EFESIYA 3:9 - Bible Zulgo

⁹ Aka viliŋ vatwa aà meɗìfè dər a mburma tserdze ka, meme na dukw ana a tsik piŋŋe nda akəl ka, dite ka, a ge a ba kaɗəŋ a. Mbulum ana a ge dukw tserdze ya, na a kaha dukw ata aà gà mburma ya ya. A kaha dukw ata ka, daga piŋŋe, akahər ana aka ge gər ahəɗ zukw tsa haa kinehe ya.

EFESIYA 3:9 ပူးပေါင်းရင်းမြစ်များ

Mata 10:27

Nda gà dukw ana kinehe i tsik a kurum i təv ziŋziŋ ŋa ya ka, ki ti tsikwim a aka miɗ gà mburma tserdze i təv dzaydzay ŋa asa. Dite dukw ana kà tsarakum nda akəl a tekeɗe, ki ti tsikwim a ika tsakal a ŋgarra.

Mata 13:35

Aɗaba taŋa, dukw ana Ezaya, mala məma à guma Mbulum ana akahər ata a tsik a ka, kaɗəŋ ndzer. Taŋa Mbulum a gwa: «I fèfil a ka, ndaka bazlam minew. I ɗif a ter a ka, à dukw ana makàhà ŋa daga piŋŋe, Yàa ge gər ahəɗ zukw tsiye.»*fb*

Mata 25:34

I dəba ŋa ya ka, iye Əbay, i gweɗe a a gà na ika tsèke ahər mezime gà ya:

Mata 28:19

Aɗaba taŋa, dum à bazlam gà a təv gà mburma ana ika gər ahəɗ a tserdze, ka nwim à tar gà ɓəzla mazazama iye. Tsilwiɓwim à tar a yam nda zləm Tsir gà Mbulum, dite nda zləm gà, Kəla ŋgar ŋa, dite nda zləm Mezite Mesife Mbulum asa mbaŋa.

Luka 24:47

Dite i dəba ŋa ya asa, a slir a mburma aà metsikeye guma ŋgar a gà mburma, ku mege a ŋga tserdze. Mburma ta mbəɗ à madzala gà gər tar, dite ka, Mbulum à pìl a à bakal tar kuɗa. Tì dze a ba aà metsikeye ŋa ka, i Yeruzalem a, dite ti de a dər ku mege a ŋga tserdze.

Yuhana 10:30

Mər ka, ilik nda Tsir gà.»

Yuhana 5:17

Ama Yesuw a gwaɗa a tar aaka: «Tsir gà a riŋ ihər a ge a megemir kəla pat, dite iye tekeɗe, i ge a kataya mbaŋa.»

Yuhana 5:19

Aɗaba taŋa, Yesuw a gwaɗa a tar aaka: «Iye ihər i gweɗe a kurum a nda ndzer, pàrsa iɗəm tsa: Iye Kəla ŋgar, i sle a aà mege duwa ilik nda ahər gà tsa, say i ge a ka, dukw ana i ŋgatar Tsir gà a gewa ya. Aɗaba dukw ana tserdze Tsir gà a gewa ya ka, iye Kəla ŋgar ŋa tekeɗe, i ge a kataya mbaŋa.

Gà Ɓəzla Meslire 15:18

I tsik aba ya daga piŋŋe, dukw ana i gwa, i ta ge a aka miɗ mba ya.> «*fa*

RUMA 11:25

A kurum gà damər gà ana gà Yahuda tsiye. A sèsiŋ i tsik a kurum a ka, dukw ana makàhà ŋa i təv Mbulum, aka pàtakwa dər akahər ata zukw tsiye. I tsik a ka, dukw ana, dite ki slwim a aà mesikehe à ba kurum ika miɗ ŋgar tsik asa tsiye. Araha na dukw ana i tsik a ya: Ama gà asiŋ ŋa i liwiŋ gà Isərayel ka, tàa ne aba gà mandàkugùrum kaɗəŋ. Kəla ka, gà dukw ata ta ge aaka aba kataya ya ka, à ndìviŋa. Ama say gà na gà Yahuda tsa, Mbulum a pala tar, testes tàa yahabaha gər a təv Mbulum ŋa ya dzekwiŋ. I fataya ka, ta mbìɗ a aba a təv ŋgar, ta gis a kuɗa.

