EFESIYA 4:1 - Bible Zulgo

¹ Kərga taŋa ya, iye ka, iye i daŋgay, aɗaba ana iye mala meslire Yesuw Kiristi BATSAH kwa ŋa ya. Iye ihər i ge kurum a kamkam: Ama mede kurum ma ge ka, kamala biy ana Mbulum a waya, a zal a kurum dər a.

EFESIYA 4:1 ပူးပေါင်းရင်းမြစ်များ

Gà Ɓəzla Meslire 9:31

Akahər ata ka, gà mburma Mbulum ana i Yuda ya, nda gà na i Galile ya, dite nda gà na i Samariya ya tserdze, tə ndzawa lele kamala megweɗe ya, mesewere are a riŋ tsa. Mbulum a vəlawa a tar ndzəɗa a gəzləŋ lele, aà mazazama ŋgat aka miɗ aka miɗ, dite i dəba ŋa ya, tə sə̀kàhawa agəra Mezite Mesife Mbulum ana a zlàkawa tar a.

RUMA 11:29

Aɗaba ana aka zal a mburma, aka vəlar duwa ka, aka ndəv pəra, tsəka, wetsèkèlek à mbìɗ a à madzala gà gər ŋgiɗ tsa.

RUMA 12:1

Aɗaba taŋa, gà damər gà, i ge a kurum a kamkam: Kinehe ka, vəlum ba kurum ədəts a ahər a Mbulum, agəra ana kà ndzekwar are tsehe kataya ya. Ki vilwimer a ba ka, daga kinehe, kamala dukw ana ta kə̀ɗar taf masakəŋa ya, ku mege kinehe kurum riŋ nda are tekeɗe ya. Dukw ata ta kə̀ɗar a ka, ma ne biy ŋgar fit, dite ka, mà tsahən ahər kuɗa. Taŋa ka, vatwa ndzer ŋa ana biy mahàmà a Mbulum a.

1 Kurintiya 4:16

Aɗaba taŋa, iye ihər i ge a kurum a kamkam: Zazamum ka, mede gà ana i de a ya.

2 Kurintiya 10:1

Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.

2 Kurintiya 5:20

Aɗaba taŋa, mər ka, maa ne gà ɓəzla meslire Kiristi. Ar ka, kamala ana Mbulum nda gər ŋgar a zel a a mburma nda bazlam mər a. Mìi ge a kurum a kamkam, aɗaba Kiristi: Vəlumar vatwa, ma sər ba à kurum nda Mbulum.

2 Kurintiya 6:1

Kamala taŋa ya, mìi ge akaba a megemir ka, i təv ilik ŋa nda Mbulum. Agəra taŋa, mìi ge a kurum a kamkam: Ŋgwal Mbulum ana a ge a kurum a ka, ma ne taf masakəŋa tsa.

GALATIYA 4:12

Gà damər gà, i ge a kurum a kamkam: Gwim ka, kamala iye ana i gewa ya. Iye tekeɗe, kamala kurum a mbaŋa, kwa ka, ilik. Kàa gwimiŋ dukw ana ŋgwal ŋa tsiye ɓav tsa. Ama kinehe ana, meme?

EFESIYA 2:10

Aɗaba ŋgat na a ge kwa ya. A vəl a kwa mesife awiya ŋana nda ahər Yesuw Kiristi, dite ki gekwa dər megemir ŋgwal ŋana. Mbulum a ge aba megemir ata ya daga piŋŋe ka, dite kwa ka zazamakwa ndaka vatwa ŋa lele.

EFESIYA 3:1

Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

EFESIYA 4:17

Dukw ana i tsik a kurum a ya ka, nda zləm BATSAH kwa ŋa. Ama iye ihər ge a kurum a kamkam, aà megweɗe a kurum ka: Kà zazamum mede gà mburma ana tə sər Mbulum tsiye asa tsa.

EFESIYA 4:4

Aɗaba gà mburma ti ne ka, ba Yesuw Kiristi ilik pəra. Mezite Mesife Mbulum tekeɗe, ilik, nda dukw ana Mbulum a zal a kurum dər, a vile a kurum a ya ka, ilik mbaŋa, tsəka, sula tsa.

