EFESIYA 4:4 - Bible Zulgo

⁴ Aɗaba gà mburma ti ne ka, ba Yesuw Kiristi ilik pəra. Mezite Mesife Mbulum tekeɗe, ilik, nda dukw ana Mbulum a zal a kurum dər, a vile a kurum a ya ka, ilik mbaŋa, tsəka, sula tsa.

EFESIYA 4:4 ပူးပေါင်းရင်းမြစ်များ

Mata 28:19

Aɗaba taŋa, dum à bazlam gà a təv gà mburma ana ika gər ahəɗ a tserdze, ka nwim à tar gà ɓəzla mazazama iye. Tsilwiɓwim à tar a yam nda zləm Tsir gà Mbulum, dite nda zləm gà, Kəla ŋgar ŋa, dite nda zləm Mezite Mesife Mbulum asa mbaŋa.

Gà Ɓəzla Meslire 15:11

Ama kwa tserdze kà sərakwa, kà mbəlakwa ana, nda ŋgwal Yesuw Kiristi tsiye. Yaw, tar tekeɗe ka, ta mbil a kataya mbaŋa.»

RUMA 11:29

Aɗaba ana aka zal a mburma, aka vəlar duwa ka, aka ndəv pəra, tsəka, wetsèkèlek à mbìɗ a à madzala gà gər ŋgiɗ tsa.

1 Kurintiya 10:17

Taŋa tapa ɗaf ata ka, ilik pəra. Kwa tserdze ka, hinne. Ama ki zimekwe a ka, taŋa ilik pəra. Aɗaba taŋa, ku mege kwa hinne tekeɗe ka, kwa tserdze kàa nekwa ba ilik.

1 Kurintiya 12:20

Ama ar ka, kamala taŋa ya tsa. Gà dzerisl ba a riŋ iɗəm pampam hinne. Ama ba ka, ilik pəra.

2 Kurintiya 11:4

I ge magəɗa agəra kurum ka, aɗaba ana bəla mala metsìkè kurum bazlam Mbulum nda pàrsa a dehe a a təv kurum, a dzeŋge a kurum a ka, ki vilwimer a vatwa, ki dzwìm a zləm a duwa ana a dzeŋge a kurum a ya lele. Ama tsaatsa, bazlam gà mburma ata ti tsik a aka gər Yesuw a ka, pam nda biy mər, tsəka, ilik tsa. Dite Mezite Mesife ana ti tsikewa ahər, ta gwa, ki ta ŋgetwim a ya tekeɗe, ar ka, pam nda biy na kà lah meŋgetwim akahər ata piŋŋe ya mbaŋa. Aɗaba tar ti tsik a kurum a ka, bazlam ŋgiɗ pam, tsəka, bazlam ŋgwal ŋa ana mì lah metsìkè a kurum akahər ata ya tsa. Ama kurum ka, ka dzum zləm a dukw ana ti tsik a ya ana, meme?

EFESIYA 1:18

I hemer a asa ka, dite mà hə̀ndə̀k a kurum are lele, kə ŋgatum a dukw ana a zal a kurum dər a mbaŋa. I hemer a asa mbaŋa ka, dite ka sərum dər, meme na dukw ata a ta vile a kurum a ka, ŋgwal ŋa hinne, a za gà dukw tserdze ya. A ta vile a dukw ata ka, a kurum nda gà mìsle ŋgiɗ ana gà mburma ŋgar a.

EFESIYA 2:16

Aka mbete à mene are ana ika magər tar a, nda məməta ŋgar ana aà dizl magə̀làwà ŋa ya. A gaw akaba gà gwala ata sula ya, a ne à tar ba ilik. Dite a sər ba aà tar nda gà Mbulum.

EFESIYA 2:18

Aɗaba kwa tserdze, ku mege gà Yahuda, ku mege gà Yahuda tsa tekeɗe ya ka, kə ŋgatakwa vatwa aà mesirikaha a təv Mbulum Tsir kwa ka, nda təv Yesuw Kiristi. Ama ki slekwe a aà mesirike a təv ŋgar ka, ndaka vatwa ilik ŋa nda ndzəɗa Mezite Mesife Mbulum.

EFESIYA 2:22

Kurum nda gà mìsle ŋgiɗ tekeɗe, kà nwim ga ata Mezite Mesife Mbulum a ndze a iɗəm a, aɗaba ana kurum mandza ŋa i təv ilik ŋa nda gà Yesuw Kiristi ya.

