EFESIYA 5:11 - Bible Zulgo

¹¹ Kà lə̀mum aà megemir gà mburma ana ta ge a megemir masakəŋa i luvuŋ a tsa. Ama ka, pàtum a tar à megemir tar ana ŋgwal ŋa tsiye parakkà aà are ivaɗ.

EFESIYA 5:11 ပူးပေါင်းရင်းမြစ်များ

Mata 18:15

Yesuw a gwaɗa a tar asa: «Na wele ana aka ne damər yak, bəla aka ge bakal ka, da a təv ŋgar, dite kà fàfəlum akaba ika magər kurum sula nda ŋgat. Na aka gəs aà kər bazlam yak ata ka, taŋa ka, kàa mbəl à ŋgat i bakal ŋgar ata ya.

Luka 3:19

Aka tsik bazlam aà are a Hiridus mbaŋa, agəra ana a zla məkəs damər ŋgar a. Məkəs ata ka, zləm ŋgar *Hirudiya, dite agəra ana aka ge gà dukw pampam ŋgwal ŋa tsa hinne asa ya.

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

RUMA 13:12

Aɗaba ar ka, kamala həvəɗ ana wetititittè a de a iɗəm a, dzaydzay ŋa a dere a ya. Kinehe ka, məsakukwa à megemir luvuŋ. Ki ndzìkikwe a dukw ahər ana i təv dzaydzay ŋa ya, aà mege dər gùvəl aà luvuŋ, dite ka, ki mbèkwe ahəriŋa.

RUMA 16:17

Gà damər gà, i ge a kurum a kamkam: Gwim metsehe, kaslum ba kurum i təv gà na ta me a kurum a à ŋgwaza nda təv bazlam Mbulum, ti tsik a kurum a dukw ana kàa tsarakum ilik tsiye ya. Dite ka, ta gwitse a ikaba à kurum a, ki sirwim aba a ahəm asa tsa, gà mìsle ŋgiɗ tì dzèwe a ika vatwa Mbulum a. Ama ka, ka vəlum a tar are tsa, sìrìkwim i təv tar a diriŋ.

RUMA 6:21

Dite akahər ana ki gewim dukw ana ŋgwala tsiye dze ana, kə ŋgatum dər là? Na gà dukw ata ta maya a kurumara à gər a kinehe ka, hwarwa a ge a kurum a hinne, aɗaba mege gà dukw ata ka, mburma ta mete a dər ivaɗ.

GALATIYA 6:8

Na bəla wura a ge a ka, dukw ana a tsahən aà ba ŋgar a ɗekɗek ka, nuba ŋgar ana a ta ŋget a iɗəm a ka, məməta pəra. Ama na bəla a ge a megemir nda təv Mezite Mesife Mbulum ivaɗ ka, taŋa ka, a ŋget a nuba mesife ana à ndìv a tsa aà biybiy a, i ahər Mezite Mesife ata ya.

EFESIYA 4:22

Kamala taŋa ya, miyakum à mede ana kà zazamawum ɗa akahər ata ya. Aɗaba mede ata ka, a nəsawa a kurum à gəzləŋ, agəra gà meèweke ana ta bazawa a kurum za ya.

EFESIYA 5:12

Aɗaba megemir tar ana ta ge a nda akəl a ka, ku mege aà meɗiver zləm a bəɗ tekeɗe ka, a tsahən tsa, hwarwa a ge a kwiŋa.

EFESIYA 5:7

Kamala taŋa ya, ka ta gəsum ba i ahər a nda medzibe gà mburma ata aà madə̀ɗà akaba tsidze.

KULUSIYA 1:12

A sèsiŋ ka, ki gwim a kəkaaha a Mbulum Tsir kwa kəla pat nda gà maŋgayaba ata i gəzləŋ kurum mbaŋa asa. Aɗaba ŋgat na a vəl a kurum vatwa, na dite ki ta ŋgetwim a dukw ana ŋgwal ŋa, a ti dzeye a a gà mburma ŋgar a ya. Dukw ata ka, i təv dzaydzay ŋgar ana i gər ŋa, à div a hinne ya.

