EFESIYA 5:32 - Bible Zulgo

³² Ama bazlam ata ka, a ɗif a kwe a à duwa ŋgiɗ, tsəka, agəra taŋa ɗekɗek tsa. Ama iye i dzala ka, ti tsik bazlam ata ka, agəra gà mburma Mbulum ana nda gà Kiristi ya mbaŋa.

EFESIYA 5:32 ပူးပေါင်းရင်းမြစ်များ

Yuhana 3:29

Wele ana a zla daala awiya ŋa ya ka, daala ata ka, biy ŋgar dukw ŋgar. Ama masla zal dəm ata ka, mehìtsè ŋa i təv ŋgar, a riŋ à dze a zləm a mifefile masla ŋgar ata a tsiker a ya. Aka tsaraka kataya ka, a ŋgeye a ba hinne. Kamala taŋa ya, iye tekeɗe, maŋgayaba aka rah a gəzləŋ ga kinehe ka, hinne mbaŋa.

2 Kurintiya 11:2

Iye riŋ i ge a sələk aɗaba kurum ka, hinne, kamala biy Mbulum ana a riŋ a ge a sələk aɗaba kurum ana a waya kurum a mbaŋa. Kurum kà nwim ka, kamala dəm ana i ma gà, i waya i vile a a mìsle ŋgiɗ ilik pəra ya, kamala megweɗe ya, i vile a ka, a *Kiristi. I waya dəm ata ka, wura mə bana aà mendze nda ŋgat tsa. Ma ndza tsəɗaŋŋa, na dite i viler a ya.

EFESIYA 5:31

Aɗaba taŋa Mbulum a gwa i wakita ŋgar a: «Asləka a miyek a à gà tsir ŋgar nda mama ŋgar, aà mendze nda məkəs ŋgar, dite ti ne ba ilik.»*fa*

EFESIYA 5:33

Aɗaba taŋa kurum tekeɗe, say ku weke ma waya məkəs ŋgar kamala ba ŋgar ŋa ya. Kurum gà məkəs tekeɗe, hənum à gər a bəɗ a gà zal kurum mbaŋa.

EFESIYA 6:19

Hamumar agəra iye mbaŋa, dite ma ɗifiŋ à dukw ana i tsik a ya. Hamumar ka, magəɗa ma giŋ aà meɗìfè à bazlam ŋgwal ŋa ata a pàt dər parakkà ya tsa.

KULUSIYA 2:2

I mər aba kataya ka, aà məma a kurumaha à arəv, dite ka wayum ba ika magər kurum ilik ilik tserdze, ka gawum ba a təv ilik ŋa. A sèsiŋ asa mbaŋa ka, sərum dukw ana Mbulum a pàt a kwa dər ndərzayya aka gər Yesuw Kiristi ya lele, madzala gà gər kurum ma ta ge wàkit wàkit tsa, na dite ka, ŋgat a ge a kurum a ŋgwal dukw ana a za duwa tserdze ya. Dukw ata a pàt a kwa dər a ka, à Yesuw Kiristi.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

1 TIMUTE 3:8

Ama mede gà mburma Mbulum ana tar riŋ tì zlèk a gà asiŋ gà mburma ŋgar a ka, ma ge lele mbaŋa. Ti tsikewa ka, dukw ana ndzer ŋa ya, ta màwa aka mifefile sula tsa. Ta beha à masà guzum tsa asa. Ta vəl gəzləŋ a mayaha siŋgwe hinne tsa asa mbaŋa.

Sunwa Yuhana 21:2

I fataya ka, i ŋgataha a kwite ana tsəɗaŋŋa ya. Ama kwite ata ka, Yeruzalem awiya ŋa ana a tarra i gər ŋa i mbulum a ya. Mbulum a lə̀mbaɗa ka, lele, a tsahən ndzer. Ar ka, kamala daala ana a lə̀mbaɗa ba ŋgar tsèɓtsèɓ lele, a waya a de a a zal a.