EFESIYA 5:1 - Bible Zulgo

¹ Kurum ka, gà ɓəza ana Mbulum a waya ya. Aɗaba taŋa, kurum tekeɗe, zlum ba kamala ŋgat a.

EFESIYA 5:1 ပူးပေါင်းရင်းမြစ်များ

Mata 5:45

dite ka, nwim gà ɓəza Mbulum Tsir kurum ana i gər ŋa ya. Aɗaba Mbulum ka, a waya mburma hinne. Pat ŋgar a də̀vawa ka, aka gər gà mburma ana ta ge a dukw ana ŋgwala tsiye mbaŋa, dite aka gər gà mburma ana gà ŋgwal ŋa ya tserdze. A dzawa yam tekeɗe, kamala taŋa ya mbaŋa, tsəka, a wele a ikaba mburma ya tsa.

Mata 5:48

Ama nwim ka, gà ɓəzla mege dukw ana ŋgwal ŋa lele ya, kamala Mbulum Tsir kurum ana i gər ŋa, a wele a ikaba mburma ya tsiye.»

Yuhana 1:12

Ama gà asiŋ ŋa kə̀la ka, ta waya ŋgat, tàa gəs ŋgat nda gəzləŋ tar lele. Tar ka, aka vəl a tar vatwa aà mene gà ɓəza Mbulum.

EFESIYA 4:32

Ki sirwim a ba a ahəm ka, lìfèɗìɗe lele, gà mburma na ti ndze a kurum a are tsehe ya ivaɗ. Pə̀lum aba à bakal ilik ilik tserdze, kamala Mbulum ana a pəl a kurum dər aɗaba kurum ana gà mburma Yesuw Kiristi ya.

FILIPIYA 2:15

na dite ka, ki ndzwim a tsəɗaŋŋa, bakal a ge a i təv kurum tsidze ya. Ki nwim a gà ɓəza Mbulum ana ta ge a bakal asa tsiye ya. Kurum riŋ mandza ŋa ka, i liwiŋ gà ɓəzla məbànà mburma nda gà na ta ge a dukw ana ŋgwal ŋa tsa ika gər ahəɗ aaha ya. Kurum ika magər tar ka, kamala gà màwùsàwùs ana dzaydzay tì div a aà gəza mbulum ndaàvəɗ a.

KULUSIYA 3:12

Mə məts a kurum gər tsa: Mbulum a pala kurum, na dite kà nwim gà biy ŋgar a. Ŋgat na a waya kurum a ya. Aɗaba taŋa, say mede kurum ma ge ka, ŋgwal ŋa, kamala i gà mburma ŋgar ana a ne à tar gà awiya ŋa ya. Gà asiŋ gà mìsle ŋgiɗ ti ndze a kurum are tsehe, kə̀ gəsum ba lele, Hənum ba à gər a bəɗ, ki gwim ŋgwal a gà mìsle ŋgiɗ, dite kə̀ gəsum gəzləŋ mbaŋa.

1 Yuhana 4:11

A kurum gà masla gà, na Mbulum a waya kwa kamala taŋa ya ka, kwa tekeɗe ka, say wayakwa ba ika magər kwa kataya mbaŋa.