EFESIYA 4:1

Kərga taŋa ya, iye ka, iye i daŋgay, aɗaba ana iye mala meslire Yesuw Kiristi BATSAH kwa ŋa ya. Iye ihər i ge kurum a kamkam: Ama mede kurum ma ge ka, kamala biy ana Mbulum a waya, a zal a kurum dər a.

EFESIYA 5:30

Aɗaba kwa gà mburma ŋgar ata ka, ka nekwa ba ŋgar.

KULUSIYA 1:5

Kurum ihər ki gwim a kamala taŋa ya ka, aɗaba ana kà tikwim madzala gà gər kurum aka ŋgwal dukw ana Mbulum a tike a kurum aba ya, i təv ŋgar i gər ŋa, kà sərum ka, ki ta ŋgetwim a ya. Ti ɗif a kurum à dukw ata Mbulum a gwa, i tike a aba ya aɗaba kurum a ka, i təv ana kà tsarakum bazlam ŋgwal ŋana ndzer a.

KULUSIYA 3:15

Matasla yam ana Yesuw Kiristi a vəl a kurum a ka, mà rah a gəzləŋ kurum lele. Aɗaba Mbulum a zal a kurum ka, na dite kà nwim ba ilik, ki ŋgetwim a mandza zayzay ata ya. Gwim kəkaaha a Mbulum kəla pat.

2 TESALUNIKE 2:16

Aɗaba Mbulum Tsir kwa a waya kwa. A ge a kwa ŋgwal ŋa. A vəl a kwa madzala gà gər aka ŋgwal dukw ana ka sərakwa, ki ta ŋgetekewe a aka miɗ mba ndzer a. Kamala taŋa ya, a riŋ à me a kwe a dərraha à arəv hiywe. Mìi hemer a ka, a tar nda Yesuw Kiristi BATSAH kwa ŋa,

1 TIMUTE 1:1

Na a wetse wakita aaha ka, iye Pul, mala meslire Yesuw Kiristi. Gà Mbulum, mala məmbə̀là à kwa, nda Yesuw Kiristi ata, wele ana kà sərakwa nda madzala gà gər kwa ka, a ta ge a dukw ana aka mbər metsìkè a kwa ya, na tə slərra iye ya ya.

TITUS 1:2

I tsikewa kamala taŋa ya ka, na dite mburma ti sir a dər ka, ta ŋget a mesife ana à ndìv a tsa aà biybiy a. Aɗaba akahər ana Mbulum aka ge gər ahəɗ zukw tsiye ka, aka mbər metsike a kwa aba i sida ya, a gwa: «I ta vile a kurum a mesife ata.» Ŋgat ka, à ses a pàrsa tsidze.

TITUS 2:13

Ndzakwa ka, nda mandza zləm, vavakwa pat ŋgwal ŋa ata Yesuw Kiristi, mala məmbə̀là à kwa à mère a ya. A mère a ka, nda mezlibe ŋgar ana tì zlibe a à ŋgat a. Ŋgat ka, Mbulum kwa batsah ŋa ana a za gà dukw tserdze ya.

TITUS 3:7

A ge dər kamala taŋa ya ka, na dite kə̀ ŋgatakwa mesife ana à ndìv a tsa, kà sərakwa dər ka, a ta vile a kwe a ndzer a. A ta ge a kataya ka, aɗaba ana Mbulum a ge a kwa ŋgwal ŋa nda ahər Kiristi ya, dite araha na kinehe kà nekwa tsəɗaŋŋa ika miɗ ŋgar a.

1 PIYER 1:21

Kə̀ gəsum Mbulum nda gəzləŋ kurum ka, aɗaba ŋgat, ŋgat ana Mbulum a mbəl dərra i məməta ya, dite a vəlar mezlibe ana gà mburma tì zlibe a à ŋgat hinne ya. Aɗaba taŋa ki slwim a aà məvəla gəzləŋ kurum a Mbulum ilik, na dite ki sirwim a dər ka, a ta mbil a kurum mbaŋa ya.

1 Yuhana 3:3

Ku weke na aka tike madzala gà gər ŋgar a təv Yesuw Kiristi ana a ge a duwa kamala taŋa ya ka, a kesle a ba ŋgar i təv gà bakal a tserdze, kamala Kiristi ana aka ge bakal tsiye mbaŋa.