EFESIYA 6:8 - Bible Zulgo

⁸ Ku ki gwim gà ɓele, ku ki gwim gà ɓele tsa tekeɗe ka, na kàa gwim megemir ŋa ka, sərum dər ndzer, Yesuw Kiristi BATSAH kwa ŋa a ta pìl a kurum aɗəmiŋa.

EFESIYA 6:8 ပူးပေါင်းရင်းမြစ်များ

Mata 16:27

Taŋa iye, *wur ana a dara i təv Mbulum a, i mère a ka, nda ndzəɗa Tsir gà ana ti zlibe a dər a ndzer, dite nda gà gawla ŋgar a. Na Yàa dara ka, ku weke a ŋget a dukw mayaba ŋgar kalkal kamala megemir ŋgar ana a ge ya mbaŋa.

Mata 20:7

Gà mburma ata ta gwaɗar aaka: Dite a gwaɗa a tar:

Mata 5:12

Ŋgeywim ba hinne, gəzləŋ kurum ma ndza ndzəɗakkà ivaɗ, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, tàa ge dukw ana ŋgwal ŋa tsiye hinne, a gà ɓəzla məma à guma Mbulum ana tə lah ahər ɗa ya ka, kataya mbaŋa.»

Mata 6:1

I dəba ŋa ya, Yesuw a gwaɗa a tar asa: «Na a sàs a kurum mege ŋgwal ŋa a mburma ka, gwim iɗəm metsehe ya lele. Aɗaba gà mìsle ŋgiɗ a riŋ, ta ge a dukw ana ŋgwal ŋa ya ka, ŋgakŋgakəkka ika miɗ mburma pəra, dite ka, tə̀ zlə̀b à tar ɗekɗek. Na ki gwim a kataya ka, ki ta ŋgetwim a dukw maya ba kurum i təv Mbulum Tsir kurum ana i gər ŋa ya asa tsa.

Mata 6:4

Ki viler a ka, dəɓ nda akəl. Na a sir a aà dukw yak ata ki ge makàhà ŋa nda akəl aà mburma ya ka, Mbulum Tsir yak ana i gər ŋa ya ilik, dite ŋgat asa na a ta vilek aɗəm a dukw maya ba yak a.»

Luka 14:14

Na kàa ge dər kataya ka, ki ta ŋgeye a ba mba. Aɗaba tar ka, ti sle aà mimèk a dər aɗəm tsa. Mbulum na a ta mèk a dər aɗəm i təv ana gà na tàa ger ŋgwal ŋa, ti ta mbilere a i məməta a mesife ya.»

Luka 6:35

Ama ka, kataya ivaɗ tsa. Wayum gà ɓəzla mene are kurum. Gwim a tar ŋgwal ŋa, vəlum ahər, ka tə dzalum ka, ti ta me a mər a dər aɗəm a pèt ŋgiɗ tsəna, meme tsa. Dite i dəba ŋa ya, ki ta ŋgetwim a dukw maya ba kurum batsah ŋa, ki ti nwim a gà ɓəza Mbulum ana i gər ŋa ya. Aɗaba ŋgat tekeɗe, a gewa ŋgwal ŋa a gà ɓəzla segeme, nda gà ɓəzla swalwa mbaŋa.

1 Kurintiya 12:13

Aɗaba aka ana ti tsilwiɓ à kwa a yam a ka, kwa tserdze kà nekwa kamala ba ilik a, nda ndzəɗa Mezite Mesife Mbulum ata ilik ŋa ya. Aɗaba ku mege gà Yahuda, ku mege gà na tar gà Yahuda tsiye, nda gà ku mege gà ɓele, nda gà na ti ziwe a gər tar a tekeɗe, Mbulum a vəl a kwa akaba Mezite Mesife ŋgar ka, ilik pəra.

2 Kurintiya 5:10

Aɗaba kwa tserdze ka, bàlaarì, ki ta hitsekwe a aka miɗ Yesuw Kiristi, na dite à ses a kwe a ikaba seriye kwa ya ya. Ku weke a ŋget a duwa kalkal kamala megemir ŋgar ana a gewa ɗa ika gər ahəɗ a mbaŋa. Na bəla kàa gekwa dukw ana ŋgwal ŋa ya ka, a ta vile a kwe a dukw maya ba kwa. Ama na bəla kàa gekwa dukw ana ŋgwal ŋa tsiye ka, a ti sèwèr a kwe a are.

GALATIYA 3:28

Na bəla kər gà Yahuda, kige tsa bəla kər gà Yahuda tsəka, à lèh a duwa asa tsa. Kige tsa na bəla kər ka, ɓele, nda gà bəla kər ihər ki ziwe a gər yak tekeɗe ka, pampam tsa. Nda gà bəla kər asləka ŋa, kige tsa asa, kər məkəs ŋa ka, pampam tsa mbaŋa. Kamala taŋa ya, kurum tserdze kà nwim ka, ba ilik, aɗaba ana kàa gawum ba nda gà Yesuw Kiristi ya.

KULUSIYA 3:11

Aɗaba taŋa, duwa a riŋ na à dzik a ikaba kurum a pampam a asa tsa. Gà Yahuda nda gà na tar gà Yahuda tsiye ka, tar ka, ilik. Gà mburma ana tə sasa ba ya, nda gà na tàa sasa ba tsiye tekeɗe, pam tsa asa. Na mege kurum ka, gà slele, kige tsa, gà mburma ana i kusak tə sər duwa tsiye, nda gà bəla gà ɓele, kige tsa gà mburma ana ti ziwe a gər tar a tekeɗe, ar ka, pampam tsa asa mbaŋa. Mbulum à dzèye a ikaba tar a pampam asa tsəka, aɗaba ana Yesuw Kiristi a kwere a tar tserdze ya. Dite ŋgat asa na a riŋ mandza ŋa i gəzləŋ gà mburma ata a kwere a tar, ti ne gà biy ŋgar a.

KULUSIYA 3:24

Kurum kà sərum ka, ŋgat na a ta vile a kurum a dukw maya ba, aɗaba megemir kurum a. Ki ta ŋgetwim a dukw ana a tike aba ya, i gər ŋa i Mbulum, a gwa, i ta vile a a gà mburma gà ya. Ama wele batsah ŋa ata ki gwim a meslire ŋgar a ka, Yesuw Kiristi.

KULUSIYA 3:25

Sərum dər, gà mburma ana ta ge a dukw ana ŋgwala tsiye ka, Mbulum a misek à ter a tsa, seriye ŋgar à gis a tar. Ku mege ŋgat weke tekeɗe ka, pam tsa. Aɗaba Mbulum ka, a wele a ikaba mburma ya tsa.

IBƏRANIKWA 10:35

Aɗaba taŋa, arəv ma da aà kurum a tsa, sərum dər ka, na kàa mərum aba kamala taŋa ya ka, Mbulum a ta vile a kurum a dukw maya ba kurum batsah ŋa hinne.

IBƏRANIKWA 11:26

Aɗaba a sər, a gwa: Ŋgulum i sèwèr a are agəra *Kiristi ana Mbulum a ti slirre a ŋgat aka gər ahəɗ mba ya, na ndəna i ŋget a gà limana hinne ika ahəɗ Ezipt i faha ya. Aɗaba a tike a are ka, a dukw mayaba ŋgar ana Mbulum a ta viler a mba ya.