EFESIYA 5:26 - Bible Zulgo

²⁶ A bara tar herrè lele, aruwaŋ a da aà tar a. A ne à tar gà tsəɗaŋŋa ka, agəra bazlam ana a tsik a tar a. Kamala taŋa ya na ti ne biy Mbulum a.

EFESIYA 5:26 ပူးပေါင်းရင်းမြစ်များ

Yuhana 13:10

Yesuw a gwaɗar: «Wur ana aka bara ba ya ka, a ndze a ka, tsəɗaŋŋa, a sasar məbàrà ba masula ŋa asa tsa. A bere a ka, say gà sik ɗekɗek pəra. Kinehe kurum tserdze ka, məbàrà ŋa. Ama kə̀la ka, wura ilik ika magər kurum ka, məbàrà ŋa tsa.»

Yuhana 15:3

Kurum kà nwim ka, tsəɗaŋŋa, aɗaba guma aaha i tsik a kurum a.

Yuhana 15:8

Na kàa nwim kamala dizl ɗaf ata a wa hinne ya ka, gà mburma ti sir a dər ka, kurum gà ɓəzla mezezeme iye ndzer kaɗəŋ. Kamala taŋa ya, mezlibe ana tì zlibe a à Mbulum Tsir gà ya, à pèt a aba parakkà lele.

Yuhana 17:7

Tə sər kinehe, dukw ana tserdze kà dziŋ ahər a ka, a dara ka, i təv yak a.

Yuhana 3:5

Ama Yesuw a gwaɗar aaka: «Iye ihər i gweɗek a nda ndzer, pàrsa iɗəm tsa: Wura a sle a aà mada a təv mekwere Əbay Mbulum tsa, na aka wa ba nda yam nda Mezite Mesife Mbulum tsiye.

Gà Ɓəzla Meslire 22:16

Kinehe ki bebe a əla asa ya? Hitse aà mbulum, ti tsilwiɓ à kər a yam nda maɗə̀và zləm ŋgar, dite i dəba ŋa ya, Mbulum à pìlek a à bakal yak.> «

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

RUMA 10:8

Na kataya ana, wakita Mbulum a gwa ana, meme? A gwa ka: «Bazlam Mbulum a ndze a ka, slìpèhhe bise nda kər, ika arah yak, dite i gəzləŋ yak mbaŋa.» Bazlam ŋa ka, taŋa kà tsikikwa a mburma ya, kù gwaɗakwa a tar ka, gəsum Mbulum nda gəzləŋ kurum.

1 Kurintiya 6:11

Akahər ata piŋŋe ka, gà mìsle ŋgiɗ ika magər kurum ta gewa gà dukw ata mbaŋa. Ama kinehe ka, Mbulum aka bara gəzləŋ kurum tsəɗaŋŋa lele. A ne à kurum gà mburma ŋgar gà tsəɗaŋŋa ŋana, ti ne gà ŋgwal ŋa ika miɗ ŋgar a. A ge dər kamala taŋa ya ka, aɗaba ana kə̀ gəsum Yesuw Kiristi BATSAH kwa ŋa nda gəzləŋ kurum a, dite ka, Mezite Mesife ŋgar ibam, mandza ŋa i gəzləŋ kurum mbaŋa ya.

2 Kurintiya 11:2

Iye riŋ i ge a sələk aɗaba kurum ka, hinne, kamala biy Mbulum ana a riŋ a ge a sələk aɗaba kurum ana a waya kurum a mbaŋa. Kurum kà nwim ka, kamala dəm ana i ma gà, i waya i vile a a mìsle ŋgiɗ ilik pəra ya, kamala megweɗe ya, i vile a ka, a *Kiristi. I waya dəm ata ka, wura mə bana aà mendze nda ŋgat tsa. Ma ndza tsəɗaŋŋa, na dite i viler a ya.

