EFESIYA 3:8 - Bible Zulgo

⁸ Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

EFESIYA 3:8 ပူးပေါင်းရင်းမြစ်များ

Luka 14:22

A ndze riŋ zaakwa ka, a mbəɗara gər a. A dara, a gwaɗar: <Əbay gà, Yàa zal a tar tserdze, tàa gəs, ama ka, təv riŋ hiywe, mburma a sle aɗəm tsa.>

Yuhana 1:16

Kwa tserdze kàa ŋgatakwa Əbay ŋgar, dite a pisewa a kwa dər ahəm ka, sik diŋdiŋ màdzànàpa ŋa.

Gà Ɓəzla Meslire 5:41

Gà ɓəzla meslire Mbulum ata tə dara i təv mayahaba gər tar ata ya, nda gà maŋgayaba, aɗaba ana Mbulum a gəs tar lele, a vəl a tar vatwa aà mesewere are agəra zləm Yesuw a.

Gà Ɓəzla Meslire 9:15

Ama BATSAH kwa ŋa ata a gwaɗar: «Da pəra, aɗaba Yàa zla wele ata aà ma giŋ megemir gà, ma ɗif à zləm gà ika miɗ gà bàba ŋa ana ta kwere a mburma ya, nda gà asiŋ gà mburma tserdze, dite nda gà Yahuda ya mbaŋa.

RUMA 11:33

Hey, dukw ana Mbulum a ge a kwa ya ka, ŋgwal ŋa kaɗəŋ. Metsehe ŋgar nda masəra dukw ŋgar ka, hinne, a za duwa tserdze. Dukw ana a dzele a, a gweɗe a, i ge a ya ka, wura ilik a sle a aà matəkəra ŋa tsa. Dite wura ilik a sle a aà masə̀ràha aka dukw ana i gər ŋgar a tsa asa.

RUMA 12:10

Wayum ba ika magər kurum, aɗaba ana kurum ka, nda gà damər ika vatwa Mbulum a. Ku weke mə̀ fə̀r aà damər ŋgar ka, hə̀zkə̀kə̀mma batsah ŋa kamala ana a za ŋgat ŋa ya.

RUMA 2:4

Dze ana, ki fìrwim a aà Mbulum kamala za ya, agəra ŋgwal ŋgar ana batsah ŋa ya ivaɗ a? Kige tsa agəra ana aka gəs gəzləŋ hinne aɗaba bakal kwa ana ki gekwa ya ya. Kurum kà sərum, Mbulum a ge a kurum ŋgwal ŋa, dite na kàa sərum ahər kataya ka, ki mbiɗwim a à madzala gà gər kurum i təv ŋgar a ivaɗ ana, kà sərum ti tsiye?

1 Kurintiya 1:30

Ama kurum kinehe ka, Mbulum a zal a kurum, na dite a gaw akaba à kurum a təv ilik ŋa nda gà Yesuw Kiristi ya. Aɗaba Kiristi na a ne metsehe kwa ana a dara i təv Mbulum a ya. Nda təv Yesuw Kiristi mbaŋa asa na Mbulum a ne à kwa gà ŋgwal ŋa ika miɗ ŋgar a. Dite nda ahər ŋgar asa mbaŋa na a pəl a kwa à bakal, dite kà nekwa gà mburma ŋgar a.

1 Kurintiya 15:9

Iye ka, kəla ŋa na ika magər gà ɓəzla meslire Mbulum tserdze ya. I pə̀r aaba ka, i sle duwa tsa na ti zeliŋ a mala meslire Mbulum a. Aɗaba Yàa sèwèr are a gà mburma Yesuw akahər ata ka, hinne.

1 Kurintiya 2:9

Dukw ata Mbulum a ge ya ka, kamala ana mewetse ŋa a riŋ i wakita ŋgar a kaɗəŋ. A gwa ka: «Dukw ana are mburma aka ŋgatar ilik tsiye, ndəna zləm tar aka tsaraka ilik tsiye mbaŋa, ku mege tàa zlaŋa aaka gà gər tsa tekeɗe, taŋa ka, dukw ana Mbulum a yaha agəra gà na ta waya ŋgat a.»*fa*

GALATIYA 1:16

a pètiŋ à Kəla ŋgar, na dite i tsik a bazlam ŋgwal ŋana aka gər ŋgar, a gà mburma ana tə sər Mbulum tsiye tserdze ya. Akahər ata ka, maa fàfəl nda wura, aà mewize ihər bazlam a tsa asa.

GALATIYA 2:8

Tə sər Mbulum na a vəl ndzəɗa a Piyer, a slər ŋgat a təv gà Yahuda, dite ŋgat ŋa hiywe mbaŋa na a viliŋ ndzəɗa, a slər iye a təv gà na tar gà Yahuda tsiye ya.

EFESIYA 2:7

Kərga taŋa ya, aka ge a kwa dukw ŋgwal ŋa hinne nda ahər Yesuw Kiristi. A ge dər kamala taŋa ya ka, aɗaba a sasar məpàtà dər a gà mburma ana ti dere a a təv ŋgar ika miɗ a, dite na ti sir a dər ka, meme na ŋgwal ŋgar ana a vəl biy taf ka, batsah ŋa hinne, a za gà dukw ana tserdze ya.