EFESIYA 5:2

Wayum mburma kəla pat i təv dukw ana tserdze ki gwim a ya, kamala *Kiristi ana a waya kwa, dite ka, a mət agəra kwa asa ya. A vəl mesife ŋgar biy taf kamala dukw ana ta kəɗ a Mbulum, a dar a gər a.

FILIPIYA 1:27

Ama duwa ilik ma ta məts a kurum gər tsa kəla. Mede kurum ma ge ka, ŋgwal ŋa, kamala bazlam ŋgwal ŋa ana Yesuw Kiristi a ɗif dər a. A sèsiŋ ka, ku mege Yàa ŋgat vatwa aà madaha a təv kurum, kige tsa bəla Yàa ŋgat tsa tekeɗe ka, i tserekere a mendze kurum ana ki ndzwim a ndìɓèkke, kurum masəra ba ŋa ŋgwal ŋa lele, metsehe kurum ilik a. Dite kurum riŋ ihər ki mirwim a aba aà megemir bazlam ŋgwal ŋa ata kə̀ gə̀sakwa nda gəzləŋ ilik kamala gà ɓəzla gùvəl a asa mbaŋa.

FILIPIYA 3:14

Iye ihər i vel a ɗegìrgìr aà mendze a təv ana i ndze a iɗəm a ya, dite i ta ŋget a dukw mayaba ana Mbulum a gwa, a ta vile a kwe a ya. Na a ne dukw mayaba ata ka, mesife awiya ŋa ana i ŋget a i təv ŋgar i gər ŋa aɗaba Yesuw Kiristi ya.

KULUSIYA 1:10

Kamala taŋa ya, mede kurum ana ika vatwa Mbulum a, a ge a ka, kamala ana a sàs a Yesuw Kiristi BATSAH kwa ŋa ya. Ki gwim a ka, dukw ana a tsahən ahər a tserdze. Ki gwim a ka, dukw ana ŋgwal ŋa ya, kamala dizl ɗaf ana a we a hinne gwètsik gwètsik a. Dite ka, ki sìkèhwim a à masəra Mbulum aka miɗ aka miɗ mbaŋa.

KULUSIYA 2:6

Kinehe ka, kàa gəsum Yesuw Kiristi nda gəzləŋ kurum, ŋgat na a ne Batsah kurum ŋa ya. Aɗaba taŋa, mede kurum tekeɗe ma ge ka, kamala ana kurum gà mburma ŋgar, kurum riŋ mandza ŋa i təv ŋgar a.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

1 TESALUNIKE 2:12

Mì màwa a kurumaha à arəv, mì vəlawa a kurum ndzəɗa, dite mì hamawa a kurum ka, hinne asa mbaŋa, na dite mede kurum ana ki dwim a ya, mà tsahən aà Mbulum a. Ŋgat a zal a kurum ka, na dite ki dwim a a mekwere ŋgar, ki ti ndzwim a nda gà ŋgat i təv mezlibe ŋgar ana tì zlibe a dər a ya.

2 TESALUNIKE 1:11

Aɗaba taŋa, mìi heme a a Mbulum kəla pat agəra kurum. Mìi hemer a ka, dite ma ne à kurum gà tsəɗaŋŋa, mendze kurum mə̀ pàt ka, ŋgwal ŋa, kamala ana ŋgat a waya, a zal a kurum a. Mìi hemer a asa ka, dite mə vəl a kurum ndzəɗa ŋgar aà mege gà dukw ana ŋgwal ŋa tserdze, a sàs a kurum ki gwim a ya. Dite nda gà megemir ana ki gwim a ka, agəra ana kə̀ gəsum ŋgat nda gəzləŋ kurum a ya.

2 TIMUTE 1:9

Ŋgat ka, aka mbala à kwa. A zal a kwa ka, a ne à kwa gà mburma ŋgar. A ge dər kataya ka, agəra ana ki gewakwar ŋgwal ŋa ya tsa. A ge taŋa ka, aɗaba ana a waya mege kataya ya pəra. Ŋgwal ŋgar ata a ge a kwa nda ahər Yesuw Kiristi ya ka, daga piŋŋe, akahər ana gər ahəɗ a riŋ zukw tsiye.

