EFESIYA 6:5 - Bible Zulgo

⁵ Kurum gà ɓele, gəsum ahəm aà gà ɓəzla ga kurum nda magəɗa, nda mazlə̀bà à tar lele. Ki gwim megemir nda gəzləŋ ilik. Na kàa gwim kataya ka, kə̀ gəsum ahəm aà Yesuw Kiristi mbaŋa.

EFESIYA 6:5 ပူးပေါင်းရင်းမြစ်များ

Mata 6:22

Ama a gwaɗa a tar asa: «Are yak ka, a ne kamala lalampa ba yak a. Aɗaba taŋa na are yak a da aba ya ndzihndzih lele ka, ba yak ana tserdze i bəɗ a tekeɗe, i təv dzaydzay ŋa mbaŋa.

Mata 6:24

Aləka, i dəba ŋa ya, a gwaɗa a tar asa: «Wura a sle aà megewe akaba a megemir gà mburma sula tsa. Aɗaba pat ŋgiɗ ka, a ge a swalwa a mìsle ŋgiɗ, a weye a biy ŋgiɗ lele. Kige tsa, à gis a ahəm aà biy ŋgiɗ aaha lele, i ŋgiɗ ka, à gis ahər a tsa, kùrtìtìk a niw a bazlam ŋgar. Kamala taŋa ya, kurum tekeɗe, ki slwim a aà megemir a Mbulum, dite ka, a siŋgwe asa sula sula tsa.»

Mata 8:9

Aɗaba iye tekeɗe, gà bàba gà ŋa a riŋ mbaŋa, dite i kwere a gà sliwdze mbaŋa asa. I sle aà megweɗe a a biy ŋgiɗ ilik ka, a diŋa. Dite i gweɗe a a biy ŋgiɗ asa ka, a deriŋa. Dite bəla i gweɗe a a mala meslire gà ka, a giŋ a mbaŋa asa.»

Gà Ɓəzla Meslire 2:46

Kəla pat ti yahawaba gər a təv ilik ŋa i ga Mbulum batsah ŋa na. Ti yahawaba gər aà mazəma ɗaf i gà ma tar ilik ilik tserdze. Tə zəmawa ka, nda gà maŋgayaba nda gəzləŋ ilik.

RUMA 9:3

aɗaba gà asiŋ ŋa ana i gwala gà, ta gəs Yesuw Kiristi tsiye. Iye nda gà tar ka, mər nda gà damər. Na mege a ge a ba ka, ŋgulum Mbulum mi viliŋ mezelme, mə̀ və̀rə̀zl ikaba à mər nda Yesuw Kiristi ya, aà məmbàlà à tar, avukw ana i mbil a zləmana ya.

1 Kurintiya 2:3

Aka təv ana iye riŋ ika magər kurum a ka, ndzəɗa aà iye lele tsa. I gewa magəɗa hinne, i dzedzeriŋa.

1 Kurintiya 7:22

I gwa: Na bəla kər ɓele ka, ka dzala duwa tsəka, aɗaba ɓele ana Mbulum a zalar a ka, ndzəɗakkà a ndze a ka, a ziwe a gər ŋgar kuɗa, agəra ana mandza ŋa i təv ilik ŋa nda Yesuw Kiristi ya. Kamala taŋa ya mbaŋa, wele ana a ziwe a gər ŋgar, Mbulum aka zalar a ka, ŋgat aka ne ka, ɓele Yesuw Kiristi mbaŋa.

2 Kurintiya 1:12

Dukw ana mìi ge a dər zlapa ya ka, araha: I gəzləŋ mər ka, mì sər, mede mər ana mì dawa ika vatwa Mbulum a ka, nda gəzləŋ ilik ŋa, nda ndzer, kamala ana Mbulum a waya ya. Mede mər ata ŋgwal ŋa ndeyndey ka, ika magər kurum. Ndzəɗa mər ana mì ndza dər kataya ya, a dara ka, i madzala gà gər gà mburma gər ahəɗ a tsa. Ama a dara ka, i təv Mbulum ana a ge a mər ŋgwal ŋa ya.

2 Kurintiya 7:15

Aka ana a daha a təv kurum a ka, kàa gəsum ŋgat lele, nda magəɗa ŋa, nda gà medzedzere i ba kurum hinne. Kurum tserdze na a gəs ahər ahəm a. Ama kinehe, a samata dukw ana ki gwimer ŋgwal ŋa ya ka, a səkah à mawàyà kurum hinne asa ivaɗ.

EFESIYA 5:22

Kurum gà məkəs, hənum à gər a bəɗ a gà zal kurum, kamala ana BATSAH kwa ŋa a waya ya.

EFESIYA 6:24

Taŋa Mbulum mi pise ahəm a gà mburma ana tserdze ta waya Yesuw Kiristi BATSAH kwa ŋa kəla pat aà biybiy a.

FILIPIYA 2:12

A kurum gà masla gà ana i waya kurum hinne ya. Agəra ana kà sərum meme na Yesuw a gəs ahəm aà Mbulum a ka, kurum tekeɗe, gəsum ahər mbaŋa. Akahər ana iye i təv kurum a ka, kàa gəsum ahər ahəm lele. Ama kinehe, iye riŋ i təv kurum asa tsa tekeɗe ka, ki sìkèhwim a à metsehe, ki gwim a kataya hiywe. Kamala megweɗe ya: Mimbile ana Mbulum a mbəl à kurum a ka, say ki gwim a megemir ŋa nda ahər kurum ŋa mbaŋa. Ki gwim a ka, nda magəɗa Mbulum i ba slàɓ slàɓ, ki mirwim ahər aba a dzəŋdzəŋ lele.

FILIMUN 1:16

Aɗaba ŋgat kinehe ka, kamala ana ɓele ya hiywe asa tsa. Aka ne ŋgwal ŋa. Aka ne ka, damər ma ana ika vatwa Mbulum, ki weyeme a ŋgat hinne ya. Iye ka, mandərkwasla gà, i waya ŋgat hinne. Ama i dzala ka, kər tekeɗe, ki weye a ŋgat, a zè a taŋa. Ka ta waya ŋgat ka, kamala mala megemir yak a pəra tsa. Ki weye a ŋgat ka, kamala damər yak ana ndzer ika vatwa Mbulum a mbaŋa.

1 PIYER 3:2

Aɗaba gà zal kurum tì sèmete a ka, mendze kurum ana ki ndzwim a nda gà tar lele, tsəɗaŋŋa, bakal i təv kurum tsa, ki gwim a magəɗa a Mbulum nda ndzer ŋa ya.