1 Kurintiya 2:7

Seyiŋ tsa, aɗaba metsehe ana i zla a kurumara ya ka, biy Mbulum ivaɗ. Ama taŋa ka, dukw ana makàhà ŋa, Mbulum aka ɗif dər a mburma akahər ata tsiye. I təv ana aka dza ba aà mege gər ahəɗ zukw tsiye ka, a səraba pat ana a ti ɗif a kwe a à dukw ata ya, na dite ka, ki ti ndzekwe a nda gà ŋgat i təv ndzəɗa ŋgar ana tì zlibe a dər a ya.

EFESIYA 1:4

Aɗaba taŋa, Mbulum aka mbər mipìlè kwa ana mandza ŋa i təv ilik ŋa nda gà Yesuw Kiristi ya daga piŋŋe, aka ana aka ge gər ahəɗ zukw tsiye. A pala kwa ka, aà mene gà mburma ŋgar, dite bakal ma ge riŋ i təv kwa ana ika miɗ ŋgar a tsa.

EFESIYA 3:2

Wànà kàa tsarakum maɗə̀và zləm megemir ana Mbulum a viliŋ ahər aɗaba kurum a tsiye? Kà sərum ŋgwal ŋa ŋgar ata a viliŋ ahər a.

EFESIYA 6:19

Hamumar agəra iye mbaŋa, dite ma ɗifiŋ à dukw ana i tsik a ya. Hamumar ka, magəɗa ma giŋ aà meɗìfè à bazlam ŋgwal ŋa ata a pàt dər parakkà ya tsa.

KULUSIYA 1:23

Ama kə̀la ka, say na ki zezemwim a aka miɗ aka miɗ nda magəsa Mbulum nda gəzləŋ kurum kəla pat a. Ndzum ka, ɓəŋɓəŋ lele, madzala gà gər kurum ma ta ge wàkit wàkit tsa. Tikwim madzala gà gər kurum ka, aka dukw ana ka tsarakum i huɗ bazlam ŋgwal ŋana ya kəla pat. Bazlam ŋgwal ŋa ata ka, ti tsikeye a gà mburma ana ika gər ahəɗ a tserdze. Aɗaba Mbulum a slər iye, Pul, na dite i ɗif a dər a mburma mbaŋa ya.

KULUSIYA 1:26

Daga aà gər ana Mbulum a ge gər ahəɗ a, bazlam ata ka, makàhà ŋa aà mburma ya, dèrze ikəka, wura a sər tsa. Ama kinehe ka, aka pàt dər a gà mburma ŋgar parakkà lele.

KULUSIYA 3:3

Aɗaba kurum kà sərum ka, kàa matum. Ama Mbulum aka mbəlara à kurum i məməta ya. Dite mesife kurum ana awiya ŋa ya tekeɗe, ar ka, makàhà ŋa i təv Yesuw Kiristi i mbulum.

KULUSIYA 4:3

dite hamumar aɗaba mər asa. Hamumar ka, dite mə vəl a mər vatwa aà metsìkè bazlam ŋgar a mburma, dite mìi ɗif a ter a à dukw ana makàhà ŋa aka gər Yesuw Kiristi ya parakkà lele. Aɗaba kurum kà sərum, agəra ana i ɗif a dər kamala taŋa ya, na kinehe ta gəs iye a daŋgay a.

2 TESALUNIKE 2:13

Ama kurum kinehe ka, gà damər mər, say mìi ge a kəkaaha a Mbulum kəla pat, aɗaba kurum. Ŋgat ŋa na waya kurum a. Aɗaba a pala kurum ka, daga aà gər ana aka ge gər ahəɗ zukw tsiye, na dite ka, a mbil a à kurum nda ndzəɗa Mezite Mesife ŋgar ana a ne à kurum gà mburma ŋgar a. A mbil a à kurum ka, aɗaba ana kə̀ gəsum dukw ana ndzer a mbaŋa ya.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

2 TIMUTE 1:9

Ŋgat ka, aka mbala à kwa. A zal a kwa ka, a ne à kwa gà mburma ŋgar. A ge dər kataya ka, agəra ana ki gewakwar ŋgwal ŋa ya tsa. A ge taŋa ka, aɗaba ana a waya mege kataya ya pəra. Ŋgwal ŋgar ata a ge a kwa nda ahər Yesuw Kiristi ya ka, daga piŋŋe, akahər ana gər ahəɗ a riŋ zukw tsiye.

