EFESIYA 6:9 - Bible Zulgo

⁹ Ama kurum gà ɓəzla ga gà ɓele tekeɗe, gwim ŋgwal ŋa a gà ɓele kurum kalkal lele mbaŋa. Ka tə dzadzarum akaba à tar tsa, sərum dər, kurum nda gà tar tserdze ka, BATSAH kwa ŋa ka, wele ana i gər ŋa ya ilik. Ŋgat ka, a wala ikaba mburma ya pampam tə tsa.

EFESIYA 6:9 ပူးပေါင်းရင်းမြစ်များ

Mata 22:10

Dite gà ɓəzla meslire ŋgar tə daya aka gà vatwa. Ti ta medeha ka, ti yaha gər a gà mburma hinne, ku mege weke zləməŋa, wur ana tàa le ahər a, gà ŋgwal gà mburma, nda gà mburma ana meɗè zləm tar ŋgwala tsiye, tə da akabara a bəra Əbay a. Ga a rah nda gà mbəlakw hinne.

Mata 22:8

I dəba ŋa ya, a gwaɗa a gà ɓəzla meslire ŋgar ŋgiɗ asa:

Mata 24:48

Ama wele ana a ge a megemir ika are mburma ya ɗekɗek a ka, a dzele a i gəzləŋ ŋgar, a gweɗe a:

Mata 24:51

Na mala ga ŋgar ata aka màra ka, a viler a mesewere are hinne, à yè a ŋgat a təv ana gà ɓəzla mimbèhè are ti ti sèwèr a iɗəm are nda gà tuwa, ta pèpìɗ a dər zlir hinne ya.»

Mata 7:12

Aɗaba taŋa, dukw ana a sàs a kurum zləmana gà mburma ta ge a kurum ŋgwal ŋa ya ka, kurum tekeɗe ibam, gwim a tar kataya mbaŋa. Taŋa na dukw ana i wakita məpala ahəm Musa nda biy gà ɓəzla məma à guma Mbulum a tsik tserdze ya.»

Luka 6:31

Gwim dukw ana a sàs a kurum zləmana gà mburma ta ge a kurum ŋgwal ŋa ya, a gà mìsle ŋgiɗ mbaŋa.

Yuhana 13:13

Kurum ihər ki zelwimiŋ a mala medzeŋge a mər, kige tsa Batsah mər ŋa ka, ndzer kaɗəŋ, pàrsa iɗəm tsa. Aɗaba iye ka, kataya dukw ŋgar.

Gà Ɓəzla Meslire 10:34

Piyer a gəs a tar aakaha, a gwaɗa a tar: «Ama kinehe ka, Yàa sər kuɗa. Mbulum ka, a wala ikaba mburma ya tsa.

RUMA 2:11

Aɗaba Mbulum ka, a wele a ikaba mburma ya tsa.

1 Kurintiya 1:2

Mì wetseha ka, a kurum gà mburma Mbulum ana i Kurintiya ya. Mbulum na a pala kurum, aà mandza i təv ilik ŋa nda gà Yesuw Kiristi ya. A zal a kurum, na dite kà nwim gà mburma ŋgar a. Mì geha wusa mbaŋa ka, a gà na ta heme a a Yesuw Kiristi BATSAH kwa ŋa ya tserdze, ku mege ika ahəɗ awara tekeɗe ya. Aɗaba ŋgat ka, Batsah tar ŋa, dite Batsah mər ŋa asa mbaŋa.

1 Kurintiya 7:22

I gwa: Na bəla kər ɓele ka, ka dzala duwa tsəka, aɗaba ɓele ana Mbulum a zalar a ka, ndzəɗakkà a ndze a ka, a ziwe a gər ŋgar kuɗa, agəra ana mandza ŋa i təv ilik ŋa nda Yesuw Kiristi ya. Kamala taŋa ya mbaŋa, wele ana a ziwe a gər ŋgar, Mbulum aka zalar a ka, ŋgat aka ne ka, ɓele Yesuw Kiristi mbaŋa.

KULUSIYA 3:25

Sərum dər, gà mburma ana ta ge a dukw ana ŋgwala tsiye ka, Mbulum a misek à ter a tsa, seriye ŋgar à gis a tar. Ku mege ŋgat weke tekeɗe ka, pam tsa. Aɗaba Mbulum ka, a wele a ikaba mburma ya tsa.

KULUSIYA 4:1

Kurum gà ɓəzla ga tekeɗe ka, gəsum gà ɓele kurum ndaka vatwa ŋa lele, kà fə̀rum aà tar ka, kamala za ya tsa. Aɗaba kurum kà sərum, kurum tekeɗe ka, Batsah kurum ŋa a riŋ i Mbulum, à gis a kurum lele mbaŋa.

YAKUBA 2:13

Na wura ɗa ika magər kwa, mburma a ndzer are tsehe tsəka, wur ata tekeɗe, i təv ana Mbulum a ta ger a seriye ya ka, a ndzer a are tsehe tsa mbeete. Ama na mburma aka ndzek are tsehe ka, kər tekeɗe, ki ti ndze a are tsehe a Mbulum ika miɗ seriye mbaŋa.

YAKUBA 2:8

Na ki zezemwim a məpala ahəm nda ndzer kamala ana Mbulum a gwa i wakita ka: «Wayum mburma, kamala na kà wayum ba kurum a»*fa* ka, kàa gwim lele.

YAKUBA 5:4

Dite kurum ki benwim a gà mburma ana ta pele kurum a gà duwa i bəɗ a, ki zimwim a tar nda wirwir, ki vilwim a ter a dukw mayaba tar tsa ana, meme? Tsarakum, tuwa gà mburma ata ti tiwe a nda Mewideye ya. Tuwa tar ata a geha zləm a Mbulum ana a kwere a gà duwa tserdze ya.