EFESIYA 4:10 - Bible Zulgo

¹⁰ Wele ata na a tarra a bəɗ aka ahəɗ a, dite na a tsəl a gər ŋa diriŋ a, aà makwàrà gà dukw tserdze, ku mege i ŋga ya.

EFESIYA 4:10 ပူးပေါင်းရင်းမြစ်များ

Mata 24:34

Iye ihər i gweɗe a kurum a kinehe, nda ndzer, pàrsa iɗəm tsa: Gà mburma ana kinehe ya ka, ta mete a zukw tsa, say gà dukw ata tàa ndzera dzekwiŋ, dite ta metiŋa.

Luka 24:44

I dəba ŋa ya, a gwaɗa a tar asa: «Samatum kwaŋ. Aka ana iye riŋ i təv kurum mba ya ana, i tsikewa a kurum tsiye, na dukw ana ta wetse agəra iye ya? I tsikewa a kurum ka, bazlam ana i wakita məpala ahəm Musa ya, nda biy ana i wakita gà ɓəzla məma à guma Mbulum a, dite ndəna i wakita gà dimis tserdze ya, say a ta ge a ba mba ya ka, kaɗəŋ.»

Yuhana 1:16

Kwa tserdze kàa ŋgatakwa Əbay ŋgar, dite a pisewa a kwa dər ahəm ka, sik diŋdiŋ màdzànàpa ŋa.

Yuhana 19:24

ta gwaɗaba: «Naha ka, ka tayakwa ikaba ya tsa, ama ŋgulum ki gekwe aaka a tsetse ika magər kwa, ŋgada weke na a ŋget a ya?» Dukw ata a ge ba ka, kamala ana ta wetse i wakita Mbulum piŋŋe, ta gwa ka: «Tàa dzaya ba gà petek gà ika magər tar, dite tàa ge tsetse aka andiw gà.»*fa* Kamala taŋa ya na gà sliwdze ata ta ge ya.

Yuhana 19:28

I dəba ŋa ya, Yesuw a sər dukw ana Mbulum a slər aakara ŋgat a tserdze ka, aka ndəv na kinehe ya. A gwa: «Yam aka kəɗ iye.»*fb* A tsik kataya ka, kamala ana ta wetse akahər ata ya, dite ma ge ba kalkal kamala taŋa ya kaɗəŋ.

Yuhana 19:36

Gà dukw ata ta ge ba kataya ka, aɗaba bazlam ana ta wetse i wakita Mbulum akahər ata ya, ma ɗif aba, ta gwa ka: «Ti ta heɓer a à atasl ŋgar ilik tsidze» ya.*fc*

Gà Ɓəzla Meslire 1:11

ta gwaɗa a tar: «A kurum gà Galile, aàmala na ki ndzwim a i faha aà məfə̀rà aà gəza mbulum a? Yesuw ka, aka da ika magər kurum a, a gər ŋa. Ama à mère a mba ka, kataya mbaŋa asa, kamala naha a da à kurum a.»

Gà Ɓəzla Meslire 1:9

Yesuw a tsik aba gà bazlam ata ya lele ka, tə zla ŋgat ndàra a gər ŋa. I təv ana tar riŋ ta fir ahər a ya ka, hulɓukw a kaha ŋgat aà are tar a.

Gà Ɓəzla Meslire 2:33

Mbulum Tsir ŋgar a zla ŋgat, a tike ŋgat aka tsèke ahər mezime ŋgar. Aka vəlar Mezite Mesife ŋgar ana a gwaɗar, i vilek a i sida ya. I dəba ŋa ya, ŋgat tekeɗe, a zazəɗ dərra a təv kwa ya. Aɗaba dukw ana kinehe kurum riŋ ihər ki tserekwim a, dite ndəna ki ŋgetwimer a ya ka, taŋa ka, megemir Mezite Mesife Mbulum ata a ge a ya.

Gà Ɓəzla Meslire 3:18

Ama Mbulum aka tə̀kər ka, kamala ana a tsik piŋŋe nda ahər gà ɓəzla məma à guma ŋgar ana fit dze ya, a gwa:

2 Kurintiya 12:2

I sər, mala magəsa Yesuw duwa a gəs ŋgat nda gəzləŋ ilik ka, Mbulum aka zla ŋgat a təv ŋgar a gər ŋa. Aka ge kinehe ka, mive kurwa gər faɗ pəra. Bəla a da à ŋgat a fata ka, i huɗ sunwa ŋgar ata a da aaka ya, kige tsa bəla ba ŋgar ŋa na a da a fata nda ndzer a ka, i sər ɓav tsa. Say Mbulum ilik na a sər taŋa ya.

EFESIYA 3:19

Iye ihər i hemer a ka, dite ka sərum mewèyè ŋgar ana a waya kwa ya, dite mege bəla ki slekwe a à masəra ŋa fit tsa tekeɗe ya. Dite gà dukw ana i təv Mbulum tserdze ya ka, mà rah a gəzləŋ kurum mbaŋa.

KULUSIYA 1:19

Aɗaba Mbulum a waya ka, Kəla ŋgar ma zla ba ŋgar nda ndzəɗa fit kweleŋ.

KULUSIYA 2:9

Kà dzum aà tar zləm tsəka, aɗaba ana madzala gà gər Mbulum tserdze ka, i ba Yesuw Kiristi ya. Dukw ana a ne i təv Mbulum tserdze ya ka, i təv Yesuw Kiristi tekeɗe, kamala taŋa ya mbaŋa kaɗəŋ.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

IBƏRANIKWA 4:14

Aɗaba taŋa ki ndzekwe a nda gà megìse ana kə̀ gə̀sakwa ya, a gəzləŋ ɓəŋɓəŋ lele, dite ki ɗifekwe a dər a mburma ŋgarra lele mbaŋa asa. Aɗaba batsah mala mandəva kuɗa a Mbulum ata ka, Yesuw Kəla Mbulum ana a tsəl a təv ŋgar a gər ŋa ya.

IBƏRANIKWA 7:26

Kamala taŋa ya, Yesuw ka, batsah mala mandəva kuɗa a Mbulum kwa. Ŋgat ka, wele ana a sle a aà mege dukw ana a sle aà kwa ndaka miɗ ŋgar a. Aɗaba ŋgat ka, tsəɗaŋŋa, bakal i təv ŋgar tsa, dite swalwa i ba ŋgar kwizikw ɓav tsa asa mbaŋa. Mendze ŋgar ka, tsàkàlàk aà gà ɓəzla bakal a. Mbulum a tike ŋgat a təv ŋgar i gər ŋa.

IBƏRANIKWA 8:1

Wur bazlam ana mìi tsik a kurum a ya ka, araha: Ama kinehe ka, kàa ŋgatakwa medzibe batsah mala mandəva kuɗa a Mbulum ata. Ŋgat a riŋ mandza ŋa ika tsèke ahər mezime Mbulum ana a kwere a gà dukw tserdze ya.