EFESIYA 4:12 - Bible Zulgo

¹² A dzaya iba gà mburma ata ya ka, dite tə̀ zlak gà asiŋ gà mburma ana tàa gəs ŋgat a, aà megemir ŋgar lele, dite ka, gà mburma ŋgar ata ti ne kamala ba ŋgar a, ta ŋgat ndzəɗa hinne asa.

EFESIYA 4:12 ပူးပေါင်းရင်းမြစ်များ

Luka 22:32

Ama kə̀la ka, Yàa hama a Mbulum agəra kər, dite ka, ka miyak à megìse ana kə̀ gəs ŋgat a kweleŋ tsa. Dite i təv ana, aləka, kàa màra a təv ga ya ka, ki ta vile a ndzəɗa a ba a gà damər yak mba.»

Gà Ɓəzla Meslire 1:17

Yudas piŋŋe ka, ika magər kwa. Tə zla ŋgat kamala kwa ya. Mege megemir kwa ka, ilik.

Gà Ɓəzla Meslire 1:25

dite ma ndza a təv mendze Yudas, aà megemir mala meslire yak a. A zle a megemir Yudas ana a miyak dər aba ya, a daba a təv mendze ŋgar ana a waya ya.»

Gà Ɓəzla Meslire 11:23

Aləka a ndzeha a fata, a ŋgat a Mbulum a pise ahəm a gà mburma ata ya ka, a ŋgaya ba hinne, a mà taraha à arəv tserdze, aà megìse tar ana ta gəs BATSAH kwa ŋa ya, ma da aka miɗ aka miɗ nda gəzləŋ ilik, ta miyak dər tsa.

Gà Ɓəzla Meslire 20:24

Ama iye ka, Yàa dzala mesife gà tə tsa. Dukw ilik a sèsiŋ ka, say i ndìv a à meslire ana Yesuw BATSAH kwa ŋa a viliŋ a, tsam ka, tsway, tsəka, duwa a riŋ tsa. Mege megemir ŋa ka, kamala megweɗe ya: Metsìkè bazlam Mbulum ŋgwal ŋa ana mburma a ndzer a dər are tsehe ya.

Gà Ɓəzla Meslire 20:28

Ka slum ba kurum, dite ka slum gà mburma ana Mezite Mesife Mbulum a dza a kurum tar a ahər a mbaŋa. Aɗaba Mbulum na a mbùrùɗara tar i bakal a nda məmbəz Kəla ŋgar a. Kə̀ kə̀vum tar, kamala gà ɓəza ana ta kiv a gà təmaŋ a.

Gà Ɓəzla Meslire 9:31

Akahər ata ka, gà mburma Mbulum ana i Yuda ya, nda gà na i Galile ya, dite nda gà na i Samariya ya tserdze, tə ndzawa lele kamala megweɗe ya, mesewere are a riŋ tsa. Mbulum a vəlawa a tar ndzəɗa a gəzləŋ lele, aà mazazama ŋgat aka miɗ aka miɗ, dite i dəba ŋa ya, tə sə̀kàhawa agəra Mezite Mesife Mbulum ana a zlàkawa tar a.

RUMA 12:5

Kamala taŋa ya, kwa tekeɗe ka, kataya mbaŋa asa. Kwa tserdze ka, pampam hinne. Ama kà nekwa ka, ba ilik na i ahər Yesuw Kiristi ya, madzə̀và ŋa aaba kamala təv medzìve ba kwa mburma ya.

RUMA 12:7

Na bəla aka vəlak ndzəɗa aà mazlàkà gà mburma ŋgar ata ka, zlak dər tar. Na bəla aka vəlak ndzəɗa aà metsìkè a tar guma ŋgar bìleme ka, tsik a tar mbaŋa.

RUMA 14:19

Aɗaba taŋa, mərakwa aaba aà mege dukw ana ki ndzekwe a dər zayya ika magər kwa, à zlèk a gà asiŋ ŋa aà məvə̀làba ndzəɗa ika vatwa Mbulum a sah lele.