TITUS 2:10

Tə zla aà tar duwa ya nda akəl a tsa asa. Ama ta ge ka, dukw ana ŋgwal ŋa ya ivaɗ, na dite gà ɓəzla ga tar ata ti sir a dər ka, tar gà ɓele ndzer a. Dukw ana ta ge a tserdze ya ka, na dite gà mburma tì zlibe a à bazlam ana ki dzeŋgekwe a aka gər Mbulum, mala məmbə̀là à kwa ya.

IBƏRANIKWA 13:21

I hemer a ka, dite mà zlak kurum, aà megemir ana ŋgwal ŋa tserdze, a waya ki gwimer a ya. Ŋgat ŋa nda gər ŋgar tekeɗe ka, ma ge megemir i gəzləŋ kwa nda ahər Yesuw, na dite mede kwa à tsehin ahər a ya. Mezlibe ma ge ka, biy Yesuw Kiristi aà biybiy. *Amin.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

1 PIYER 2:11

Gà masla gà ana i waya kurum hinne ya, mə̀ məts a kurum gər tsa. Kurum kà nwim ika gər ahəɗ ka, kamala gà slele ya. Aɗaba taŋa, i ge a kurum a kamkam: Gwim metsehe, ka ta vəlum vatwa a gà dukw bakal ana ba kurum a waya aà mege ya asa tsa. Aɗaba medzibe dukw ata ka, a dzeye a à mesife kurum.

1 PIYER 3:9

Na wura aka ge a kurum dukw ana ŋgwala tsiye ka, ka ta mumar aɗəm à bakal ŋa tsa. Kige tsa bəla wura aka tsik aà kurum dukw ana ŋgwala tsiye ka, ka tə ndavayumar aɗəm ɓav tsa asa mbaŋa. Ŋgulum ki gweɗwimer a ka: Mbulum mi pisak ahəm ivaɗ. Aɗaba akahər ana Mbulum a zal a kurum a ka, aka mbər metsike i sida ya, a gwa: «I ta pise a kurum a ahəm.»

1 PIYER 5:10

Ama i dəba mesewere are kurum ana ki sèwèrwim a kinehe ya ka, Mbulum ana ŋgat mala mege ŋgwal a mburma tserdze ya, à lèmbeɗe a kurum à gər ŋgar, a vile a kurum a ndzəɗa ana dite, ki hitswim a dər lele, ki ta mirwim a aba a nda təv gà dukw ana tserdze ya ya. Aɗaba a zal a kurum ka, dite ka dumara, ka ndzum nda gà Yesuw Kiristi i təv mezlibe ŋgar ana tì zlibe a à ŋgat aà biybiy, à ndìv a tsiye.

2 Piyer 1:3

Kà sərakwa Mbulum ana a zal a kwa ya ka, aɗaba Yesuw Kiristi. A zal a kwa ka, na dite kə̀ ŋgatakwa magàwà akaba a təv mezlibe ŋgar ana tì zlibe a à ŋgat, ki zezemekwe a mendze ŋgar ana ŋgwal ŋa, a za gà dukw tserdze ya mbaŋa. Kamala taŋa ya, ŋgat nda ndzəɗa ŋgar ana hinne ya, a vəl a kwa dukw ana a sle aà kwe a tserdze ya, na dite araha, kə̀ ŋgatakwa mesife ana awiya ŋa ya, ki zezemekwe a ŋgat lele kamala ana a tsahən ahər mbaŋa ya.

2 Yuhana 1:5

A kər mama gà ana i waya kər hinne ya, i gek a kamkam: Wayakwa ba ika magər kwa ilik ilik tserdze. Məpala ahəm aaha i wetse a kurumaha ya ka, biy na awiya ŋa kàa tsarakum ilik zukw tsiye tsa. Kà sərakwa ka, daga piŋŋe, aà gər ana kà Dzawa ba aà mazazama Yesuw Kiristi ya.