EFESIYA 5:14 - Bible Zulgo

¹⁴ Aɗaba dukw tserdze, ku mege awara, a pèt a aba ka, i təv dzaydzay ŋa. Agəra taŋa na ta gwa: «Kər ana riŋ ika mendze are ya ka, piɗeke, hitsera i luvuŋ gà məməta ya, dite na ki ndze a aà dzaydzay ŋa i təv Kiristi ya.»

EFESIYA 5:14 ပူးပေါင်းရင်းမြစ်များ

Luka 1:78

Aɗaba Mbulum Tsir kwa ka, mawàyà mburma ŋgar nda lìfèɗìɗe bazlam i təv ŋgar ka, hinne. A ti dze a kwa aà dzaydzay ŋgar kalkal kamala biy pat ana à mbizere a ya.

Luka 15:24

Aɗaba kəla gà aaha ka, kamala ana aka mət a, ama kinehe ka, aka mbəlara a riŋ nda mesife. Aka dzeye kweleŋ, ama kinehe ka, Yàa ŋgat asa.> I dəba ŋa ya, tə dza ba aà megirive nda maŋgayaba hinne kuɗa.

Yuhana 8:12

I dəba ŋa ya, Yesuw a fàfəl a gà mburma asa. A gwaɗa a tar: «Iye ka, dzaydzay gər ahəɗ. Wur ana a zezem a iye ya ka, a ti ndze a i luvuŋ asa tsa. Ama a ŋget a dzaydzay ŋa ana a vile a mesife a mburma ya.»

Yuhana 9:5

I təv ana iye ɗa ika gər ahəɗ mba ya ka, iye i ne təv dzaydzay gà mburma gər ahəɗ.»

Gà Ɓəzla Meslire 13:47

Aɗaba dukw ana Mbulum BATSAH kwa ŋa na a tsik a mər a ka, araha. A gwa: «*fi*

RUMA 6:13

Kamala taŋa ya, ka ta vəlum ba kurum a ahər a bakal, ma kwara kurum aà mege dukw ana ŋgwala tsiye asa tsidze. Ama vəlum ba kurum a ahər ka, a Mbulum ivaɗ. Aɗaba kurum kà nwim ka, kamala gà mburma ana tàa mbəlara i məməta ya, tàa ŋgat mesife ana awiya ŋa ya. Vəlumar ba kurum a ahər fit, na dite ki nwim a dukw ahər ŋgar aà mege dukw ana ŋgwal ŋa ya ya.

1 Kurintiya 15:34

Agəra taŋa, kinehe ka, pìɗekeywim i mekweye ya, ki gwim bakal asa tsa. Aɗaba i samata, gà asiŋ gà mìsle ŋgiɗ ika magər kurum a ka, tàa sər Mbulum zukw tsa. I tsik a kurum taŋa ka, dite gurɓə̀ts hwarwa ma ge a kurum.

2 Kurintiya 4:6

I təv ana Mbulum a ge gər ahəɗ akahər ata ya ka, a gwa: «Dzaydzay mà də̀v i luvuŋ.» Ama Mbulum ŋa ka, taŋa ilik hiywe na a vəl dzaydzay ŋgar ata à div a i gəzləŋ mər a mbaŋa. A ge dər kataya ka, aà məpàtà à ndzəɗa ŋgar ana tì zlibe a dər, à div a ika miɗ Kiristi ya. Aɗaba taŋa na mər ihər mìi tsik a bazlam ŋgwal ŋa ata a mburma ya.

EFESIYA 2:1

Piŋŋe kurum ka, kamala ana gà məməta ŋa ya, na ika miɗ Mbulum a, aɗaba ana kì gewim gà dukw ana ŋgwal ŋa tsa pampam a.

EFESIYA 2:5

ku mege kwa kamala gà məməta ana ta mìt a i bakal a tekeɗe ya. Aɗaba taŋa na a mbəlara iɗəm a kwa, a vəl a kwa akaba mesife awiya ŋa nda gà Yesuw Kiristi ya. Ama ka, ma ta məts a kurum gər tsa: A mbəl à kwa ka, agəra ŋgwal ŋgar ana a vəl biy taf a.

KULUSIYA 3:1

Kurum kà sərum ka, kàa mbalum akabara i məməta ya nda gà Yesuw Kiristi ya. Aɗaba taŋa, dzalum ka, aka gà dukw ana i gər ŋa i Mbulum, i təv ŋgar ana ŋgat mandza ŋa iɗəm a ya. Ŋgat ka, a riŋ mandza ŋa ika tsèke ahər mezime Mbulum.

1 TESALUNIKE 5:6

Aɗaba taŋa, ka tə ndzakwa ɓìlèffe ika mendze are kamala gà asiŋ gà mburma ŋgiɗ a tsa. Ama kwa ka, ndzakwa nda metsehe lele, kwarakwa ba kwa ivaɗ.

2 TIMUTE 1:10

Ama kinehe ka, aka pàt aba kuɗa, aɗaba ana Yesuw Kiristi, mala məmbàlà à kwa ata a dara aka gər ahəɗ a ya. A dara ka, a zla aà kwa ndzəɗa məməta ya, na dite məməta a ge a kwa a duwa asa tsa, a ɗif a kwe a à mesife ana à ndìv a tsiye ndərzayya lele kuɗa ya. Gà dukw ata tserdze ya ka, ŋgwal bazlam na a ɗif dər a.

2 TIMUTE 2:26

Tàa ŋgat metsehe kataya ka, ti sle a aà mibeyera i mekwere Əbay sitene ya kuɗa. Aɗaba piŋŋe ka, ŋgiziw ŋgiziw aka gasa tar a ziwiɗ ŋgar kamala ana ta gəs takurah nda ziwiɗ a, na dite ka, ta ger a dukw ana a sasar a ya.