EFESIYA 4:32 - Bible Zulgo

³² Ki sirwim a ba a ahəm ka, lìfèɗìɗe lele, gà mburma na ti ndze a kurum a are tsehe ya ivaɗ. Pə̀lum aba à bakal ilik ilik tserdze, kamala Mbulum ana a pəl a kurum dər aɗaba kurum ana gà mburma Yesuw Kiristi ya.

EFESIYA 4:32 ပူးပေါင်းရင်းမြစ်များ

Mata 6:12

Pəl a mər à bakal mər, kamala ana mì pə̀lawa dər a gà na ta gewa a mər bakal a mbaŋa.

Markus 11:25

Ama kəla ka, i təv ana ki hemwim a a Mbulum a, bəla wura aka ge bakal i təv kurum a ka, pə̀lumar dər dzekwiŋ, dite Tsir kurum ana i gər ŋa ya, à pìl a kurum a à bakal kurum mbaŋa.

Luka 1:78

Aɗaba Mbulum Tsir kwa ka, mawàyà mburma ŋgar nda lìfèɗìɗe bazlam i təv ŋgar ka, hinne. A ti dze a kwa aà dzaydzay ŋgar kalkal kamala biy pat ana à mbizere a ya.

Luka 11:4

Pəl a mər à bakal mər, aɗaba mər tekeɗe ka, mìi pìl a dər a gà mburma ana tserdze, ta ge a mər a dukw ana ŋgwal ŋa tsiye. Kasla mər lele i təv gà na ta bene a mər zləmana ya, dite ka, mì dəɗ a bakal tsa.»

Luka 17:4

Na bəla aka gek bakal sik təsəla i huɗ mehinne ilik a tekeɗe ibam ka, dite i dəba ŋa ya a dere a təv yak a hiywe, a wiz aà kər a məpala à bakal a ka, ki pìlewer a dər pəra.»

Luka 6:35

Ama ka, kataya ivaɗ tsa. Wayum gà ɓəzla mene are kurum. Gwim a tar ŋgwal ŋa, vəlum ahər, ka tə dzalum ka, ti ta me a mər a dər aɗəm a pèt ŋgiɗ tsəna, meme tsa. Dite i dəba ŋa ya, ki ta ŋgetwim a dukw maya ba kurum batsah ŋa, ki ti nwim a gà ɓəza Mbulum ana i gər ŋa ya. Aɗaba ŋgat tekeɗe, a gewa ŋgwal ŋa a gà ɓəzla segeme, nda gà ɓəzla swalwa mbaŋa.

Luka 6:37

«Ka ta mùm à bakal a gà mìsle ŋgiɗ tsa, dite Mbulum tekeɗe, à me a kurum a à bakal tsa mbeete. Ka ta ŋgewim gər a gà mìsle ŋgiɗ tsa, dite Mbulum tekeɗe, a ŋgewe a kurum a gər tsa mbeete asa. Pə̀lum à bakal a gà mìsle ŋgiɗ, dite Mbulum tekeɗe, à pìl a kurum a dər mbaŋa.

Gà Ɓəzla Meslire 28:2

Gà mburma ana a riŋ i fataya, ta gwaɗa a mər: «Tàkwa a ma mər.» Mì da akaba. Mì daha ka, ta ge a mər gər hinne. I dəba ŋa ya, yam a dza. Mə̀tasl a ge a mər a hinne. Tə daha, ta vàt a mər akwa.

RUMA 12:10

Wayum ba ika magər kurum, aɗaba ana kurum ka, nda gà damər ika vatwa Mbulum a. Ku weke mə̀ fə̀r aà damər ŋgar ka, hə̀zkə̀kə̀mma batsah ŋa kamala ana a za ŋgat ŋa ya.

1 Kurintiya 13:4

Aɗaba taŋa, wur ana a waya mburma ya ka, ədəts à gis a gəzləŋ, a ge a dukw ana ŋgwal ŋa ya, a mìsle ŋgiɗ. A ge a are aka dukw mburma tsa, a ge a zlapa tsa. Ŋgakŋgakəkka à sìŋgìr a à ba ŋgar ɓav tsa asa mbaŋa.

2 Kurintiya 2:10

Na kàa pə̀lum à bakal a wele ata ka, iye tekeɗe, i piler a dər mbaŋa. Na bəla aka giŋ duwa biy na i piler a dər a ka, taŋa ka, Yàa pə̀lar dər nda ndzer dukw ŋgar. I pə̀lar dər ka, aɗaba kurum, ika miɗ *Kiristi.

2 Kurintiya 2:7

Ama kinehe ka, say pə̀lumar à bakal ŋgar, kà mùmaraha à arəv. Aɗaba na kàa gwimer kataya tsəka, à mìt a à arəv ndeyndey, a miyek a à madzala gà gər ika vatwa Mbulum a fit kweleŋ.

2 Kurintiya 6:6

I huɗ mendze mər ana mìi ndze a ya, a sər ba ka, mər gà ɓəzla megemir Mbulum. Mər mì pat ka, à tsəɗaŋŋa. Mìi ge a ka, dukw ana ndzer a. Mì bàsawa gəzləŋ, mì gewa gər a mburma lele. Mezite Mesife Mbulum a vəlawa a mər ndzəɗa aà megemir. Mì wayawa gà asiŋ gà mburma ŋgiɗ tserdze nda gəzləŋ ilik.

EFESIYA 5:1

Kurum ka, gà ɓəza ana Mbulum a waya ya. Aɗaba taŋa, kurum tekeɗe, zlum ba kamala ŋgat a.

YAKUBA 5:11

Kwa ihər ki gweɗekwe aà ter a ka, tar gà ɓəzla maŋgayaba, Mbulum aka pise a tar ahəm, aɗaba ana ta mər aba ya. Kàa tsarakum magəsa gəzləŋ Ayuba mbaŋa, meme na a mà aba à arəv i təv mesewere are ana a sèwèr a. Ama kà sərum dukw ana Mbulum a vəlar i dəba mesewere are ŋgar ata a sèwèr a mbaŋa asa. Aɗaba mburma a ndze a are tsehe a Mbulum ka, hinne. A ge a ter a ŋgwal ŋa kaɗəŋ.

2 Piyer 1:7

Na kàa hənum à gər a bəɗ ka, wayum ba lele, aɗaba kurum ka, nda gà damər na ika vatwa Mbulum a. I təv mawàyà ba kurum ata ya mbaŋa ka, wayum gà asiŋ gà mburma ilik ilik tserdze mbaŋa.

1 Yuhana 1:9

Ama na kàa ɗifekwa à bakal kwa ana ki gekwa ya aka miɗ Mbulum ivaɗ ka, à pìl a kwe a à dukw ana ki gekwa ŋgwal ŋa tsiye. A bere a gəzləŋ kwa, nda mazlàra kwa i bakal kwa ata ya tserdze. Aɗaba ŋgat ka, mala ndzer ŋa, a ge a ka, dukw ana a gwa, i ge a ya kaɗəŋ.

1 Yuhana 2:12

A kurum gà ɓəza gà, i wetse a kurumaha gà dukw aaha ka, aɗaba Mbulum aka mbər məpəla a kurum à bakal kurum. A pəl a kurum dər ka, agəra dukw ana Yesuw Kiristi a ge ya.