EFESIYA 6:17

Gəsum mimbile kurum ana Mbulum a mbil a kurum a, kamala *tazak daw ana i gər a. Dite gəsum bazlam ŋgar ɓəŋɓəŋ kamala màsalamà ana Mezite Mesife ŋgar a vəl a kurum a.

KULUSIYA 3:16

Vəlum vatwa a bazlam Yesuw Kiristi, tsìsl mà rah a gəzləŋ kurum lele, ka dzalum aaka gà gər hiywe. Ɗifwim aba à vatwa ika magər kurum. Ɗifwim aba dər aba nda zèyezèye, kamala ana Mbulum a vəl a kurum metsehe ya. Zàmbaɗum à Mbulum nda gà dimis pampam. Làhum gà dimis ana Mezite Mesife ŋgar a ɗif a kurum dər a. Làhum gà dimis ata a Mbulum, nda megèr kəkaaha i gəzləŋ kurum hinne.

TITUS 2:14

Ŋgat a dzeye à mesife ŋgar aɗaba kwa. Kamala taŋa ya na a pəl a kwa dər à bakal kwa tserdze ya. A bara aà kwa bakal kwa ya, na dite kà nekwa gà mburma ŋgar ana gà biy ŋgar, ta vile a ba aà mege gà megemir ana ŋgwal ŋa lele ya.

IBƏRANIKWA 10:10

Aɗaba Yesuw Kiristi ka, aka ge gà dukw ana a sàs a Mbulum a, agəra ana a vəlar ba ŋgar kamala dukw taf ana masakəŋa ya. A vəlar ka, sik ilik pəra, i təv ana a mət a tsara ka, aà biybiy. Kamala taŋa ya na kinehe kà nekwa gà tsəɗaŋŋa ika miɗ Mbulum, kà nekwa gà mburma ŋgar a.

IBƏRANIKWA 10:14

Kamala taŋa ya, Yesuw a vəl ba ŋgar a Mbulum sik ilik pəra. A vəl ka, na dite gà mburma ŋgar ti ne gà tsəɗaŋŋa ika miɗ Mbulum a. Mipele ata a pala tar a ka, a waya na ti sime ika miɗ Mbulum ɓərɓər lele, aà biybiy a asa.

IBƏRANIKWA 10:22

Aɗaba taŋa, gə̀sakwa Yesuw Kiristi nda gəzləŋ ilik lele. Madzala gà gər kwa ka, ma ge wàkit wàkit tsa. Dite sìrìkikwa a təv Mbulum ka, ndiɓ nda gəzləŋ ilik mbaŋa. Aɗaba Yesuw aka bara gəzləŋ kwa nda məmbəz ŋgar, dite aka bara kwa nda yam ŋgar ana tsəɗaŋŋa ya asa mbaŋa.

IBƏRANIKWA 10:29

Na tàa ge à gà mburma nda təv məpala ahəm Musa kataya seyiŋ ana, sakwàn nda wur ana a niw a bazlam Kəla Mbulum a ya? Na wura a niw bazlam ŋgar ata, nda gà bəla a niw a məmbəz ŋgar ana a ɗif dər à masəra ba gà Mbulum nda mburma, a ne tsəɗaŋŋa ivaɗ a, dite ka, bəsənnà à fir ahər a kamala za ya, nda gà bəla a ndeveye a a Mezite Mesife Mbulum ana a ger ŋgwal ŋa ya ka, a ŋget a seriye Mbulum ana mawùràba ŋa ya ndzer kaɗəŋ.

IBƏRANIKWA 13:12

Aɗaba taŋa, Yesuw Kiristi tekeɗe, a mət ka, i huɗ kwite tsa. Aka dara iɗəm a bəra ya mbaŋa. A ge dər kataya ka, aà məbàrà dər bakal aà gà mburma ya, nda məmbəz ŋgar ata.

