FILIMUN 1:6 - Bible Zulgo

⁶ Iye ihər i heme a a Mbulum ka, dite megìse kwa ana kə̀ gə̀sakwa ŋgat, kə̀ gawakwa ba a təv ilik ŋa ya ka, mà səkah a gəzləŋ yak mbaŋa. Kamala taŋa ya ka, ki sir a à gà dukw ana ŋgwal ŋa, Mbulum a vəl a kwa nda təv Yesuw Kiristi tserdze ya ka, lele.

FILIMUN 1:6 ပူးပေါင်းရင်းမြစ်များ

Mata 25:16

Zàmma tsəka, wele ana ta vəlar dəbuw ə̀zləm a, a dza dər ba aà metsèkèle. Aləka a ŋgat aaka nuba ŋgar dəbuw ə̀zləm.

Mata 5:16

Aɗaba taŋa, mede kurum ana ŋgwal ŋa ya, mə̀ pàt aba ika miɗ mburma tserdze, kamala dzaydzay ata ya, dite ta fə̀r aà megemir kurum ana ki gwim a a Mbulum ŋgwal ŋa lele ya ka, tar ibam, tə̀ zàmbaɗa à Mbulum Tsir kurum ana i gər ŋa ya mbaŋa te.»

1 Kurintiya 14:25

Kamala taŋa ya, gà dukw ana gà makàhà ŋa i gà gəzləŋ tar tə dzalawa ya ka, à pètere a a bəra ya ndərzayya kuɗa. Ti ti dze a gurmits a bəɗ ika miɗ Mbulum, dite tì zèmbeɗe a dər, ta gweɗe a parakkà: «Mbulum ka, a riŋ ika magər kurum ndzer.»

1 Kurintiya 16:9

Aɗaba Yàa ŋgat vatwa aà megemir Mbulum parakkà lele, a de a aka miɗ aka miɗ. Dite asa ka, agəra ana gà ɓəzla mene are gà ɗa hinne i faha, ti nisiŋ a à mege megemir a.

FILIPIYA 4:8

Gà damər gà, araha na dukw ana a zeha aà metsike a kurum a: Dzalum aka dukw ana ŋgwal ŋa, mburma tə zləbawa dər a, nda gà aka dukw ana ndzer, ki dzèkwer a gurmits a bəɗ a asa, dite aka dukw ana pàrsa iɗəm tsa, tsəɗaŋŋa lele, gà dukw ana a tsahən aà mburma, tə zàmbaɗawa dər a asa mbaŋa. Gwim metsehe a mege gà dukw ata.

KULUSIYA 1:9

Aɗaba taŋa, daga a pat ana mì tsaraka taŋa ya ka, mì hamawa a Mbulum kəla pat, aɗaba kurum. Mər ihər mìi hemer a ka, dite ma ɗif a kurum à dukw ana ŋgat a waya ya parakkà, a vile a kurum a metsehe ana Mezite Mesife ŋgar a vile a kurum a ya, na dite ki sirwim a dukw ana a de a ndaka vatwa ŋgar a.

KULUSIYA 3:10

Kàa ŋgatum mede ana awiya ŋa ya ivaɗ. A ne ka, kamala awiya petek ana ŋgulàɗə̀ɗɗa kà dzum akaba ya. Mbulum na a vəl a kurum madzala gà gər ata ya. A riŋ a ne a dər awiya ŋa kəla pat, na dite ki nwim a kamala ŋgat a ya. Dite ka, ki ti sirwim a ŋgat lele, à sìkèh a aka miɗ aka miɗ mbaŋa.

TITUS 3:14

Gà asiŋ gà mburma ma ana ta gəs Yesuw Kiristi kamala ma ya tekeɗe ka, say ti sinike ba aà mege dukw ana ŋgwal ŋa ya kəla pat mbaŋa, na dite ka, ti sir a dər, tì zlèk a gà na duwa aà tar tsiye ya. Na tàa ge dər kamala taŋa ya tsəka, megìse tar ana ta gəs a ka, a ge a ŋgulum ɓav tsa.

IBƏRANIKWA 6:10

Mbulum ka, mala ndzer ŋa. Mege megemir ana ki gwim a ya ka, à mìtser a gər tsa. Kamala taŋa ya, a sər ka, kàa zlakum gà asiŋ gà mburma ŋgar, dite kurum riŋ ki zlèkwim a tar hiywe, haa kinehe. Aɗaba taŋa na a sər ba ka, kà wayum Mbulum a.

YAKUBA 2:14

A kurum gà damər gà, na bəla wura a gweɗe a: «Iye ka, Yàa gəs Mbulum nda gəzləŋ ga», ama a ge a dukw ana Mbulum a tsik a tsəna, megìse ŋgar ata ana, a ger a ŋgulum, a mbil a à ŋgat ɓav a?

YAKUBA 2:17

Kamala taŋa ya mbaŋa na i təv megìse ana ki giswim a Mbulum a. Na ki gwim a megemir ŋa tsəka, duwa a riŋ a ge a ŋgulum tsa.

1 PIYER 2:12

Mendze kurum ana ki ndzwim a i liwiŋ gà na tə sər Mbulum tsiye ka, bakal ma ge iɗəm tsa, ndzum lele. Aɗaba ku mege gà na ti tsik aà kurum a dukw ana ŋgwala tsiye tekeɗe ka, ta fə̀r aà mede kurum nda megemir kurum ka, lele asa mbaŋa. Dite bəla Mbulum à hìndìk a ter a dər are, tì zèmbeɗe a dər a pat ana a dere a a təv tar a.

1 PIYER 3:1

A kurum gà məkəs, hənum à gər a bəɗ a zal kurum. Aɗaba na kàa gwim kataya ka, gà zal kurum ana tàa gəs bazlam Mbulum tsiye ka, bəla ta mbìɗ a à gəzləŋ tar. Ta gis a Mbulum nda gəzləŋ tar mbaŋa, ku mege kàa fàfəlum a tar agəra bazlam Mbulum tsa tekeɗe ya.

1 PIYER 3:16

Ama ki tsikwim a ter a gà bazlam ata ka, nda mandza akaba ahəm lìfèɗìɗe lele, tsəka, nda maàga tsa. Gwim dukw ana kà sərum i gəzləŋ kurum ŋgwal ŋa ya kəla pat mbaŋa, dite ku mege ti ndeveye a kurum ŋa, nda gà bəla ti tsik aà kurum a dukw ana ŋgwala tsiye, agəra mendze kurum ana ŋgwal ŋa lele, kə̀ gəsum Yesuw Kiristi nda gəzləŋ kurum a tekeɗe ka, hwarwa a ge a teriŋa.

2 Piyer 1:8

Na kàa gwim gà dukw ata aka miɗ aka miɗ kataya ka, mesire kurum ana ki sirwim a Yesuw Kiristi BATSAH kwa ŋa ya ka, à sìkèh a a gəzləŋ kurum, dite mendze kurum ana ki ndzwim a ya ka, à pèt a à dukw ana ŋgwal ŋa ya mbaŋa.