EFESIYA 6:12 - Bible Zulgo

¹² Ama gùvəl ana ki gekwe a ya ka, nda gà mburma məfàrà ŋa tsa. Ki gekwe a ka, nda gà dukw ana ika magər gà mbulum nda gər ahəɗ, a ŋgeterebe a tsa, ndzəɗa tar riŋ hinne ya. Kamala megweɗe ya, nda gà sitene, nda gà Əbay tar ana tserdze tar ihər ta kwere a gər ahəɗ aaha manəsa ŋa ya.

EFESIYA 6:12 ပူးပေါင်းရင်းမြစ်များ

Mata 16:17

Yesuw a gwaɗar: «Kər ka, maŋgayaba i təv yak, Simun kəla Yunas, aɗaba kà sər taŋa ka, mburma na a tsikik a tsa. Ama Tsir gà Mbulum ana i gər ŋa ya na a ɗifek dər a.

Markus 4:19

ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar, nda mege are aka dukw mburma tserdze. Aɗaba taŋa, gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.

Luka 13:24

«Mərum aba aà mede ndaka biye hərmaga ana hinne tsiye. Aɗaba iye ihər, i gweɗe a kurum a nda ndzer: Gà mìsle ŋgiɗ a riŋ hinne a ti ses a ter a aà mede ndaka vatwa ata, ta waya mimbile, ama ti sle a tsa.

Luka 22:53

Kəla pat kà ndzawukwa nda gà iye i ga Mbulum batsah ŋana, dite ka, kwets kàa giswim iye ɓav tsəna, meme? Ama kinehe ka, aka ndze akahər ŋa biy kurum, aɗaba ana Mbulum a vəl vatwa a wele ana i luvuŋ a, na dite ki giswim a dər iye ya.»

Yuhana 12:31

Kinehe ka, Mbulum a ge a seriye agəra gər ahəɗ aaha kuɗa. Kamala taŋa ya, a zle a Əbay aà Əbay gà mburma gər ahəɗ a, a delewe a ŋgat ŋa.

Yuhana 14:30

Kinehe ka, i tsik a kurum a duwa hinne asa tsa, aɗaba Əbay gər ahəɗ aaha aka à mendzera. Ama kə̀la ka, ndzəɗa ŋgar a riŋ aà mekwere iye tətsà.

Yuhana 16:11

Dite a ti ɗe a ter a dər asa mbaŋa ka, Mbulum na a ti ses a ikaba seriye tar a ya, aɗaba ti sir a ka, seriye aka mbər megìse Əbay gər ahəɗ aaha kinehe ya.

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

RUMA 8:38

Aɗaba i sər ndzer, duwa a riŋ na à ses a ikaba kwa nda meweye ŋgar ana a waya kwa ya ilik tsidze. Ku mege məməta ana ki metekwe a ya, kige tsa, mendze kwa ana ki ndzekwe a nda are ya tekeɗe ka, pampam tsa. Ku mege gà gawla Mbulum ana nda Əbay tar, dite nda gà dukw ana tserdze, ndzəɗa tar a riŋ hinne i gər ŋa ya tekeɗe, ti sle a aà mege duwa, na dite ti ses a ikaba kwa ya tsa. Ku mege gà dukw ana ta ge a ba kinehe ya, ndəna a ta ge a ba aka miɗ mba ya tekeɗe ka, ti sle a aà mege duwa tsa mbaŋa.

1 Kurintiya 15:50

Gà damər ga, iye ihər i tsik a kurum a nda ndzer: Wura a sle aà mede a a *mekwere Mbulum nda gà slu ba ŋgar nda mesife kataya tsa. Aɗaba dukw ana à mìt a ya ka, ti sle a aà mendze akaba a nda dukw ana a ndze a aà biybiy a tsa.

2 Kurintiya 11:14

Taŋa ka, ma ge aà kurum kamala dukw mene aà mburma ya tsa. Aɗaba pat ŋgiɗ Əbay sitene nda gər ŋgar tekeɗe ka, a ne a à ba ŋgar kamala ana ŋgat ka, gawla Mbulum ana a dara i təv dzaydzay ŋa ya mbaŋa.

