EFESIYA 6:13 - Bible Zulgo

¹³ Aɗaba taŋa, gəsum gà dukw ahər ana tserdze Mbulum a dza a kurum a ɓəŋɓəŋ lele, na dite ki ŋgetwim a ndzəɗa, ki ŋgirzlwim a ika miɗ gà ɓəzla mene are kurum ata ya. A pat ana ta beze a kurum a za ya ka, ta mbè aà kurum a tsa, haa a pat mandəva dər ŋa.

EFESIYA 6:13 ပူးပေါင်းရင်းမြစ်များ

2 Kurintiya 10:4

Dukw ahər mər tekeɗe, kamala biy gà mburma gər ahəɗ a tsa asa mbaŋa. Gà dukw ahər ata ka, Mbulum ivaɗ na a vəl a mər a. Ar ka, ndzəɗa ŋa hinne. Nda taŋa na mìi mbezle a dər à təv màŋgwàɓà gà ɓəzla mene are Mbulum ana tə dzayawa aɗəm ba ya. Mìi gis a dər ahəm aà are a gà na ŋgəraw ti dzele a duwa nda pàrsa ŋa ya.

Luka 21:36

Ka ndzwim are tsa, hamum kəla pat, dite ka, ka ŋgatum ndzəɗa aà mibe dər i təv gà dukw ata tserdze ti dere a ya. I dəba ŋa ya, ki ta hitswim a aka miɗ gà lele, iye, *wur ana a dara i təv Mbulum a kuɗa.»

EFESIYA 5:16

Ki gwim megemir ŋa kəla pat, kà mətsum aà mendze taf masakəŋa tsa. Aɗaba bəra aaha ka, ŋgwal bəra tsa.

Luka 8:13

Gà biy ŋgiɗ pam asa, ti ndzikiɗ ba wur daw ata a dza aà sik kuvəl a. Ta gis a bazlam ata a gəzləŋ tar nda gà maŋgayaba tsara. Ama bazlam ata a ŋge a zlile aà mendze i gəzləŋ tar tsa. Zàkwayiya, mesewere are a dere a, a dzik à ter a tsara ka, ta miyek a à bazlam ata ta gəs a gəzləŋ tar a.

Sunwa Yuhana 3:10

Kurum ka, kàa gəsum aà iye ahəm, kàa mərum aba i təv gà mesewere are ya, kamala ana i tsik a kurum a. Aɗaba taŋa, i kesle a kurum a pat gà mesewere are ana ti ti dere a ika miɗ mba ya. Ama ti dere a ka, aka gər gà mburma ana ika gər ahəɗ a tserdze, aà medzìkè à tar.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

EFESIYA 5:6

Aɗaba gà dukw ata ka, ŋgwal ŋa tsa fit, Mbulum a ge a arəv aà gà mburma ana ta gəs bazlam ŋgar tsiye. Aɗaba taŋa, wura ma ta baza a kurum za nda welewele bazlam ana taf masakəŋa ya tsa.

Sunwa Yuhana 6:17

Aɗaba pat ana ti ta gis a gà mburma a seriye ya ka, aka à mendze aɗəm. Ama a pat ata ana, weke na a be a iɗəm a ya?»

RUMA 13:12

Aɗaba ar ka, kamala həvəɗ ana wetititittè a de a iɗəm a, dzaydzay ŋa a dere a ya. Kinehe ka, məsakukwa à megemir luvuŋ. Ki ndzìkikwe a dukw ahər ana i təv dzaydzay ŋa ya, aà mege dər gùvəl aà luvuŋ, dite ka, ki mbèkwe ahəriŋa.

YAKUBA 4:7

Aɗaba taŋa, gəsum ahəm aà Mbulum. Məsakum à Əbay sitene, dite a vel a à kurum a.

1 PIYER 4:1

Kurum kà sərum, akahər ata Yesuw Kiristi aka sèwèreba are ka, hinne. Aɗaba taŋa, kurum tekeɗe, gəsum gəzləŋ i təv mesewere are ya, kamala ŋgat ana a gəs gəzləŋ, a sèwèr are ya mbaŋa. Aɗaba wur ana à sèwèrebe a are a ba ŋgar kataya ya ka, a ta me a aka bakal asa tsa.