EFESIYA 5:21 - Bible Zulgo

²¹ Kurum ana ki zlìbwim a à Yesuw Kiristi ya ka, hənum ba à gər a bəɗ.

EFESIYA 5:21 ပူးပေါင်းရင်းမြစ်များ

1 Kurintiya 16:16

Gəsum ahəm aà gà medzibe gà mburma ata. Hənum à gər a bəɗ a gà asiŋ gà na a ta ge a megemir Mbulum ika magər gà mburma Mbulum a lele, a təv ilik ŋa nda gà tar ata tserdze ya mbaŋa.

2 Kurintiya 5:11

Na Batsah mər ŋa a ta ge a mər a seriye kamala taŋa ya ka, mìi ger a magəɗa. Aɗaba taŋa mbaŋa, na mər ihər mìi yehe a vatwa aà mandzàkàra mburma aka miɗ ŋgar a, dite na ti sir a dər ka, mər gà ndzer ŋa ya. Mbulum ka, a sər mər ka, lele. Ama i dzala ka, kurum tekeɗe, ki sirwim a iye i gəzləŋ kurum mbaŋa.

2 Kurintiya 7:1

A kurum gà masla gà ana i waya kurum hinne ya. Mbulum aka tsik a kwa i sida ya, a gwa, a ta vile a kwe a gà dukw ata tserdze ya. Aɗaba taŋa, say barakwa dukw ana ŋgwala tsiye, aà ba kwa ya, dite ma ne tsəɗaŋŋa na i təv are Mbulum a. Kà barakwara dukw ana ŋgwala tsa i gəzləŋ kwa ya asa mbaŋa. Mede kwa ana ki tèkwe a ika vatwa Mbulum a, ma ge ka, kamala ana ŋgat a waya ya. Ka hənakwar à gər a bəɗ tiɓìzl lele.

GALATIYA 5:13

Gà damər gà, Mbulum a zal a kurum ka, dite ki ndzwim a nda mezìwè gà gər kurum, kàa beywim à məpala ahəm Musa ya. Na ki ziwim a gər kurum kamala taŋa ya ka, ka ta gwaɗum, mìi gewe a dukw ana ba mər a waya pəra ɓav tsa. Seyiŋ tsa, wayum ba ika magər kurum ilik ilik tserdze, dite ki geywim ba meslire ika magər kurum tserdze asa mbaŋa.

EFESIYA 5:22

Kurum gà məkəs, hənum à gər a bəɗ a gà zal kurum, kamala ana BATSAH kwa ŋa a waya ya.

EFESIYA 5:24

Aɗaba taŋa, say gà məkəs ta həna à gər a bəɗ a gà zal tar lele, kamala gà mburma Mbulum ana ta həna à gər a bəɗ a Yesuw Kiristi ya.

FILIPIYA 2:3

Ka tə dzalum ka, ba kurum ɗekɗek tsa. Dite ka tə sə̀ŋgə̀rum à ba kurum ɓav tsa asa. Hənum à gər kurum a bəɗ tiɓìzl ivaɗ. Fə̀rum aà gà asiŋ gà mìsle ŋgiɗ kamala ana tar ka, gà ŋgwal ŋa hinne, tə za dər kurum a.

1 TIMUTE 2:11

I təv ana ti tsik a ter a bazlam Mbulum a ka, tə̀ dza zləm lele, tə ndza tìytìy, ta həna à gər a bəɗ a wur ana a ɗif a ter a dər a.

1 TIMUTE 3:4

Say ma sər magəsa gà mburma ana i ga i ma ŋgar a lele. Ma ɗif à metsehe a gà ɓəza ŋgar, ta gəs ahər ahəm, ta hənar à gər a bəɗ lele asa.

IBƏRANIKWA 13:17

Gəsum ahəm aà gà na tə lah a kurum aka miɗ i təv magəsa Mbulum a. Dzum zləm a dukw ana ti tsik a kurum a ya. Aɗaba tar ka, gà ɓəzla makàslà kurum. Aləka dzìrìk ta hitse a aka miɗ Mbulum, ti tsiker a megemir tar ana ta geye ika gər ahəɗ a ya. Na kàa gəsum aà tar ahəm ka, ta ge a megemir Mbulum nda maŋgayaba ŋa. Ama na kàa gəsum aà tar ahəm tsəka, ta ge a megemir tar ka, turtur nda arəv ŋa, dite taŋa tekeɗe ka, a ge a kurum a ŋgulum ɓav tsa asa mbaŋa.

1 PIYER 2:13

Ama kurum gà mburma ana ki zezemwim a Yesuw Kiristi BATSAH kwa ŋa ya ka, hənum à gər kurum a bəɗ a gà Əbay gər ahəɗ. Gəsum ahəm aà batsah Əbay ana a kwere a mburma tserdze ya.

1 PIYER 2:17

Zlə̀bum à mburma tserdze, wayum gà asiŋ gà damər kurum ana ti zezem a Yesuw Kiristi ya. Gwim magəɗa a Mbulum kəla pat. Zàmbaɗum à Əbay batsah ŋa ana a kwere a mburma ya mbaŋa.

1 PIYER 5:5

A kurum gà gawla tekeɗe ka, gəsum ahəm aà gà bàba kurum ŋa mbaŋa. I tsik a ka, a gà mburma tserdze: Ka ta gwim aba zlapa tsa. Hənum aba à gər a bəɗ ika magər kurum. Hadzalum ba kurum aà mazlàkà ba ika magər kurum asa mbaŋa. Aɗaba ta wetse i wakita Mbulum ka, ta gwa: «Mbulum a niw a gà ɓəzla zlapa. Ama a ge a ŋgwal ŋa a gà na tàa həna à gər tar a bəɗ a.»*fa*