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

GALATIYA 1:16

a pètiŋ à Kəla ŋgar, na dite i tsik a bazlam ŋgwal ŋana aka gər ŋgar, a gà mburma ana tə sər Mbulum tsiye tserdze ya. Akahər ata ka, maa fàfəl nda wura, aà mewize ihər bazlam a tsa asa.

EFESIYA 1:21

I dəba ŋa ya, Yesuw a ndza a fata ka, a kwere a gà gawla Mbulum nda gà Əbay tar, dite nda gà dukw ana tserdze ndzəɗa tar a riŋ hinne i gər ŋa ya. Maɗə̀và zləm ŋgar ka, a za dər biy gà mburma ana ika gər ahəɗ ana kinehe ya, nda biy ana a dere a ika miɗ a tserdze.

EFESIYA 1:3

Zàmbaɗakwa à Mbulum Tsir Yesuw Kiristi BATSAH kwa ŋa, aɗaba aka pisakwara ahəm a nda gà ŋgwal gà dukw ana tserdze ti ndze a aà biybiy i gər ŋa ya. A vəl a kwa gà dukw ata ka, a kwa ana mandza ŋa i təv ilik ŋa nda gà Yesuw Kiristi ya.

EFESIYA 2:2

Kà zazamawum ɗa ka, mede gà mburma ana ɗa ika gər ahəɗ a. Kà dzawum zləm ka, a Əbay gà sitene ana mandza ŋa aà gəza mbulum a. Əbay gà sitene ata na a riŋ a ge a mege megemir i ba gà mburma ana a sàs a tar medzè zləm a bazlam Mbulum tsidze ya.

EFESIYA 3:10

Ama kinehe ka, Mbulum aka pàt dər i magər gà mburma ŋgar. Dite gà gawla ŋgar nda gà Əbay tar ana i gər ŋa ya, tə samata tar, tə sər dər ka, metsehe ŋgar i təv gà dukw ŋgiɗ pampam.

KULUSIYA 1:13

Aɗaba Mbulum Tsir kwa ata na a beyera à kwa i ahər Əbay ana mandza ŋa i lùvùŋ a ya. A ndzəkara iɗəm kwa ya ka, a dza kwa a təv mekwere Kəla ŋgar ana mandərkwasla ŋa ya.

KULUSIYA 2:15

I təv ana Yesuw Kiristi a mət aà dizl magə̀làwà ŋa ata ya ka, ndzawndzaw a ndzək dukw ahər aà gà sitene ya, nda gà Əbay tar ana gà ndzəɗa tar a riŋ hinne ya tserdze. A mba aà tar. A ndaɗa aka tar hwarwa ika miɗ mburma tserdze.

2 TIMUTE 2:5

Wele ana a tètìɗ a à mile ŋgar, a vel a sah lele, a sasar a ndze a a təv ana a ndisl aɗəm a ya tekeɗe ka, aka gwa, i lèh a aka miɗ mburma ka, say na bəla a vel a ka, ndaka vatwa ŋa lele ya dzekwiŋ, na dite ta viler a dukw maya ba ŋgar a.

IBƏRANIKWA 12:1

Kwa kinehe ka, kwa ihər ki ŋgetekewe a a gà mburma ata hinne, ti le a kwa tits, dite ti ɗif a kwe a dər, meme na ki gìsekwe a Mbulum a. Aɗaba taŋa, miyakukwa aba à gà dukw ana tserdze ta ŋgeye a kwa teztez a. Gwàtsakukwa aba à gà dukw bakal ana ta gese a kwa nda ndzəɗa ya mbaŋa. Kà mərakwa aba, kà tàkwa aka miɗ aka miɗ nda metìze sah lele, ka ndzekwa a təv ana ki tèkwe aɗəm a ya.

IBƏRANIKWA 12:4

Aɗaba i huɗ mege gùvəl kurum ana riŋ ihər ki gwim a aà gà dukw ana ŋgwal ŋa tsiye ka, aka ndze a təv məməta kurum zukw tsa.

1 PIYER 3:22

Yesuw Kiristi ka, ŋgat aka tsəl a təv Mbulum. A riŋ mandza ŋa ika tsèke ahər mezime ŋgar. Ŋgat ka, a kwere a gà gawla Mbulum, nda gà Əbay tar ŋa dze, dite nda gà asiŋ gà dukw ana tserdze ndzəɗa tar a riŋ hinne i mbulum i gər ŋa ya.