EFESIYA 3:6 - Bible Zulgo

⁶ Dukw ata Mbulum a ɗif dər a ka, kurum gà mburma ana gà Yahuda tsiye tekeɗe, ki ta ŋgetwim a dukw ana a vile a a gà Yahuda ya mbaŋa. Kurum nda gà Yahuda ka, kàa nwim ba ilik. Aɗaba kurum tekeɗe, kurum i dukw ana Mbulum aka mbər megweɗe i sida ya ka, i ta vile a a gà mburma Yesuw Kiristi ya mbaŋa. A ta vile a a kurum a gà dukw ata tserdze ya ka, agəra ana kàa gəsum bazlam ŋgwal ŋana nda gəzləŋ kurum a.

EFESIYA 3:6 ပူးပေါင်းရင်းမြစ်များ

1 Kurintiya 12:12

Taŋa kà sərakwa, ba mburma ka, ilik. Ama gà dzerisl ba ŋana iɗəm a ka, pampam. Ku mege gà dzerisl ba ŋa tar riŋ pampam hinne tekeɗe, ba ŋa ka, ilik pəra. Kamala taŋa ya, i təv mayahaba gər gà mburma Yesuw Kiristi ka, kataya mbaŋa.

1 Kurintiya 12:27

Taŋa kurum tserdze ka, kà nwim kamala ba Yesuw Kiristi ya mbaŋa. Ku mege weke ika magər kurum ka, aka ne dzerisl ba ŋgar.

GALATIYA 3:14

Yesuw Kiristi a ge gà dukw ata kataya ka, agəra mipìsè ahəm ana Mbulum a tsik a Abəraham i sida ya, a gwaɗar, i ta vilek a ya ka, gà na tar gà Yahuda tsiye, ta ŋget a aɗaba Yesuw Kiristi ata mbaŋa. A ge mege dukw ŋgar ata asa mbaŋa ka, na dite ki ŋgetekewe a Mezite Mesife Mbulum ana a tsik i sida ya, a gwa, i ta vile a kwe a ya ka, agəra ana kə̀ gə̀sakwa ŋgat nda gəzləŋ kwa ya.

GALATIYA 5:24

Aɗaba gà mburma ana tar gà biy *Kiristi ya ka, ti niw gà dukw ana ŋgwal ŋa tsa, meèweke ba tar a waya ya. Ar ka, kamala ana tə ndwandway gà dukw ata aà dizl magə̀làwà ŋa ya.

EFESIYA 3:3

Mbulum aka ɗifiŋ à dukw ana piŋŋe makàhà ŋa akahər ata ya, kərga na i lah mewetse a kurumaha zaakwa ya mbaŋa.

EFESIYA 5:30

Aɗaba kwa gà mburma ŋgar ata ka, ka nekwa ba ŋgar.

EFESIYA 5:7

Kamala taŋa ya, ka ta gəsum ba i ahər a nda medzibe gà mburma ata aà madə̀ɗà akaba tsidze.

KULUSIYA 2:19

Tar ka, a sàs a tar mandza i təv ilik ŋa nda gà Yesuw Kiristi ana ŋgat BATSAH kwa ŋa ya tsa, tàa miyak dər. Ŋgat na a ne gər ŋa ya, dite gà mburma Mbulum ka, ti ne kamala ba ŋgar a. Gà na tar i ahər ŋgar a ka, a vile a ter a dukw ana a sle a ter a ya tserdze. Aɗaba tar ti ndze a ka, ndzəɗakkà nda gəzləŋ ilik, agəra ŋgat. Kamala taŋa ya, tì sìkèh a ika vatwa ŋgar kamala ana Mbulum a waya ya. A yaha gər a gà mburma ŋgar ata ka, na dite ti ne ba ilik nda gà ŋgat a, kamala ba mburma ana madzàvà ŋa ikaba nda gà mile ya.

1 Yuhana 1:3

Dukw ana mì ŋgatar a, ndəna mì tsaraka ya, na mìi tsik a kurum a mbaŋa, na dite kurum tekeɗe ka, ki gewim a à ba nda gà mər i təv gà dukw ata. Magàwà ba ana ki gewekwe a ba ya ka, nda gà Mbulum Tsir kwa, dite nda gà Yesuw Kiristi Kəla ŋgar asa.

1 Yuhana 2:25

Taŋa ka, bazlam mesife ana Kiristi a tsik a kwa i sida ya, a gwa, i ta vile a kwe a ya ka, mesife ana à ndìv a tsa aà biybiy a.