EFESIYA 3:1 - Bible Zulgo

¹ Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

EFESIYA 3:1 ပူးပေါင်းရင်းမြစ်များ

Luka 21:12

Ama ələk gà dukw ata ti ti ndzere a ka, say gà mburma ta gese a kurum, tì sèwèr a kurum a are hinne məfara ŋa dzekwiŋ. Ti ti de à kurum a a ga mahàmà a Mbulum a, ta ge a kurum a seriye. I dəba ŋa ya, ti dze a kurum a daŋgay kuɗa, agəra iye. Ti de à kurum a aka miɗ gà ɓəzla makwàrà mburma, nda gà aka miɗ gà Əbay gà bàba ŋana mbaŋa.

Gà Ɓəzla Meslire 21:33

Əbay sliwdze ata a gəs Pul, a gwaɗa a gà mburma ŋgar: «Dzawum ŋgat nda tsitsirɓe sula.» Dite i dəba ŋa ya, a wiz dukw ana Pul a ge ya, aà gà mburma ata. A gwaɗa a tar: «Naha ana, weke? A ge dze ana, meme?»

Gà Ɓəzla Meslire 23:18

Batsah sliwdze ata a laka ŋgat a təv Əbay tar ata. A da dərraha ka, sliwdze aaha a gwaɗa a Əbay tar aaha: «Pul ata i daŋgay a, na a slərra iye ya. A zeliŋ, a gweɗiŋ, lakara kəla aaha a təv yak a, aɗaba a sasar à fèfilekiŋa.»

Gà Ɓəzla Meslire 26:29

{Pul a gwaɗar aaka mbaŋa: «Ku mege kinehe tsara, bəla aka miɗ mba tekeɗe ka, iye i heme a a Mbulum, aɗaba kər, nda gà mburma ana ɗa i faha ya tserdze, dite ka nwim gà ɓəzla magəsa Mbulum kamala iye ya. Ama i waya ka, tə dzaw kurum a daŋgay kamala iye ya tə tsa kəla.»}

Gà Ɓəzla Meslire 9:15

Ama BATSAH kwa ŋa ata a gwaɗar: «Da pəra, aɗaba Yàa zla wele ata aà ma giŋ megemir gà, ma ɗif à zləm gà ika miɗ gà bàba ŋa ana ta kwere a mburma ya, nda gà asiŋ gà mburma tserdze, dite nda gà Yahuda ya mbaŋa.

2 Kurintiya 1:6

Taŋa mər riŋ ihər mìi sèwèr a are ka, aɗaba kurum, dite Mbulum à me a kurumehe a à arəv nda ahər mər, aà kə ŋgatum ndzəɗa ika vatwa ŋgar asa. Taŋa Mbulum a mà a məraha à arəv ka, aɗaba kurum mbaŋa asa, na dite ki ŋgetwim a ndzəɗa ɓəŋɓəŋ nda təv megìse mbaŋa ya. Kamala taŋa ya, ki slwim a aà məbàsà gəzləŋ i təv mesewere are ana ki sèwèrwim a ya, kamala mər a mbaŋa.

2 Kurintiya 10:1

Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.

2 Kurintiya 11:23

Tar ta gweɗe a asa mbaŋa ka: «Mər ana gà ɓəzla megemir *Kiristi tsiye?» Ama iye tekeɗe ka, kamala taŋa ya mbaŋa asa. I za dər akaba tar kətəɓ kweleŋ kəla. Iye ihər i fèfil a taŋa ka, kamala ana Yàa be a dala ya. Aɗaba Yàa ge megemir ata ka, hinne, a za biy tar. Dite tàa tike iye a daŋgay ka, sik diŋ, a za biy tar asa. Ta gə̀zlawa iye hinne, i ndzawa ka, kamala ana iye i ɗa məməta ya sik diŋ, a za biy tar asa mbaŋa.

GALATIYA 5:11

Gà damər gà, iye ka, na mege i ɗif a à bazlam Mbulum hiywe, nda metsìkè a mburma, sasayum ba, na dite Mbulum a ne à kurum a gà ŋgwal ŋa ika miɗ ŋgar a ka, ana ka, gà Yahuda ti sèwèriŋ a are tsidze, dite bazlam mandwàndwàyà Kiristi ana tə ndwandway aà dizl magə̀làwà ŋa ya tekeɗe ka, a tsìɓ a ter a tsa asa mbaŋa. Ama ka, i tsikewa kataya tsa.

