EFESIYA 6:18 - Bible Zulgo

¹⁸ Hamum a Mbulum nda gəzləŋ ilik kəla pat, dite gwimer kamkam nda ndzəɗa Mezite Mesife ŋgar. Ka ti ywim ba tsa, ndzum nda metsehe, hamum a Mbulum kəla pat agəra gà asiŋ gà mburma ŋgar ŋgiɗ.

EFESIYA 6:18 ပူးပေါင်းရင်းမြစ်များ

Mata 17:21

{Ama kəla ka, ki slwim a aà madalawa magwàlà gà sitene aaha kataya tsa, say ki hemwim a a Mbulum nda mege ndəra, tsəka, ki slwim a tsa.»}

Mata 26:41

I dəba ŋa ya, a gwaɗa a tar asa: «Ndzum nda metsehe, kà hamum a Mbulum, dite ka tə də̀ɗum aka məbàzà za Əbay sitene tsa. Ama kurum ka, kàa wayum lele, ba kurum na a sle a aà magəsa ŋa tsiye pəra.»

Markus 13:33

Gwim metsehe daga aà kinehe ya, ka ndzum are tsa, aɗaba kà sərum pat ŋa tsa.

Markus 14:38

I dəba ŋa ya, a gwaɗa a tar asa: «Ndzum nda metsehe, ka hamum a Mbulum, dite ka tə də̀ɗum aka məbàzà Əbay sitene tsa. Ama kurum ka, kàa wayum lele, ba kurum na a sle aà magəsa ŋa tsiye pəra.»

Luka 21:36

Ka ndzwim are tsa, hamum kəla pat, dite ka, ka ŋgatum ndzəɗa aà mibe dər i təv gà dukw ata tserdze ti dere a ya. I dəba ŋa ya, ki ta hitswim a aka miɗ gà lele, iye, *wur ana a dara i təv Mbulum a kuɗa.»

Luka 22:46

A gwaɗa a tar: «Aàmala na kà ndzwim are ya? Ŋgulum hitswim, ka hamum a Mbulum. Dite medzike ana ti dzik à kurum a ka, ka ti dzeywim iɗəm a tsa.»

Luka 3:26

Mahat, Matatiyas, Simi, Yusek, Yawda,

Luka 3:37

Matusala, Henuh, Yaret, Mahalayel, Kaynan,

Gà Ɓəzla Meslire 1:14

Tar ata tserdze ya, nda gà məkəs, ti yahawaba gər aà mahàmà a Mbulum nda gà Mariya məmər Yesuw, dite nda gà damər Yesuw fit tserdze.

Gà Ɓəzla Meslire 10:2

Ama wele ata ka, a ge magəɗa a Mbulum. Tar nda gà mburma ana i ga i ma ŋgar a tserdze, tə dzar gurmits a bəɗ lele. A zlàkawa gà Yahuda ana gà matawak ŋa ya hinne, a hamawa a Mbulum kəla pat mbaŋa.

Gà Ɓəzla Meslire 12:5

I fataya tsara ka, gà mburma ata ibam, ta kaslawa Piyer kuɗa. Ama ka, gà mburma Mbulum ta hamawa a Mbulum tserdze kəla pat nda gəzləŋ ilik agəra Piyer.

Gà Ɓəzla Meslire 6:4

Dite i dəba ŋa ya, mìi sle a aà meŋgete vatwa kəla pat, aà mahàmà Mbulum nda metsìkè bazlam ŋgar kuɗa.»

RUMA 12:12

Ŋgayawum ba aɗaba madzala gà gər aka dukw ana Mbulum a gwa, i ta vile a kurum a i sida ya ya. I təv ana ki sèwèrwim a are ya ka, mərum aba sah lele, bàsumaraha. Hamum a Mbulum kəla pat, kà yum ba tsa.

RUMA 8:15

Kamala taŋa ya, duwa a riŋ na ki gwim a dər magəɗa ika miɗ Mbulum a asa tsa. Aɗaba Mezite Mesife ŋgar ana a vəl a kurum a ka, aka ne à kurum gà ɓele tsa, a ne à kurum ka, gà ɓəza ŋgar ivaɗ. Mezite Mesife ŋgar ata ka, a riŋ mandza ŋa i gəzləŋ kwa. Aɗaba taŋa na kù gwaɗawakwa aà Mbulum ka, Tsir kwa ya.

GALATIYA 4:6

Dukw ana ki sirekwe a dər ndzer kaɗəŋ, kàa nekwa gà ɓəza ŋgar a ka, araha: Mbulum a slərra Mezite Mesife Kəla ŋgar a gəzləŋ kwa ya. Mezite Mesife ata ka, a riŋ a zel a a Mbulum «Aba,« kamala megweɗe ya ka: «Dede ga.»

