EFESIYA 5:8 - Bible Zulgo

⁸ Akahər ata ka, kurum mandza ŋa i luvuŋ. Ama kinehe ka, kurum i təv dzaydzay ŋa, aɗaba ana kurum mandza ŋa i təv ilik ŋa nda gà BATSAH kwa ŋa ya. Aɗaba taŋa, zazamum mede gà mburma ana i təv dzaydzay ŋa ya.

EFESIYA 5:8 ပူးပေါင်းရင်းမြစ်များ

Mata 3:8

Ama kinehe ka, gwim gà megemir ana, dite mburma ti sir a dər ka, kàa mbəɗum à madzala gà gər kurum a təv Mbulum kaɗəŋ, kàa miyakum à dukw kurum ana ŋgwala tsa miviye ŋa ya ya.

Mata 4:16

Ama gà mburma ana i lùvùŋ kataya ka, ta ŋget a a dzaydzay kweɗek kweɗek hinne. Tar ana hìrzìzìmme mandza ŋa aà huɗ sìsiye məməta, ti ne kamala ana tar gà məməta ŋa ya ka, a ge a terehe a dzaydzay.»*fe*

Luka 1:79

A ge a dzaydzay ata ka, a gà mburma ana i luvuŋ a, nda gà na i təv mezite məməta ya tserdze mbaŋa. A dzik a dər kwa aka vatwa ana zayya ŋa ya.»

Luka 16:8

Mala ga wele ata a dza zləm aka wirwir ana wele aaha a ge a ihər a ka, a ge ahər kamala dukw mene aà mburma ya. A gwa: Aɗaba gà asiŋ gà mburma ana kinehe ika gər ahəɗ tə sər Mbulum tsiye ka, tə tsàh hinne, ti dzele dukw ana a da aka miɗ a lele, nda masəra ba ika magər tar ilik ilik tserdze. Tə tsàh ka, tə za dər gà mburma ana i təv dzaydzay ŋa ya.»

Yuhana 1:9

Təv dzaydzay ŋa ata ndzer ŋa ya ka, wele ana tə zalar «Bazlam Mbulum» a. A dara aka gər ahəɗ a ka, aà medìve ika magər gà mburma tserdze.

Yuhana 12:35

Yesuw a gwaɗa a tar aaka: «Kinehe ka, dzaydzay a riŋ i təv kurum. Ama a ndze a kə̀la ka, zaakwa pəra. I təv ana dzaydzay ŋa ata a riŋ i təv kurum mba ya ka, dum aka miɗ tə̀ma, luvuŋ mà gəs kurum tsa. Aɗaba wur ana a de a i luvuŋ a ka, a sir a təv ana a de a aɗəm a ya tsa. Tìtìktìkka luvuŋ aka ndàr aka are.

Yuhana 12:36

Gəsum təv dzaydzay ŋa ata, ka zazamum i təv ana a riŋ i təv kurum mba ya, dite ka nwim gà mburma dzaydzay ŋa.» Yesuw a tsik aba bazlam ata ya tsara ka, a da, a kaha ba aà tar a.

Yuhana 12:46

I dara aka gər ahəɗ a ka, aà məpàtà à dzaydzay ŋa a mburma, dite ka, gà mburma ana tàa gəs iye nda gəzləŋ tar a ka, tə ndza i luvuŋ asa tsa.

Yuhana 8:12

I dəba ŋa ya, Yesuw a fàfəl a gà mburma asa. A gwaɗa a tar: «Iye ka, dzaydzay gər ahəɗ. Wur ana a zezem a iye ya ka, a ti ndze a i luvuŋ asa tsa. Ama a ŋget a dzaydzay ŋa ana a vile a mesife a mburma ya.»

Gà Ɓəzla Meslire 17:30

Mbulum ka, aka dzala aka mendze ana akahər ata gà mburma tə sər ŋgat tsiye tsa. Ama kinehe ka, a riŋ a zel a a gà mburma tserdze. Ku mege i ŋga, tə dara, ta mbəɗ à gəzləŋ tar.