1 TESALUNIKE 5:7

Ndaàvəɗ na gà mburma ti ndzewa are ya. Dite ndaàvəɗ asa mbaŋa na bagwal ŋa gà ɓəzla mekweye ta kwayawa aà guzum a.

2 TESALUNIKE 3:14

Na bəla wura a sasar magəsa ahəm aà dukw ana mì wetse i huɗ wakita aaha ya tsəka, sərum dər, wele ata ka, ka tə ndzum akaba i təv ilik ŋa nda gà ŋgat asa tsa, na dite ka, hwarwa a ger a ya.

2 TESALUNIKE 3:6

Gà damər mər, mìi tsik a kurum a ka, nda zləm Yesuw Kiristi BATSAH kwa ŋa, mər ihər mìi gweɗe a kurum a ka: Ka ndzum i təv ilik ŋa nda gà asiŋ gà mburma Mbulum ana rìmme ti ndze a gà màsar ŋa, a sàs a tar megemir tsiye tsa. Aɗaba tar ka, ta gəs dukw ana mì tsik a kurum a tsa.

1 TIMUTE 5:20

Na gà bàba ŋa ata tàa ge bakal ka, tsik a tar aà metsehe ika miɗ mburma tserdze, dite gà asiŋ gà mburma ŋgiɗ ta ge a magəɗa.

1 TIMUTE 5:22

Na aka sàsak mazla wura aà megemir i ga Mbulum ka, say fə̀r aà metsehe ŋgar lele dzekwiŋ, dite na ki tike aɗəm a ŋgat, ki tiker a ahər aka gər a. Ka tə ndàb a bakal gà mìsle ŋgiɗ tsa. Ama say kasla iɗəm ba yak a lele.

1 TIMUTE 6:5

Ama bazlam ana ti tsik a ika magər tar biy maàga ya ka, à ndìv a tsa, vìrìɗìɗɗe kəla pat. Aɗaba metsehe tar ana ti dzele a ya ka, kəzlah aka ndaha ika vatwa ya, dite ka, tə sər dukw ana ndzer a tsa asa. Aɗaba gà taŋa ti dzele a i tar ka, na tàa zazam vatwa Mbulum ka, limana tar a ge a riŋ ka, hinne.

2 TIMUTE 3:5

Gà medzibe gà mburma ata ta gweɗe a, waytsà mər ka, gà mburma Mbulum. Tsaatsa tàa gəs Mbulum ana a sle aà mivile a ter a ndzəɗa, dite à mbìɗ a à madzala gà gər tar a ka, ta gəs tsa. Medzìbe gà mburma ata ka, tsàkàlàk ndza aà tar a diriŋ.

2 TIMUTE 4:2

Ama kər ka, i gik a kamkam: Tsikewa bazlam Mbulum a mburma hiywe, ku mege bəla a tsahən aà tar tsa tekeɗe ya. Na bəla ta ge a dukw ana ŋgwal ŋa tsiye ka, ɗif a tar à metsehe lele, dza aà tar magəɗa, aɗaba gà bakal tar, dite kà ma a taraha à arəv aɗaba mazazama vatwa Mbulum. Dzeŋge a tar dukw ana a de a ndaka vatwa Mbulum a kəla pat, ka ti ya ba tsa.

TITUS 2:15

Dzeŋge gà bazlam aaha i wetse dze ya, a mburma. Kà mà a taraha à arəv. Be à ɗaf a gà na tì dzer a zləm tsiye, ka pala a tar ahəm. fafəlawa a tar nda ndzəɗa ana Mbulum a vəlak a. Ka ta vəl vatwa a wura ilik aà metsìkè aà kər dukw ana ŋgwala tsiye tsa.

Sunwa Yuhana 18:4

I dəba ŋa ya, i tsarakara mifefile ŋgiɗ, a ɗera i gər ŋa i mbulum a. I huɗ mifefile ata ka, a gwa: «Kurum gà mburma gà ka, dumara i liwiŋ tar a, tsəka, na bəla ka dzum ahər aà bakal tar ka, ki ta ŋgetwim a mesewere are kamala tar a mbaŋa.