IBƏRANIKWA 4:12

Kà sərakwa bazlam Mbulum ka, ŋgat na a vile a mesife a mburma ya. Ar ka, ndzəɗa ŋa hinne mbaŋa. Ndzəɗa ŋgar ka, a za dər màsalamà ana matasla ŋa hapəpəpa a zəm tsèke sula ya. A pìts a madzala gà gər mburma ka, kamala màsalamà ana à ses a ikaba təv mezìve ya, nda gà tsa, a dehe a, ərrats à ses a atasl ana azuz iɗəm a. Bazlam ŋgar ata ka, kwàndàlàz à pètere a iɗəm à gà dukw ana gà mburma ti dzele a i gəzləŋ tar, a sàs a tar aà mege ya.

IBƏRANIKWA 9:14

Ama na məmbəz gà dukw ata aka sle aà məbàrà tar kamala taŋa ya ka, məmbəz Kiristi à zè a taŋa fit kweleŋ nda ndzəɗa. Ŋgat ana aka ge bakal duwa ilik tsidze ya, a vəl ba ŋgar a Mbulum nda ndzəɗa Mezite Mesife Mbulum ana a ndze a aà biybiy a. Məmbəz ŋgar ata ka, a bere a bakal i gəzləŋ kwa ya lele, na dite ki gekwe a dukw ana a dzeye a à kwa asa tsiye. Ama ki gekwe a ka, megemir Mbulum ana ŋgat mala məvəla mesife a mburma ya ivaɗ.

YAKUBA 1:18

Ŋgat na a waya, a vəl a kwa mesife awiya ŋa na i təv guma ŋgar ndzer ŋana a tsik a. A sasar na ka nekwa gà malahalah ŋana i liwiŋ gà dukw ana a ge tserdze ya.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.

1 PIYER 3:21

Yam ata a ɗif ka, à mendzikiɗe ba metsìlwìɓè à mburma ana ti tsilwiɓ dər a yam a. Metsìlwìɓè à mburma ata na a mbele a à kurum a i bakal a ya. Ti tsilwiɓ aɗəm à kurum ka, kamala ana ki berwim a dər aba aruwaŋ a tsa. Ama ki wizekwe a aà Mbulum ka, mə bara dərra à kwa bakal i gəzləŋ kwa ya te. Metsìlwìɓè à kwa ata ti tsilwiɓ à kwa a yam, a mbil à kwa a ka, aɗaba ana Yesuw Kiristi a mbəlara i məməta ya ya.

2 Piyer 1:9

Ama na wura a ge a gà dukw ata tsəka, a sər BATSAH kwa ŋa tsa. Ŋgat a ne ka, kamala mala guluf ana a ŋget a a duwa ka, zimirmir pəra ya. Ŋgat ka, məpəla à bakal ŋgar ana Mbulum a pə̀lar dər piŋŋe ya ka, aka mətsar gər na taŋa ya.

1 Yuhana 5:6

Yesuw Kiristi ata a dara aka gər ahəɗ a. A dara ka, a pəts a yam ana ti tsilwiɓ aɗəm a à ŋgat a, dite a dza à məmbəz ŋgar i təv ana a mət a. Ama kəla ka, yam ɗekɗek tsa na a ɗif a kwa dər ŋgat ana kamala weke ya ya. Nda məmbəz ŋgar ana a dza dər a mbaŋa. Mezite Mesife Mbulum na a ɗif a kwa à gà dukw ata ti ne ndzer ŋa ya ya. Aɗaba Mezite Mesife ata ka, a ses a pàrsa tsidze.

Yuda 1:1

Iye Yuda, mala megemir Yesuw Kiristi, dite iye damər Zakup mbaŋa. I wetseha wakita aaha ka, a kurum gà mburma ana Mbulum Tsir kwa a waya ya. A pala kurum kamala gà mburma ŋgar a, dite a riŋ a kesle a kurum nda təv Yesuw Kiristi ya.