EFESIYA 3:1

Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

EFESIYA 3:16

Iye ihər i hemer a ka, dite Mezite Mesife ŋgar mə vəl a kurum ndzəɗa ka, ka mərum aaba ika vatwa ŋgar ɓəŋɓəŋ lele. Aɗaba ŋgat ka, a be gà dukw tserdze. Dukw ana tserdze ya ka, i ahər ŋgar.

EFESIYA 3:19

Iye ihər i hemer a ka, dite ka sərum mewèyè ŋgar ana a waya kwa ya, dite mege bəla ki slekwe a à masəra ŋa fit tsa tekeɗe ya. Dite gà dukw ana i təv Mbulum tserdze ya ka, mà rah a gəzləŋ kurum mbaŋa.

EFESIYA 3:2

Wànà kàa tsarakum maɗə̀và zləm megemir ana Mbulum a viliŋ ahər aɗaba kurum a tsiye? Kà sərum ŋgwal ŋa ŋgar ata a viliŋ ahər a.

FILIPIYA 2:3

Ka tə dzalum ka, ba kurum ɗekɗek tsa. Dite ka tə sə̀ŋgə̀rum à ba kurum ɓav tsa asa. Hənum à gər kurum a bəɗ tiɓìzl ivaɗ. Fə̀rum aà gà asiŋ gà mìsle ŋgiɗ kamala ana tar ka, gà ŋgwal ŋa hinne, tə za dər kurum a.

FILIPIYA 4:19

Mbulum ana i ge a meslire ŋgar a ka, Əbay ŋa hinne, ŋgaɓɓa. A ta vile a kurum a gà dukw ana ti sleye aà kurum a tserdze ya. A ta vile a ka, nda ahər Yesuw Kiristi.

KULUSIYA 1:27

A waya meɗìfè a tar dər ka, à dukw ana ŋgwal ŋa ndzer, a za dukw tserdze ya, dite ka, à zlèk a gà mburma tserdze, ku mege i ŋga tekeɗe ya. Na a ne dukw ata makàhà ŋa piŋŋe, dite araha, a pàt aba kinehe ya ka, Yesuw Kiristi na a riŋ mandza ŋa i gəzləŋ kurum a. Aɗaba taŋa, kàa tikwim madzala gà gər kurum a təv mezlibe ŋgar ana ti zlibe a à ŋgat a, ka sərum ka, ki ndzwim a a fata ndzer.

1 TIMUTE 1:13

Aɗaba piŋŋe ka, Yàa tsik ahər dukw ana ŋgwala tsiye hinne, Yàa ndavayar hinne asa, Yàa sèwèr are a gà mburma ana ti zezem a ŋgat asa mbaŋa. Ama ku mege Yàa ge gà dukw ata kataya tekeɗe ka, Yàa ndze are tsehe a Yesuw Kiristi hinne. Aka giŋ dukw ana ŋgwal ŋa ya. Aɗaba akahər ata ka, Yàa gəs ŋgat nda gəzləŋ ilik zukw tsa. Dite i sər dukw ana i ge a ya tsa asa.

1 TIMUTE 1:15

Tsarakum, Yesuw a dara aka gər ahəɗ a ka, aà məmbàlà à gà ɓəzla bakal, kamala iye ana Yàa ge bakal ka, hinne, a za biy mburma tserdze ya. Bazlam aaha i tsik a ka, ŋgwal bazlam ndzer, pàrsa iɗəm tsa. Say gà mburma ta gəs a gəzləŋ tar lele.

1 TIMUTE 2:7

Aɗaba taŋa na Mbulum a slərra iye ya, i ne mala meslire ŋgar a. A slərra iye ya ka, aà meɗife à dukw ata a mburma, i tsik a guma ŋgar ndzer ŋana a gà mburma ana gà Yahuda tsiye, dite ka, ta gəs nda gəzləŋ ilik. I tsik taŋa ka, ndzer, tsəka, pàrsa iɗəm tsa.

2 TIMUTE 1:11

Bazlam ata ka, Mbulum na a slər dərra iye ya. A sasar na i tsik a a mburma tserdze, i ɗif a ter a dər lele ya.

Sunwa Yuhana 3:18

Aɗaba taŋa kinehe ka, iye ihər i tsik a kurum a dukw ana ki gwim a ya: Ama ka, dumara, ka sakamum gura ana tàa làmbaɗa nda akwa tsəzlzla lele i təv ga ya, dite ka, ki nwim a gà Əbay nda ndzer ŋa kuɗa ya. Dumara, sakamum gà petek ana herrè ya mbaŋa, kà dzàyum akaba, na dite ka, ki ndzwim a kataya sagurɗumɗum, hwarwa a ge a kurum a asa tsiye. Sakamum yàwuf are, dite ka geywim a gà are kurum asa mbaŋa, na dite ki ŋgetwim a a vatwa lele asa ya.