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

RUMA 1:21

Ku mege tə sər Mbulum a riŋ tekeɗe ka, tì zlibe a à ŋgat kamala ana ŋgat Mbulum a tsa, dite ta ger a kəkaaha ɓav tsa asa mbaŋa. Kamala taŋa ya, madzala gà gər tar ana ti dzele a ya ka, taf masakəŋa. Ti ndze a ka, i lùvùŋ tìtìktìkka. Dite dukw ana ŋgwal ŋa ya ka, tə sər ɓav tsa asa.

RUMA 13:12

Aɗaba ar ka, kamala həvəɗ ana wetititittè a de a iɗəm a, dzaydzay ŋa a dere a ya. Kinehe ka, məsakukwa à megemir luvuŋ. Ki ndzìkikwe a dukw ahər ana i təv dzaydzay ŋa ya, aà mege dər gùvəl aà luvuŋ, dite ka, ki mbèkwe ahəriŋa.

RUMA 2:19

Kurum kà dzalum ka, kurum ihər ki ŋgetwim a a vatwa ndzihndzih lele, ki geswim a ahər a gà ɓəzla guluf. Dite kà dzalum asa ka, kà nwim təv dzaydzay ŋa, na ika miɗ gà mburma ana ti dzeye aɗaba luvuŋ, ti yehe a vatwa tàmtàm a.

1 Kurintiya 1:30

Ama kurum kinehe ka, Mbulum a zal a kurum, na dite a gaw akaba à kurum a təv ilik ŋa nda gà Yesuw Kiristi ya. Aɗaba Kiristi na a ne metsehe kwa ana a dara i təv Mbulum a ya. Nda təv Yesuw Kiristi mbaŋa asa na Mbulum a ne à kwa gà ŋgwal ŋa ika miɗ ŋgar a. Dite nda ahər ŋgar asa mbaŋa na a pəl a kwa à bakal, dite kà nekwa gà mburma ŋgar a.

2 Kurintiya 3:18

Taŋa, kwa ana tserdze kàa gə̀sakwa ŋgat a ka, kwa i luvuŋ ika miɗ Mbulum kamala ana petek ata a riŋ à kèhe a are kwa ya asa tsa. Kwa ihər ki ŋgetekewe a ndzəɗa BATSAH kwa ŋana ti zlibe a dər, a za duwa tserdze ya. Dite kwa asa tekeɗe, ki ti ndzìkìɗekwe a ba kamala ŋgat a. Kamala taŋa ya, ki ŋgetekewe a ndzəɗa nda mezlibe ŋgar mbaŋa, à sìkèh a aka miɗ aka miɗ. BATSAH kwa ŋa na a ge a taŋa ya. Tar nda Mezite Mesife Mbulum ka, i təv ilik ŋa.

2 Kurintiya 4:6

I təv ana Mbulum a ge gər ahəɗ akahər ata ya ka, a gwa: «Dzaydzay mà də̀v i luvuŋ.» Ama Mbulum ŋa ka, taŋa ilik hiywe na a vəl dzaydzay ŋgar ata à div a i gəzləŋ mər a mbaŋa. A ge dər kataya ka, aà məpàtà à ndzəɗa ŋgar ana tì zlibe a dər, à div a ika miɗ Kiristi ya. Aɗaba taŋa na mər ihər mìi tsik a bazlam ŋgwal ŋa ata a mburma ya.

2 Kurintiya 6:14

Kə gawum ba a təv ilik ŋa nda gà na tàa gəs Yesuw nda gəzləŋ tar tsiye tsa. Ka ta gwim akaba megemir i təv ilik ŋa nda gà tar tsidze. Aɗaba meme na gà dukw ana ŋgwal ŋa ya, ndəna ŋgwala tsiye ka, ti sle aà mendze akaba a i təv ilik ŋa ya? Wànà gà təv dzaydzay ŋa ti sle aà megewe a ba nda təv luvuŋ a?