RUMA 15:14

Gà damər gà, iye nda gər gà ka, i sər ndzer, kurum riŋ ki gwim a dukw ana ŋgwal ŋa ya, ku mege Yàa tsik a kurum tsa tekeɗe ya. Kà sərum dukw ana Mbulum a waya ya lele. Ki slwim aà meɗebe a à metsehe ika magər kurum mbaŋa.

RUMA 15:2

Ku weke i liwiŋ kwa ma ge ka, dukw ana a ge a ŋgulum a gà asiŋ kwa ya ivaɗ. Ki zlèkikwe a dər tar, na dite ta ŋget a ndzəɗa i təv megìse ana ta gəs Mbulum a ya.

RUMA 15:29

Na Yàa daha a təv kurum ka, i sər, Yesuw Kiristi a pise a kwe a ahəm hinne, agəra ana kwa mandza ŋa i təv ilik ŋa ya.

1 Kurintiya 12:27

Taŋa kurum tserdze ka, kà nwim kamala ba Yesuw Kiristi ya mbaŋa. Ku mege weke ika magər kurum ka, aka ne dzerisl ba ŋgar.

1 Kurintiya 12:7

Ama Mezite Mesife Mbulum a riŋ a ge a megemir ka, i gà gəzləŋ kurum ilik ilik tserdze, na dite, kurum tekeɗe, ki zlìkwim a dər gà asiŋ gà mìsle ŋgiɗ nda ndzəɗa ana a dzaya a kurum a ya.

1 Kurintiya 14:12

Ama araha, ika magər kurum tekeɗe, ki gewim dər kamala taŋa ya mbaŋa. Lele, na kurum riŋ ihər ki yehwim a ka, gà ndzəɗa ana Mezite Mesife Mbulum à dzèye a a mburma ya, nda gəzləŋ ilik, na dite ki ŋgetwim a ya. Taŋa ka, a tsahən aà kurum hinne seyiŋ. Ama kəla ka, yahum ndeyndey ŋana ka, medzibe ndzəɗa ana ki zlèkwim a dər gà asiŋ gà mìsle ŋgiɗ a, na dite ka, ta ŋget a ndzəɗa nda təv megìse tar ana ta gəs Mbulum nda gəzləŋ ɓəŋɓəŋ lele ya ya.

1 Kurintiya 14:14

Na bəla iye ihər i heme a a Mbulum ndaka ahəm ata iye Yàa sər tsiye ka, taŋa iye riŋ i hemer a nda ndzəɗa Mezite Mesife Mbulum kaɗəŋ, madzala gà gər gà kə̀la ka, a riŋ iɗəm tsa.

1 Kurintiya 14:26

Aɗaba taŋa, gà damər gà, na kataya dze ana, ki gekwe a ana, meme? Ama i təv ana ki yehwimebe a gər a ka, mìsle ŋgiɗ à lèh a i ŋgar dimis, mìsle ŋgiɗ a dzeŋge a bazlam Mbulum a mburma, dite mìsle ŋgiɗ ibam, a me a à dukw ana Mbulum a tsiker a, a mburma. Biy ŋgiɗ ka, à fèfil a i ŋgar ndaka ahəm ana ŋgat aka sər tsiye, dite naha ka, à me a dərra iɗəm a parakkà. Ama dukw ana ki gwim a tserdze ya kəla ka, say biy ana gà mburma Mbulum ta ŋget a ndzəɗa ɓəŋɓəŋ, ti de a dər aka miɗ aka miɗ lele ya.

2 Kurintiya 12:19

Bəla akahər ana mì wetse a kurumaha a huɗ wakita aaha ya, na kà dzalum, kù gwaɗum ka: «A ge a ka, gà mburma aaha ta geye ikaba tar a pəra, na ika miɗ mər a.» Ama ka, kataya tsa. Aɗaba mìi fèfil a ka, ika miɗ Mbulum kamala ana a sàs a *Kiristi ya. A kurum gà masla mər ana mì waya kurum hinne ya: Mì tsikeye a kurum gà dukw ata tserdze ya ka, aà mà zlak kurum. A sàs a mər ka, ki dwim a aka miɗ aka miɗ, ki ŋgetwim a ndzəɗa ika vatwa Mbulum a.

