Ama mər ka, mìi sle a aà mege ŋa, agəra ana Mbulum a slər ahər mər a, tsəka, mìi sle a ɓav tsa. Aɗaba gà mburma hinne, na ti tsikewa bazlam Mbulum a mburma ka, ta fə̀r ahər kamala dukw metsèkèle ya. A sàs a tar aà maŋgata dər nuba. Ama mər ka, mì gewa dər kamala taŋa ya tsa. Mì tsikewa bazlam ŋgar a mburma ka, nda gəzləŋ ilik ika miɗ ŋgar, agəra ana mər ka, gà ɓəzla meslire Kiristi ya.

2 Kurintiya 6:3

A sàs a mər na mìi ge a dukw ana a vile a mendìfè sik a mburma ya te tsidze. Aɗaba mì waya na ta wele a aà mege megemir mər a ya tsa.

2 Kurintiya 8:8

Dukw ana i tsik a kurum i faha ya ka, i fàr aka kurum ndzəɗa na aà məvəla siŋgwe ata ya tsa. Ama i fàfəl aka gər gà mìsle ŋgiɗ ka, dite mà zlak kurum mbaŋa. Aɗaba a sèsiŋ ka, i vile a kurum a vatwa, dite ku weke ma sər dər ka, kà wayum gà asiŋ gà mìsle ŋgiɗ nda ndzer kaɗəŋ a.

GALATIYA 5:11

Gà damər gà, iye ka, na mege i ɗif a à bazlam Mbulum hiywe, nda metsìkè a mburma, sasayum ba, na dite Mbulum a ne à kurum a gà ŋgwal ŋa ika miɗ ŋgar a ka, ana ka, gà Yahuda ti sèwèriŋ a are tsidze, dite bazlam mandwàndwàyà Kiristi ana tə ndwandway aà dizl magə̀làwà ŋa ya tekeɗe ka, a tsìɓ a ter a tsa asa mbaŋa. Ama ka, i tsikewa kataya tsa.

EFESIYA 4:15

Sə̀kàhakwa à metsehe kwa, dite ki simekwe a kamala ŋgat ana batsah ŋa ika gər kwa ya ivaɗ. Ka wayakwa ba ika magər kwa ilik ilik tserdze, ka mayakwa ba à dukw ana ndzer a ika magər kwa.

EFESIYA 5:10

Mərum aba aà masəra dukw ana a da a gər a BATSAH kwa ŋa ya.

EFESIYA 5:27

Aɗaba a sasar tə dara aka miɗ ŋgar a ka, aruwaŋ ma ge aà tar tsa. Ku mege dukw ana ŋgwal ŋa tsiye tekeɗe, ma ge i təv tar tsidze. Dite gà mburma ti sle a metsike aà tar dukw ana ŋgwal ŋa tsiye asa tsa. Ti ndze a i təv mezlibe ŋgar ana ti zlibe a dər a.

EFESIYA 6:24

Taŋa Mbulum mi pise ahəm a gà mburma ana tserdze ta waya Yesuw Kiristi BATSAH kwa ŋa kəla pat aà biybiy a.

FILIPIYA 1:16

Ta ge dər kataya ka, aɗaba ana ta waya iye, tə sər, Mbulum a slər iye a faha ka, dite i tsik a ŋgwal bazlam ana biy Yesuw Kiristi ya, a mburma, i ɗif a ter a à ndzer ŋana ya.

FILIPIYA 1:6

I sər ndzer, Mbulum ana a dza ba aà megemir ŋgwal ŋa ata i gəzləŋ kurum a ka, a miyek a dər ŋgwìɗik kataya tsa. A ndìv a dər ka, haa a pat ana Yesuw Kiristi à mère a ya.

FILIPIYA 2:16

Dite kurum asa mbaŋa na ki tsikwim a ter a bazlam ana a vile a mesife a mburma ya ya. Na kàa gwim kamala taŋa ya ka, a pat ana Yesuw Kiristi à mère a ya ka, i ŋgeye a ba ika miɗ ŋgar, aɗaba kurum. Aɗaba i sir a dər, megemir gà ana i ge nda mawura ba ŋa tserdze ya ka, i ya ba ka, taf masakəŋa tsa.

1 TESALUNIKE 3:13

Kamala taŋa ya, BATSAH kwa ŋa ata a vile a kurum a ndzəɗa a gəzləŋ ɓəŋɓəŋ lele. A pat ana Yesuw Kiristi à mère a ya ka, bakal a ge a i təv kurum tsidze, ki ndzwim a tsəɗaŋŋa ika miɗ Mbulum Tsir kwa. A pat ata ka, gà Yesuw Kiristi nda gà mburma ŋgar tserdze na ta mère a ya.

1 TESALUNIKE 5:21

Dzikwim à gà bazlam ana mburma ti tsik a ya tserdze dzekwiŋ, na dite ki sirwim a dər ka, wànà a dara ana, i təv Mbulum a ya, tsəna, pàrsa ya ya, dite ka, kà gəsum dukw ana kà lwim ahər iɗəm ŋgwal ŋa lele ya.

1 TESALUNIKE 5:23

Mìi heme a a Mbulum ana a vile a kwe a matasla yam a gəzləŋ a, na dite ki nwim a gà mburma ŋgar, ki ndzwim a tsəɗaŋŋa kamala ŋgat ana a ndze a ya mbaŋa. Dite ma kasla mesife kurum nda madzala gà gər kurum nda gà ba kurum ŋa tserdze, na dite a pat ana Yesuw Kiristi BATSAH kwa ŋa à mère a ya ka, bakal a ge a i təv kurum tsidze ya.

1 Yuhana 4:1

Gà masla gà, gà ɓəzla məma à guma Mbulum ana nda pàrsa ya ka, tar riŋ ika gər ahəɗ pampam hinne. Aɗaba taŋa, ka ta gəsum bazlam wur ana a gweɗe a kurum a ka, i tsik a kurum a bazlam Mbulum nda ndzəɗa Mezite Mesife ya bise tsara tsa. Say ki ndzekwim a bazlam ŋgar ata ka, nda metsehe, na dite ki sirwim a dər ka, a tsik ana, nda ndzəɗa Mezite Mesife Mbulum kaɗəŋ a, tsəna, pàrsa ya ya.

Sunwa Yuhana 2:2

Gwaɗar ka: I sər megemir kurum ana ki gwim a ya tserdze. I sər ka, kàa mərum aba aà megemir gà ka, hinne, dite kàa gəsum gəzləŋ i mesewere are kurum ana kà sèwèrwim a mbaŋa asa. I sər asa ka, kàa gəsum aaba gà na ta ge a dukw ana ŋgwala tsiye, aà mendze ika magər kurum tsidze. Gà mburma ana ta gwaɗawa, waytsà mər ka, gà ɓəzla meslire Mbulum a ka, kà dzikwim à tar, ka sərum dər ka, tar gà ɓəzla pàrsa taf masakəŋa.