GALATIYA 5:25

Mezite Mesife Mbulum na a vəl a kwa mesife ya. Aɗaba taŋa, say ŋgat na a kwere a kwa ya.

EFESIYA 2:2

Kà zazamawum ɗa ka, mede gà mburma ana ɗa ika gər ahəɗ a. Kà dzawum zləm ka, a Əbay gà sitene ana mandza ŋa aà gəza mbulum a. Əbay gà sitene ata na a riŋ a ge a mege megemir i ba gà mburma ana a sàs a tar medzè zləm a bazlam Mbulum tsidze ya.

EFESIYA 4:18

Madzala gà gər tar ka, i luvuŋ. Tə sər dukw ana ndzer ŋa ya tsa. Mesife awiya ŋa ana Mbulum a vəl a ka, a riŋ i təv tar tsidze, aɗaba ana kuvəl i zləm tar a, ndàasun ŋana ka, na tə sər duwa tsidze ya.

EFESIYA 5:2

Wayum mburma kəla pat i təv dukw ana tserdze ki gwim a ya, kamala *Kiristi ana a waya kwa, dite ka, a mət agəra kwa asa ya. A vəl mesife ŋgar biy taf kamala dukw ana ta kəɗ a Mbulum, a dar a gər a.

EFESIYA 6:12

Ama gùvəl ana ki gekwe a ya ka, nda gà mburma məfàrà ŋa tsa. Ki gekwe a ka, nda gà dukw ana ika magər gà mbulum nda gər ahəɗ, a ŋgeterebe a tsa, ndzəɗa tar riŋ hinne ya. Kamala megweɗe ya, nda gà sitene, nda gà Əbay tar ana tserdze tar ihər ta kwere a gər ahəɗ aaha manəsa ŋa ya.

KULUSIYA 1:12

A sèsiŋ ka, ki gwim a kəkaaha a Mbulum Tsir kwa kəla pat nda gà maŋgayaba ata i gəzləŋ kurum mbaŋa asa. Aɗaba ŋgat na a vəl a kurum vatwa, na dite ki ta ŋgetwim a dukw ana ŋgwal ŋa, a ti dzeye a a gà mburma ŋgar a ya. Dukw ata ka, i təv dzaydzay ŋgar ana i gər ŋa, à div a hinne ya.

KULUSIYA 1:13

Aɗaba Mbulum Tsir kwa ata na a beyera à kwa i ahər Əbay ana mandza ŋa i lùvùŋ a ya. A ndzəkara iɗəm kwa ya ka, a dza kwa a təv mekwere Kəla ŋgar ana mandərkwasla ŋa ya.

TITUS 3:3

Aɗaba akahər ata ka, kwa tekeɗe, metsehe kwa a riŋ tsa mbaŋa, kə̀ gə̀sakwa ahəm tsa, kàa dzeyekwa ika vatwa ndzer ŋana ya. Kà nekwa ka, gà ɓele dukw ana ba kwa a waya ya ɗekɗek. Kwa mandza ŋa ka, gà ɓəzla swalwa. Ki gewakwa are aka dukw mburma. Gà mìsle ŋgiɗ tàa nekwa are ka, kwa tekeɗe, kàa nekwa a tar aɗəm are mbaŋa.

1 Yuhana 1:7

Ama na kwa mandza ŋa i təv dzaydzay ŋa kamala Mbulum ana ŋgat mandza ŋa i təv dzaydzay ŋa ya ka, kàa gawakwa ba na taŋa ya. Məmbəz Yesuw Kəla ŋgar ana a dza dər aɗaba kwa ya ka, a bere a gəzləŋ kwa, à pìl a kwa a à bakal ana ki gewakwa ya tserdze.