2 Kurintiya 13:11

Gà damər gà, kinehe ka, bazlam gà aka ndəv a faha. Ndzum zayzay lele. Gəsum ahəm aà dukw ana i tsik a kurum a lele, dite ka simwim aba ika vatwa Mbulum. Bazlam kurum ma ge ka, ilik pəra. Ndzum ika magər kurum ka, zayzay lele. Na ki ndzwim a kataya ka, Mbulum ana ŋgat mala mawàyà kwa ya, nda məvəla a kwa matasla yam a gəzləŋ a ka, a ndze a i təv kurum mbaŋa.

2 Kurintiya 13:9

Na bəla kurum ka, gà ndzəɗa ŋa ika vatwa Mbulum, ama mər ka, gà mbile ŋa na i təv are kurum a tekeɗe ka, mìi ŋgeye a ba ivaɗ. Aɗaba taŋa, mìi heme a a Mbulum, dite mà zlak kurum, aà ka simwim ika vatwa ŋgar a.

2 Kurintiya 3:8

taŋa ka, megemir Mezite Mesife Mbulum ana a vile a mesife a mburma ya, a ge a megemir, à zè a taŋa kweleŋ fètìte.

2 Kurintiya 4:1

Mbulum a ge a mər ŋgwal ŋa hinne. A vəl a mər mege megemir aaha a ahər, na dite mìi tsik a bazlam ŋgwal ŋana a mburma ya. Aɗaba taŋa na mìi zle a ihər madzala gà gər mər a tsidze ya.

2 Kurintiya 5:18

Mbulum na a geye gà dukw ata tserdze ya. A slərra Kiristi ya, dite na a sər ba à kwa nda gà ŋgat a. Kinehe ka, a vəl a mər megemir metsìkè bazlam ata a mburma. A sasar ka, kà sərakwa ba nda gà ŋgat.

2 Kurintiya 6:3

A sàs a mər na mìi ge a dukw ana a vile a mendìfè sik a mburma ya te tsidze. Aɗaba mì waya na ta wele a aà mege megemir mər a ya tsa.

2 Kurintiya 7:1

A kurum gà masla gà ana i waya kurum hinne ya. Mbulum aka tsik a kwa i sida ya, a gwa, a ta vile a kwe a gà dukw ata tserdze ya. Aɗaba taŋa, say barakwa dukw ana ŋgwala tsiye, aà ba kwa ya, dite ma ne tsəɗaŋŋa na i təv are Mbulum a. Kà barakwara dukw ana ŋgwala tsa i gəzləŋ kwa ya asa mbaŋa. Mede kwa ana ki tèkwe a ika vatwa Mbulum a, ma ge ka, kamala ana ŋgat a waya ya. Ka hənakwar à gər a bəɗ tiɓìzl lele.

EFESIYA 1:23

Gà mburma ŋgar ata ka, ti ne kamala ba Yesuw a. Ŋgwal dukw ŋgar ana tserdze ya ka, a riŋ i təv gà mburma ŋgar kamala ŋgwal dukw Mbulum ana fit dze ya ka, a riŋ i ahər ŋgar mbaŋa.

EFESIYA 4:16

Ŋgat na a gaw akaba gà mburma ŋgar fit a təv ilik ŋa, ti ne ba ilik, kamala dzerisl ba ana a gaw akaba slu ba mburma ya. Na dukw ana aà ba mburma tserdze a ge a megemir lele ka, asiŋ ba tekeɗe, a de a lele. Kərga taŋa ya, na gà mburma Yesuw Kiristi ya mbaŋa. Na gà mburma ata tàa waya ba ilik ilik tserdze ka, taŋa tì sìkèhiŋa, dite ti de a aka miɗ aka miɗ.

EFESIYA 4:29

Mifefile ana ŋgwal ŋa tsiye ka, ma tə dara i bazlam kurum a tsa. Say ki tsikwim a ka, bazlam ana à zlèk a gà mìsle ŋgiɗ, aà masəkaha à megìse tar ika vatwa Mbulum a ivaɗ, dite na a vile a vatwa aà dukw ana a ge a ŋgulum a gà na tar riŋ tì dzer a zləm a.

