EFESIYA 3:18 - Bible Zulgo

¹⁸ Na kàa gwim kamala taŋa ya ka, kurum nda gà mburma Mbulum ŋgiɗ ana tserdze, ki slwim a aà masəra dər, meme na mawàyà mburma Yesuw Kiristi BATSAH kwa ŋa a waya kwa ka, hinne ya. Ku mege kurum i ŋga tekeɗe ka, mawàyà mburma ŋgar a riŋ i fata pəra.

EFESIYA 3:18 ပူးပေါင်းရင်းမြစ်များ

Yuhana 15:13

Na wura a dzeye a à mesife ŋgar nda mezìwè gər ŋgar, aɗaba gà masla ŋgar ka, mawàyà ba a riŋ a zè a taŋa tsa.

RUMA 10:3

Aɗaba tàa tsaraka vatwa ana Mbulum a ne a dər à mburma ŋgwal ŋa ika miɗ ŋgar a tsa. Tar riŋ ti yehe a vatwa ivaɗ ka, aà mene à ba tar ŋgwal ŋa i təv ŋgar nda ahər tar. Kamala taŋa ya, ŋgùɗak ta məsak aba à vatwa ana Mbulum a ne a dər à tar ŋgwal ŋa ika miɗ ŋgar a.

2 Kurintiya 13:13

Yesuw Kiristi BATSAH kwa ŋa mə vəl a kurum ŋgwal ŋgar ana a ge a kwa ya, aka miɗ aka miɗ. Meweye Mbulum ana a waya kwa ya tekeɗe, ma ndza i gəzləŋ kurum, dite Mezite Mesife ŋgar ibam, ma gaw akaba kurum a təv ilik ŋa asa mbaŋa.

GALATIYA 2:20

Iye ka, mesife ana i ndze a dər kinehe ya ka, biy gà asa tsa. Ama ka, Kiristi na a ndze a nda mesife ŋgar i gəzləŋ gà ya. Mendze ana i ndze a ɗa ika gər ahəɗ kinehe ya ka, say nda magàsà Kəla Mbulum ata nda gəzləŋ. Ŋgat na a waya iye, dite a dzeye à mesife ŋgar aɗaba iye ya.

GALATIYA 3:13

Kamala taŋa ya, Mbulum a vəl a kwa mezelme ka, agəra na kà zazamakwa məpala ahəm ŋgar kweleŋ tsiye. Ama Kiristi a dara ka, a zla təv mendze kwa, na dite ka, Mbulum a vəlar mezelme ya. A ge dər kataya ka, a mbəlara à kwa i mezelme Mbulum ana a ta vile a kwe a zləmana ya. Ar ka, kamala ana ta wetse i wakita Mbulum a, ta gwa ka: «Wele ana tàa dàn ŋgat aà dizl a ka, mezelme Mbulum na ika gər ŋgar a.»*ff*

EFESIYA 1:10

Dukw ata Mbulum a ti ndìv a dər ka, a pat məpàslà ahər ŋgar ana a tsik a. A gewe akaba a gà dukw ana i gər ŋa ya nda gà dukw ana ɗa ika gər ahəɗ a tserdze a təv ilik ŋa. A dze a ahər a Yesuw Kiristi, dite a ne a Əbay ŋa.

EFESIYA 1:15

Iye riŋ i ge a kəkaaha a Mbulum aɗaba kurum, agəra gà dukw ata tserdze ya. Yàa tsaraka meme na kurum riŋ ki dwim a à magəsa Yesuw BATSAH kwa ŋa aka miɗ aka miɗ a. Yàa tsaraka mbaŋa asa, meme na kà wayum gà mburma Mbulum a.

EFESIYA 3:19

Iye ihər i hemer a ka, dite ka sərum mewèyè ŋgar ana a waya kwa ya, dite mege bəla ki slekwe a à masəra ŋa fit tsa tekeɗe ya. Dite gà dukw ana i təv Mbulum tserdze ya ka, mà rah a gəzləŋ kurum mbaŋa.

KULUSIYA 1:4

Meheme ata mì hamawa a ka, aɗaba ana mì tsaraka meɗè zləm kurum ana kə̀ gəsum Yesuw nda gəzləŋ, dite kà wayum gà asiŋ gà mburma ŋgiɗ ana ika vatwa Mbulum a tserdze asa mbaŋa ya.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

Sunwa Yuhana 3:21

Gà na tàa mba aà dukw bakal a ka, i vile a ter a vatwa, tə dara, mìi ti ndze a nda gà iye, ika təv mendze mekwere gà. Ar ka, kamala iye ana i mba aà gà dukw bakal a mbaŋa. Kinehe ka, mər riŋ mandza ŋa i təv ilik ŋa nda Tsir gà ika təv mendze mekwere ŋgar ata mbaŋa.