2 TIMUTE 4:17

Ama kəla ka, BATSAH kwa ŋa aka zlak iye, a viliŋ ndzəɗa, na dite i tsik bazlam Mbulum a mburma parakkà, i həmbər duwa tsa, dite ka, ku mege weke ɗa i faha ika magər gà na tar ga Yahuda tsiye ka, ma tsaraka ya. BATSAH kwa ŋa a be à iye i ahər məməta ya, kamala ana ta bera à duwa i bazlam azil a.

TITUS 1:2

I tsikewa kamala taŋa ya ka, na dite mburma ti sir a dər ka, ta ŋget a mesife ana à ndìv a tsa aà biybiy a. Aɗaba akahər ana Mbulum aka ge gər ahəɗ zukw tsiye ka, aka mbər metsike a kwa aba i sida ya, a gwa: «I ta vile a kurum a mesife ata.» Ŋgat ka, à ses a pàrsa tsidze.

1 PIYER 1:20

Aɗaba piŋŋe, akahər ana Mbulum aka ge gər ahəɗ zukw tsiye ka, Mbulum aka mbər mezle ŋgat, dite ka, Mbulum a pàt a kurum à ŋgat aka mandəvandəv gər ahəɗ aaha kinehe ya, aà məmbə̀là a kurum.

Sunwa Yuhana 13:8

Gà mburma ana ika gər ahəɗ a tserdze, ti ti dzèyer a gurmits a bəɗ. Ama say gà mburma ana tàa wetse zləm tar aka wakita gà na ta ŋget a mesife ya, na tì dzer a gurmits a bəɗ tsiye. Ama tar ka, tàa wetseye gà zləm tar daga aka ana tàa ge gər ahəɗ zukw tsiye ya. Wakita ata ka, biy Kəla Təmaŋ ana ta kəɗ a.

Sunwa Yuhana 14:6

I dəba ŋa ya ka, i ŋgataha a gawla Mbulum ŋgiɗ duwa a riŋ ɗevivivvè diriŋ, a be a ndaà gəza mbulum. A dara ka, aà meɗìfè à bazlam ŋgwal ŋa ana a ndze a aà biybiy a. A tsik a ka, a gà mburma ana ika gər ahəɗ a tserdze, ku mege a gà na slàla tar pam, nda gà təv gà mendze tar pampam, kige tsa gà ahəm tar tekeɗe, pampam a.

Sunwa Yuhana 17:8

Dukw dala ata kə ŋgatar a ka, a riŋ nda gà mesife piŋŋe, ama kinehe ka, mesife ŋgar a riŋ asa tsa. Dite a ta mère a i biye ana kwitsikw ŋa ya ka, bise asa mbaŋa. Aka màra ka, Mbulum a ta kiɗ a ŋgat a biye fit kweleŋ. Akahər ana Mbulum a ge gər ahəɗ a ka, aka wetse aba zləm gà mburma ana ti ta ŋget a mesife ya, a wakita ŋgar a, dite gà na aka wetseye tar tsiye tekeɗe, tar riŋ i ŋgal mbaŋa. Gà taŋa aka wetseye tsiye, ti ta ŋget a dukw dala ata ka, a ta ge aà ter a kamala dukw mene aà mburma ya. Aɗaba piŋŋe ka, a riŋ nda gà mesife ŋgar, dite kinehe ka, a riŋ nda mesife asa tsa. Ama a pat ŋgiɗ ka, a ta mère a mba asa.

Sunwa Yuhana 4:11

«Kər ka, Mbulum, dite kər Batsah mər ŋa. Kər na ki ge gà duwa tserdze ya. A ge ba ka, aɗaba ana kər kà waya ma ge ba ya. Aɗaba taŋa na kər ilik ka, ŋgwal ŋa, kà sle na mburma tserdze tì zèmbeɗe a à kər, tì zlibe a à kər nda magəsa aà kər ahəm a.»