EFESIYA 6:6 - Bible Zulgo

⁶ Ka ta gwim a tar megemir ka, ika are ŋa ya, aɗaba mazlə̀bà à kurum ɗekɗek tsa. Say gwim ivaɗ ka, mege megemir ana ndzer ŋa, a da a gər a Mbulum, dite nda gəzləŋ kurum ilik asa ya, aɗaba ana kurum gà ɓele Kiristi ya.

EFESIYA 6:6 ပူးပေါင်းရင်းမြစ်များ

Mata 12:50

Aɗaba wur ana a ge a dukw ana a sàs a Mbulum Tsir gà ana i gər ŋa ya ka, ŋgat na a ne damər gà nda mama gà ya.»

Mata 7:21

Yesuw a gwaɗa a tar asa: «Aɗaba gà na ti zeliŋ a nda bazlam ɗekɗek masakəŋa vìrìɗìɗɗe, ta gweɗe a ya ka, ti sle a aà mede a *mekwere Mbulum tsa. Say gà na ta ge a dukw ana a sàs a Mbulum Tsir gà ana i gər ŋa ya dzekwiŋ, na ti de a ya.

Markus 3:35

Aɗaba wur ana a ge a dukw ana a sàs a Mbulum a ka, ŋgat na a ne damər gà nda gà mama gà ya.»

RUMA 6:17

Ama ka, ki gekwe a kəkaaha a Mbulum ivaɗ. Aɗaba piŋŋe ka, kurum gà ɓele bakal. Ama kinehe ka, kàa gəsum ahəm aà Mbulum, kàa gəsum dukw ana ndzer, ti ɗif a kurum dər a ka, nda gəzləŋ ilik.

1 Kurintiya 7:22

I gwa: Na bəla kər ɓele ka, ka dzala duwa tsəka, aɗaba ɓele ana Mbulum a zalar a ka, ndzəɗakkà a ndze a ka, a ziwe a gər ŋgar kuɗa, agəra ana mandza ŋa i təv ilik ŋa nda Yesuw Kiristi ya. Kamala taŋa ya mbaŋa, wele ana a ziwe a gər ŋgar, Mbulum aka zalar a ka, ŋgat aka ne ka, ɓele Yesuw Kiristi mbaŋa.

GALATIYA 1:10

Kurum kà dzalum, i tsik taŋa dze ana, na dite gà mburma tə̀ zlə̀b à iye ya? Awaŋ, kataya tsa. A sèsiŋ ka, na Mbulum à zlibe a à iye ya. Kurum kù gwaɗum, dukw ata i ge a kataya ana, na dite i da a gər a mburma ya ya? Awaŋ, i ge a ka, meslire Yesuw Kiristi na iye ya. Aɗaba na mege i waya matsahəna aà mburma hiywe mba ka, ana ka, i ge a meslire ŋgar tsa.

EFESIYA 5:17

Aɗaba taŋa, ka ti nwim gà mburma ana metsehe tar a riŋ tsiye tsa. Say dzum zləm ka, a matsaraka dukw ana a sàs a BATSAH kwa ŋa, ki gekwe a ya ivaɗ.

FILIPIYA 2:12

A kurum gà masla gà ana i waya kurum hinne ya. Agəra ana kà sərum meme na Yesuw a gəs ahəm aà Mbulum a ka, kurum tekeɗe, gəsum ahər mbaŋa. Akahər ana iye i təv kurum a ka, kàa gəsum ahər ahəm lele. Ama kinehe, iye riŋ i təv kurum asa tsa tekeɗe ka, ki sìkèhwim a à metsehe, ki gwim a kataya hiywe. Kamala megweɗe ya: Mimbile ana Mbulum a mbəl à kurum a ka, say ki gwim a megemir ŋa nda ahər kurum ŋa mbaŋa. Ki gwim a ka, nda magəɗa Mbulum i ba slàɓ slàɓ, ki mirwim ahər aba a dzəŋdzəŋ lele.

KULUSIYA 1:9

Aɗaba taŋa, daga a pat ana mì tsaraka taŋa ya ka, mì hamawa a Mbulum kəla pat, aɗaba kurum. Mər ihər mìi hemer a ka, dite ma ɗif a kurum à dukw ana ŋgat a waya ya parakkà, a vile a kurum a metsehe ana Mezite Mesife ŋgar a vile a kurum a ya, na dite ki sirwim a dukw ana a de a ndaka vatwa ŋgar a.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

1 TESALUNIKE 2:4

Ama mì tsik ka, dukw ana a sàs a Mbulum mì ɗif a tar dər a ivaɗ. Aɗaba a samata, mər ka, mì tsahən ahər, na dite a vəl a mər bazlam ŋgwal ŋa ata a ahər, mì ɗif a dər a mburma ya. I təv ana mì tsikewa ya ka, a sàs a mər, dite na mì da a gər a mburma ya tsa. Ama mì waya ka, na mìi de a a gər a Mbulum a ivaɗ. Ŋgat na a sər dukw ana i gəzləŋ mər tserdze ya.

1 TESALUNIKE 4:3

Aɗaba taŋa, dukw ana Mbulum a waya ka, nwim gà tsəɗaŋŋa ika miɗ ŋgar. Kamala megweɗe ya ka, ki gwim mezelme nda təv muva tsa.

IBƏRANIKWA 10:36

Ama kə̀la ka, mərum aba lele, na dite ki gwim a dukw ana a sàs a Mbulum a ya. Na kàa gwim dər kataya ka, ki ta ŋgetwim a dukw ana a tsik i sida ya, a gwa, i ta vile a kurum a ya.

IBƏRANIKWA 13:21

I hemer a ka, dite mà zlak kurum, aà megemir ana ŋgwal ŋa tserdze, a waya ki gwimer a ya. Ŋgat ŋa nda gər ŋgar tekeɗe ka, ma ge megemir i gəzləŋ kwa nda ahər Yesuw, na dite mede kwa à tsehin ahər a ya. Mezlibe ma ge ka, biy Yesuw Kiristi aà biybiy. *Amin.

1 PIYER 2:15

Aɗaba a sàs a Mbulum ka, say ki gwim a dukw ana ŋgwal ŋa ya, na dite, bəla gà mburma ana tə̀ sər duwa tsa, ti niw Mbulum a ka, ma handaka a tar aka bazlam.

1 PIYER 4:2

Daga aà kinehe ya, na kurum mandza ŋa ɗa ika gər ahəɗ tə̀ma ka, ndzum ka, kamala ana a sàs a Mbulum a, tsəka, meèweke ana i ba kurum a, ma ta kwara kurum asa tsa.

1 Yuhana 2:17

Sərum dər, gər ahəɗ aaha ka, a ndze a tsa, à ndìviŋa. Ku mege gà dukw ana iɗəm, gà mburma ta ge aaka a are tserdze ya tekeɗe ka, à ndìv a mbaŋa. Ama wur ana a ge a dukw ana Mbulum a waya ya ka, ŋgat a ndze a ka, aà biybiy.