EFESIYA 4:4

Aɗaba gà mburma ti ne ka, ba Yesuw Kiristi ilik pəra. Mezite Mesife Mbulum tekeɗe, ilik, nda dukw ana Mbulum a zal a kurum dər, a vile a kurum a ya ka, ilik mbaŋa, tsəka, sula tsa.

KULUSIYA 1:24

Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.

KULUSIYA 1:28

Yesuw Kiristi ata na mər ihər mìi tsik a bazlam ŋgar a mburma tserdze ya. Mìi tsik a ter a aba ya, mìi ɗif a ter a à duwa ka, nda metsehe ana Mbulum a vəl a mər a mbaŋa. Aɗaba a sàs a mər ka, gà mburma ti ne kamala ana Mbulum a waya ya, agəra ana tar mandza ŋa i təv ilik ŋa nda gà Yesuw Kiristi ya.

KULUSIYA 4:17

Gweɗwimiŋ a Arkipus ka, mə̀ mər aba, mà ndəv à megemir ana Yesuw Kiristi a vəlar a ahər a.

1 TIMUTE 1:12

Iye ihər i ge a kəkaaha a Yesuw Kiristi BATSAH kwa ŋa, agəra ana a zla iye kamala mala ndzer a. I ger a kəkaaha asa ka, aɗaba aka ne à iye mala meslire ŋgar asa mbaŋa. Aka viliŋ ndzəɗa aà megemir ŋgar ata asa.

2 TIMUTE 4:11

Say Luka pəra na mandza ŋa ɗa i təv ga ya. Na ki dere a ka, ŋgulum ki dwimera nda Markus a məma. Aɗaba ŋgat ka, a sle a aà mazlàkà iye lele mbaŋa.

2 TIMUTE 4:5

Ama kər ka, ge metsehe à dukw ana ndzer a tèrihhwè lele, ka zazam aka miɗ aka miɗ. Bàs gəzləŋ i təv gà mesewere are ana tì sèwèrek a ya. Tsik bazlam ŋgwal ŋana a mburma, ma ɗe zləm ŋgarra lele, mà səkah aka miɗ aka miɗ. Ge megemir ana zləma Mbulum aka vəlak a ahər a.

IBƏRANIKWA 13:17

Gəsum ahəm aà gà na tə lah a kurum aka miɗ i təv magəsa Mbulum a. Dzum zləm a dukw ana ti tsik a kurum a ya. Aɗaba tar ka, gà ɓəzla makàslà kurum. Aləka dzìrìk ta hitse a aka miɗ Mbulum, ti tsiker a megemir tar ana ta geye ika gər ahəɗ a ya. Na kàa gəsum aà tar ahəm ka, ta ge a megemir Mbulum nda maŋgayaba ŋa. Ama na kàa gəsum aà tar ahəm tsəka, ta ge a megemir tar ka, turtur nda arəv ŋa, dite taŋa tekeɗe ka, a ge a kurum a ŋgulum ɓav tsa asa mbaŋa.

IBƏRANIKWA 6:1

Aɗaba taŋa, tàkwa aka miɗ nda təv bazlam ana aka gər Yesuw Kiristi ya, dite ka, ka nekwa gà mburma ana tàa sime i huɗ bazlam ŋgar ata ya. Tsəka, dìndìleɓ dìndìleɓ ka ta mətsakwa aà bazlam ana kà lah megìsekwa aka gər Yesuw Kiristi ya tsa. Aɗaba kàa mbər medzèkweha aka ndəv, ki tèkwe a ka, aka miɗ aka miɗ nda mazlazla ŋa. Ki slekwe aà meɗekwaba a à dukw ana kàa mbər metserekekwe ya hiywe asa tsa. Kamala kà gwaɗakwa: Mbə̀ɗakwa à madzala gà gər ana ŋgwal ŋa tsiye, nda mimìyàkà à dukw ana ŋgwal ŋa tsa, a ne aka kwe a məməta ya, nda gà magəsa Mbulum nda gəzləŋ ilik a asa tsa.