EFESIYA 5:18 - Bible Zulgo

¹⁸ Ka ta kwayum à guzum tsa, aɗaba taŋa ka, à dzik a aà kurum metsehe ya, à gis aaba kurum aà mege dukw ana ŋgwala tsiye. Say ràhum ka, nda Mezite Mesife Mbulum lele ivaɗ.

EFESIYA 5:18 ပူးပေါင်းရင်းမြစ်များ

Mata 23:25

A kurum gà ɓəzla medzeŋge məpala ahəm Mbulum aaha nda gà Farisa ya, kurum ka, gà ɓəzla mimbèhè are. Ama ka, tuwum ba kurum, aɗaba kurumF kà sərum are matsakaɗa gà kəzliyam, nda gà tasà kurum ka, lele. Dite aàla na gəzləŋ kurum kataya tsiye? Nda bəra ka, kù gwaɗum, mər gà ŋgwal ŋa, tsaatsa i huɗ ŋana ka, maràhà ŋa nda gà dukw ana ŋgwala tsiye, kamala megweɗe ya ka: Megeye akəl, nda dukw ana ba kurum a waya aà mege ya ɗekɗek.

Mata 24:49

I dəba ŋa ya ka, a ge a matawak a gà asiŋ gà ɓəzla megemir mala ga ŋgar aaha. Tsam ka, a dza ba aà mazəma gà dukw mezime pampam hinne, ti se akaba a guzum nda gà ɓəzla mekweye ana tə sawa guzum hinne ya kuɗa.

Luka 1:15

Ama Mbulum a weye a ŋgat aà megemir ika miɗ mburma ŋgwal ŋa hinne. A ti sewe a guzum nda gà dukw ana makwàsà ŋa ya tsidze.*fb* Ta we a ŋgat ka, maràhà ŋa nda gà Mezite Mesife Mbulum i ba ŋgar.

Luka 11:13

Na kurum ana gà ŋgwal ŋa tsiye ka, ka sərum məvəla gà ŋgwal gà dukw a gà ɓəza kurum seyiŋ ana, sakwàn Tsir kwa ana i gər ŋa ya ivaɗ a. A vile a Mezite Mesife ŋgar a gà na ta wiz ahər a ya ana, à zè a taŋa tsiye?»

Luka 12:45

Ama na bəla mala megemir ata ma gwa ka: Araha, mala ga gà à mère a bise tsəna, meme? Ma daha, mà dza ba aà mege matawak a gà asiŋ gà ɓəzla megemir mala ga ŋgar aaha, nda mazəma duwa nda gà ɓəzla masà guzum i təv ilik ŋa, ta kweye a dər hinne.

Luka 21:34

«Gwim metsehe, kaslum ba kurum, ka ta kwayum tsa. Ka ta gwim məburnun tsa, dite ka tə dzalum gà gər aka dukw gər ahəɗ tsa asa. Aɗaba gà dukw ata na ta ge a madzək a metsehe kurum a. Na kàa kaslum ba tsa, dite kurum tekeɗe, aà gà dukw ata mbaŋa ka, pat ana a dere a ya ka, gər melek, ki sirwim a aà pat ŋa tsa.

Yuhana 2:10

a gwaɗar: «Ku weke na aka zal a mburma ka, a vile a ter a dukw ana a dzəm a dzekwiŋ. Tàa sa aba ya ka, i dəba ŋa ya a vile a ter a na a dzəm tsiye kuɗa. Ama kər ka, kà tike aba ŋgwal ŋana ya haa kinehe.»

Gà Ɓəzla Meslire 11:24

Ama Barnabas ka, ŋgwal mburma ndzer, maràhà ŋa nda Mezite Mesife Mbulum i ba ŋgar, a gəs Mbulum lele. Aɗaba taŋa, mburma tekeɗe hinne, tə sə̀kàhəha a təv BATSAH kwa ŋa.

RUMA 13:13

Mede kwa ma ge ka, ndaka vatwa ŋa lele, kamala gà mburma ana i təv dzaydzay ŋa ya. Ku kwayakwa aà guzum tsa, ka ti yahakwa dukw meèweke nda màŋgùlùhuɗ tsilikw tsilikw tsa. Ka ta gekwa dukw mezelme nda gà məkəs, kige tsa, nda gà asləka tsilikw tsilikw tsa asa. Ki gekwa maàga nda mege are aka dukw mburma tsa asa mbaŋa.

1 Kurintiya 11:21

Aɗaba ku mege weke a dzele a ka, aka mazəma dukw mezime ŋgar ana a dzəm ahər a ɗekɗek pəra. Kamala taŋa ya, gà asiŋ gà mìsle ŋgiɗ tàa kwaya dər, gà biy ŋgiɗ ibam, tàa ŋgat aà mezime tsa, may a riŋ a wir aà teriŋa.

1 Kurintiya 5:11

Ama dukw ana i wetse a kurumaha ya ka, i tsik ka, agəra gà mburma ana ki zezemwim a Yesuw Kiristi ya seyiŋ ivaɗ. Na wura a gweɗe a, waytsà iye ka, mala mazazama Yesuw, dite ka, a ge a mezelme nda gà bəla a ge a məburnun aka dukw mburma, nda gà a dze a gurmits a bəɗ a dukw ana a zeler a mbulum ŋgar a, nda gà a wele a aà mburma ya nda pàrsa, kige tsa a kweye a à guzum, nda gà bəla a ge a akəl ka, taŋa ka, ka ndzawum i təv ilik ŋa nda gà ŋgat tsa, ku mege ɗaf tekeɗe, ka zəmum akaba nda gà ŋgat tsa asa.

1 Kurintiya 6:10

nda gà ɓəzla akəl, kige tsa gà ɓəzla məburnun, nda gà na ta kweye a à guzum a, nda gà na ta wele a aà mburma ya nda pàrsa ya, nda gà ɓəzla makàzàlà duwa aà mburma ya nda ndzəɗa, gà ɓəzla bakal ata tserdze ya ka, ti sle a aà mada a mekwere Mbulum tsidze.

1 TESALUNIKE 5:7

Ndaàvəɗ na gà mburma ti ndzewa are ya. Dite ndaàvəɗ asa mbaŋa na bagwal ŋa gà ɓəzla mekweye ta kwayawa aà guzum a.

TITUS 1:6

Wur ana a ne a batsah ŋa ika magər gà mburma ana ta gəs Mbulum a ka, say ma ne ka, mala ndzer. Bakal ŋgar ma ge riŋ tsa, məkəs ŋgar tekeɗe, say ma ge ka, ilik pəra. Gà ɓəza ŋgar ibam ka, ta gəs Yesuw Kiristi nda gəzləŋ tar. Mede tar ma ge ka, ŋgwal ŋa, wura ma wala aà tar a agəra dukw ana ta ge a ŋgwal ŋa tsiye tsa, ta gəsawa ahər ahəm ka, lele mbaŋa.