EFESIYA 1:16

Aɗaba taŋa, iye ihər i ge a kəkaaha a Mbulum kəla pat agəra kurum, dite i təv meheme ata i heme a ya ka, iye riŋ bise nda kurum.

EFESIYA 2:22

Kurum nda gà mìsle ŋgiɗ tekeɗe, kà nwim ga ata Mezite Mesife Mbulum a ndze a iɗəm a, aɗaba ana kurum mandza ŋa i təv ilik ŋa nda gà Yesuw Kiristi ya.

EFESIYA 3:18

Na kàa gwim kamala taŋa ya ka, kurum nda gà mburma Mbulum ŋgiɗ ana tserdze, ki slwim a aà masəra dər, meme na mawàyà mburma Yesuw Kiristi BATSAH kwa ŋa a waya kwa ka, hinne ya. Ku mege kurum i ŋga tekeɗe ka, mawàyà mburma ŋgar a riŋ i fata pəra.

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

EFESIYA 6:19

Hamumar agəra iye mbaŋa, dite ma ɗifiŋ à dukw ana i tsik a ya. Hamumar ka, magəɗa ma giŋ aà meɗìfè à bazlam ŋgwal ŋa ata a pàt dər parakkà ya tsa.

FILIPIYA 1:4

Meheme ata i hamawa aɗaba kurum a ka, nda gà maŋgayaba hinne.

FILIPIYA 4:6

Ka tə dzalum duwa kwizikw tsidze. Ama ɗifwim à gà dukw ana tàa sle aà kurum tserdze ya ka, a ahər a Mbulum ivaɗ. Hamumar, mà zlak kurum, dite ki gwimer a kəkaaha mbaŋa.

KULUSIYA 1:3

Ku mege ndeɗime tekeɗe, i huɗ meheme mər ana mì hamawa a Mbulum aɗaba kurum a ka, mìi ger a kəkaaha, a ŋgat ana Tsir Yesuw Kiristi BATSAH kwa ŋa ya.

KULUSIYA 1:4

Meheme ata mì hamawa a ka, aɗaba ana mì tsaraka meɗè zləm kurum ana kə̀ gəsum Yesuw nda gəzləŋ, dite kà wayum gà asiŋ gà mburma ŋgiɗ ana ika vatwa Mbulum a tserdze asa mbaŋa ya.

KULUSIYA 4:2

Ku mege ndeɗime tekeɗe ka, ndiɗikwime gər aà mahàmà a Mbulum, ka ti yum ba tsidze. I təv ana ki hemwimer a ya ka, gwimer kəkaaha mbaŋa,

1 TESALUNIKE 5:17

Ka ta miyakum à mahàmà a Mbulum tsidze.

1 TIMUTE 2:1

Malahalah dukw ana a sèsiŋ metsike a gà mburma Mbulum a ka, araha: Hamum a Mbulum agəra mburma tserdze. Ɗə̀vum a tar zləm a təv ŋgar, dite ka hamumar agəra tar. Gwimer kəkaaha, aɗaba tar ata tserdze ya mbaŋa.

2 TIMUTE 1:3

I təv ana Yàa zlaŋa aɗaba kər a ka, i gewa kəkaaha a Mbulum ana i gewar meslire nda gəzləŋ ilik, nda ndzer ŋa ya. Meslire ana i gewa ya ka, kamala gà tsir gà ana akahər ata ta gewar a mbaŋa. Ku mege ndaàpat, ku mege ndaàvəɗ tekeɗe ka, i hamawa a Mbulum aɗaba kər, i gewar kəkaaha kəla pat.

FILIMUN 1:5

Aɗaba i tsaraka ka, ta gwa, kà waya gà mburma Mbulum tserdze, dite meme na kə̀ gəs Yesuw Kiristi BATSAH kwa ŋa a gəzləŋ yak nda ndzer a mbaŋa.

IBƏRANIKWA 5:7

Aka na Yesuw ɗa ika gər ahəɗ mba ya ka, a sər, Mbulum a sle aà mimbilere a à ŋgat i məməta ya. Aɗaba taŋa na a hama a Mbulum nda magala ŋgəlakəkka hinne, haa a tuwa a dar dərra i are ya. Mbulum tekeɗe, aka tsaraka meheme ŋgar ata, dite i dəba ŋa ya, a mbəlara à ŋgat i məməta ya, agəra ana a hənar à gər a bəɗ a.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.

Yuda 1:20

Ama kurum gà masla gà ana i waya kurum hinne ya. Kurum ka, mərum aba sah lele. Zlakum ba ika magər kurum ilik ilik tserdze, na dite ndzəɗa kurum à sìkèh a aka miɗ aka miɗ i təv megìse kurum ana kə̀ gəsum bazlam ŋgwal ŋa aaha, Mbulum a ɗif a kurum dər a. Hamum a Mbulum nda ndzəɗa Mezite Mesife ŋgar kəla pat mbaŋa.