EFESIYA 3:13 - Bible Zulgo

¹³ Aɗaba taŋa, iye ihər i ge a kurum a kamkam: Ma tə tsəɓ a kurum aɗaba ana iye ihər i sèwèr a are agəra kurum a tsa. Seyiŋ ivaɗ tsa, mesewere are gà ata ka, à zlèk a kurum hinne.

EFESIYA 3:13 ပူးပေါင်းရင်းမြစ်များ

Gà Ɓəzla Meslire 14:22

Tə daha, ta màha à arəv a gà mburma Mbulum ana i fataya, dite ka, ta bàs gəzləŋ, ta ŋgat ndzəɗa i təv megìse tar ana ta gəs Mbulum a. Ta gwaɗawa a tar: «Ki ta ŋgetekewe a təv mendze i mekwere Əbay Mbulum ka, ki sèwèrekwe a are hinne pampam dzekwiŋ.»

2 Kurintiya 1:6

Taŋa mər riŋ ihər mìi sèwèr a are ka, aɗaba kurum, dite Mbulum à me a kurumehe a à arəv nda ahər mər, aà kə ŋgatum ndzəɗa ika vatwa ŋgar asa. Taŋa Mbulum a mà a məraha à arəv ka, aɗaba kurum mbaŋa asa, na dite ki ŋgetwim a ndzəɗa ɓəŋɓəŋ nda təv megìse mbaŋa ya. Kamala taŋa ya, ki slwim a aà məbàsà gəzləŋ i təv mesewere are ana ki sèwèrwim a ya, kamala mər a mbaŋa.

2 Kurintiya 4:1

Mbulum a ge a mər ŋgwal ŋa hinne. A vəl a mər mege megemir aaha a ahər, na dite mìi tsik a bazlam ŋgwal ŋana a mburma ya. Aɗaba taŋa na mìi zle a ihər madzala gà gər mər a tsidze ya.

GALATIYA 6:9

Aɗaba taŋa, tàkwa aka miɗ aka miɗ nda mege dukw ana ŋgwal ŋa ya, ka ti yàkwa ba tsidze. Aɗaba na kàa yàkwa ba tsəka, aləka a təv məpàslà ahər Mbulum ana a tsik a ka, ki ta ŋgetekewe a dukw ana ŋgwal ŋa ya lele, kamala wele ana a pele a dukw ŋgar i bəɗ a ka, sik sik sik ŋgwal ŋa ya.

EFESIYA 3:1

Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

FILIPIYA 2:18

Kurum tekeɗe, ŋgeywim ba. Kamala taŋa ya, ki ŋgeyekwe a ba tserdze a təv ilik ŋa.

KULUSIYA 1:24

Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.

2 TESALUNIKE 3:13

Ama kurum gà damər mər ka, dum aka miɗ aka miɗ nda mege dukw ana ŋgwal ŋa ya, ka ti yum ba tsidze.