EFESIYA 3:19 - Bible Zulgo

¹⁹ Iye ihər i hemer a ka, dite ka sərum mewèyè ŋgar ana a waya kwa ya, dite mege bəla ki slekwe a à masəra ŋa fit tsa tekeɗe ya. Dite gà dukw ana i təv Mbulum tserdze ya ka, mà rah a gəzləŋ kurum mbaŋa.

EFESIYA 3:19 ပူးပေါင်းရင်းမြစ်များ

Mata 5:6

Maŋgayaba i təv gà na ti dzele a ka, megemir Mbulum nda gəzləŋ ilik kamala ana Mbulum a waya ɗekɗek a, aɗaba Mbulum a ta vile a ter a zayya a gəzləŋ tar.

Yuhana 1:16

Kwa tserdze kàa ŋgatakwa Əbay ŋgar, dite a pisewa a kwa dər ahəm ka, sik diŋdiŋ màdzànàpa ŋa.

Yuhana 17:3

Wur ana aka ŋgat mesife ana à ndìv a tsiye ka, a sər, kər na Mbulum ndzer a, dite a sər, iye Yesuw Kiristi ana kà slərra iye ya mbaŋa.

RUMA 8:35

Na kataya ana, duwa a riŋ na a sle a aà masàsà ikaba kwa nda gà Yesuw Kiristi ana a waya kwa ya ya? Wànà mesewere are ana ki sèwèrekwe a ya, nda gà bəla dukw mawùràba ŋa, nda gà mene are ana ti ne a kwe a ya, kige tsa, may nda matawak a, tsəna, dukw medzeye ana ki dzeyekwe a dər a ya, kige tsa məməta ana a le aà kwe a ya ya? Awaŋ, gà dukw ata tserdze ya ka, ti sle a aà masàsà ikaba kwa nda gà Yesuw Kiristi ana a waya kwa ya tsa.

RUMA 8:39

Ku mege gà dukw ana i gər ŋa i Mbulum gà ndzəɗa ŋa ya, nda dukw ana ɗa i bəɗ a tekeɗe, ti sle a aà mege duwa tsa mbaŋa asa. Kamala taŋa ya, duwa a riŋ ilik ika magər gà dukw ana Mbulum a geye tar tserdze ya, na a ses a ikaba kwa nda meweye ŋgar ana a weye a kwa ya tsidze. Kà sərakwa meweye ŋgar ata ka, aɗaba Yesuw Kiristi BATSAH kwa ŋa.

2 Kurintiya 5:14

Mege megemir ana mìi ge a tserdze ya ka, agəra ana mì sər, Kiristi a waya kwa hinne ya. Ŋgat a mət ka, aɗaba mburma tserdze. Kamala taŋa ya, kà sərakwa ndzer, tar ata tserdze ya ka, tàa mata akaba nda gà ŋgat, na i təv are Mbulum a.

GALATIYA 2:20

Iye ka, mesife ana i ndze a dər kinehe ya ka, biy gà asa tsa. Ama ka, Kiristi na a ndze a nda mesife ŋgar i gəzləŋ gà ya. Mendze ana i ndze a ɗa ika gər ahəɗ kinehe ya ka, say nda magàsà Kəla Mbulum ata nda gəzləŋ. Ŋgat na a waya iye, dite a dzeye à mesife ŋgar aɗaba iye ya.

EFESIYA 1:23

Gà mburma ŋgar ata ka, ti ne kamala ba Yesuw a. Ŋgwal dukw ŋgar ana tserdze ya ka, a riŋ i təv gà mburma ŋgar kamala ŋgwal dukw Mbulum ana fit dze ya ka, a riŋ i ahər ŋgar mbaŋa.

EFESIYA 3:18

Na kàa gwim kamala taŋa ya ka, kurum nda gà mburma Mbulum ŋgiɗ ana tserdze, ki slwim a aà masəra dər, meme na mawàyà mburma Yesuw Kiristi BATSAH kwa ŋa a waya kwa ka, hinne ya. Ku mege kurum i ŋga tekeɗe ka, mawàyà mburma ŋgar a riŋ i fata pəra.

EFESIYA 5:2

Wayum mburma kəla pat i təv dukw ana tserdze ki gwim a ya, kamala *Kiristi ana a waya kwa, dite ka, a mət agəra kwa asa ya. A vəl mesife ŋgar biy taf kamala dukw ana ta kəɗ a Mbulum, a dar a gər a.

EFESIYA 5:25

Kurum gà zal tekeɗe, wayum gà məkəs kurum, kamala Kiristi ana a riŋ a weye a gà mburma Mbulum a, dite ka, a mət agəra tar a.

FILIPIYA 1:7

Ŋgwal ŋa lele na iye ihər i dzele a kamala taŋa ya, dite i ndze a ka, ndzəɗakkà na agəra kurum a. Aɗaba kà dwimiŋ gər lele. Aɗaba kurum nda gà iye tserdze ka, Mbulum aka ge a kwa ŋgwal ŋa, na dite ki zlèkwim a iye ana gədzə̀zlzla mandza ŋa i daŋgay a, dite i təv ana i tsikewa ŋgwal bazlam ana biy Yesuw Kiristi ika miɗ seriye, i ɗif a à ndzer ŋana ya mbaŋa.

FILIPIYA 4:7

Na kàa gwim kataya ka, Mbulum a vile a kurum a matasla yam a gəzləŋ zayya lele. A zè a dukw ana gà mburma ti sle a aà mesire nda metsehe tar a. Na kàa ŋgatum matasla yam ata ka, zayya a kesle a gəzləŋ kurum nda gà madzala gà gər kurum kuɗa, na dite duwa a ge a kurum a tsa, agəra ana kurum mandza ŋa i təv ilik ŋa nda gà Yesuw Kiristi ya.

KULUSIYA 1:10

Kamala taŋa ya, mede kurum ana ika vatwa Mbulum a, a ge a ka, kamala ana a sàs a Yesuw Kiristi BATSAH kwa ŋa ya. Ki gwim a ka, dukw ana a tsahən ahər a tserdze. Ki gwim a ka, dukw ana ŋgwal ŋa ya, kamala dizl ɗaf ana a we a hinne gwètsik gwètsik a. Dite ka, ki sìkèhwim a à masəra Mbulum aka miɗ aka miɗ mbaŋa.

1 PIYER 1:8

Ku mege kàa ŋgatum a Yesuw nda are kurum zukw tsa tekeɗe ka, kà wayum ŋgat. Ku mege kàa ŋgatumar kinehe tsa tekeɗe ka, kàa gəsum ŋgat nda gəzləŋ kurum lele. Aɗaba taŋa na kurum ihər ki ŋgeywim a ba kinehe hinne, a za dukw ana mburma a tsik a nda bazlam a.

2 Piyer 3:18

Ama kurum ivaɗ ka, dum aka miɗ nda mazazama Yesuw Kiristi BATSAH kwa ŋana ŋgat mala məmbə̀là à kwa ya, na dite a ge a kurum a ŋgwal ŋa nda mesire kurum ana ki sirwim a ŋgat a ka, à sìkèh a aka miɗ aka miɗ bə̀ba ŋa. Mezlibe ŋgar ana gà mburma tì zlibe a à ŋgat a ka, tə̀ zlə̀b dər daga aà kinehe ya, haa aà biybiy. *Amin.