GALATIYA 5:2

Iye Pul, iye ihər i gweɗe a kurum ŋa: Na a sàs a kurum, tə sàs ba kurum ka, taŋa dukw ana Kiristi a ge aɗaba kurum a, a ge a kurum a ŋgulum asa tsidze.

GALATIYA 5:24

Aɗaba gà mburma ana tar gà biy *Kiristi ya ka, ti niw gà dukw ana ŋgwal ŋa tsa, meèweke ba tar a waya ya. Ar ka, kamala ana tə ndwandway gà dukw ata aà dizl magə̀làwà ŋa ya.

EFESIYA 3:11

Kərga taŋa ya, a ge kataya ka, kamala ana a gwa ka, i ta ge a mba, akahər ana aka ge gər ahəɗ zukw tsiye. A ge taŋa ka, nda ahər Yesuw Kiristi Batsah kwa ŋana.

EFESIYA 3:13

Aɗaba taŋa, iye ihər i ge a kurum a kamkam: Ma tə tsəɓ a kurum aɗaba ana iye ihər i sèwèr a are agəra kurum a tsa. Seyiŋ ivaɗ tsa, mesewere are gà ata ka, à zlèk a kurum hinne.

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

EFESIYA 4:1

Kərga taŋa ya, iye ka, iye i daŋgay, aɗaba ana iye mala meslire Yesuw Kiristi BATSAH kwa ŋa ya. Iye ihər i ge kurum a kamkam: Ama mede kurum ma ge ka, kamala biy ana Mbulum a waya, a zal a kurum dər a.

EFESIYA 6:20

Ku mege iye i daŋgay kinehe tekeɗe ka, iye mala meslire Yesuw hiywe pəra, aɗaba bazlam ŋgwal ŋa ata. Hamum a Mbulum, dite ka, i ge magəɗa aà məfàfə̀là parakkà tsa mbaŋa, kamala ana a sasar a ya.

FILIPIYA 1:7

Ŋgwal ŋa lele na iye ihər i dzele a kamala taŋa ya, dite i ndze a ka, ndzəɗakkà na agəra kurum a. Aɗaba kà dwimiŋ gər lele. Aɗaba kurum nda gà iye tserdze ka, Mbulum aka ge a kwa ŋgwal ŋa, na dite ki zlèkwim a iye ana gədzə̀zlzla mandza ŋa i daŋgay a, dite i təv ana i tsikewa ŋgwal bazlam ana biy Yesuw Kiristi ika miɗ seriye, i ɗif a à ndzer ŋana ya mbaŋa.

KULUSIYA 1:24

Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.

KULUSIYA 4:18

Iye Pul, nda ahər gà ŋa, na naha, i tsìmìɗ dər, i wetse a kurumaha bazlam aaha ya. I ge a kurumaha wusa. Mə̀ məts a kurum gər tsa, na iye ɗa mandza ŋa i daŋgay gədzə̀zlzla ya. Mbulum ma ge a kurum ŋgwal tserdze.

KULUSIYA 4:3

dite hamumar aɗaba mər asa. Hamumar ka, dite mə vəl a mər vatwa aà metsìkè bazlam ŋgar a mburma, dite mìi ɗif a ter a à dukw ana makàhà ŋa aka gər Yesuw Kiristi ya parakkà lele. Aɗaba kurum kà sərum, agəra ana i ɗif a dər kamala taŋa ya, na kinehe ta gəs iye a daŋgay a.

2 TIMUTE 1:16

I heme a a BATSAH kwa ŋa, na dite gà mburma ana i ga i bəra Winesifarus a, ti ndzer a are tsehe ya. Aɗaba ku mege iye riŋ i daŋgay tekeɗe ka, wele ata a ge a hwarwa a mburma, aɗaba iye tsa. A mèwiŋaha à arəv ka, hinne.

2 TIMUTE 1:8

Aɗaba taŋa, tsik bazlam BATSAH kwa ŋana a mət aà dizl magə̀làwà ŋa ya a gà mburma ka, parakkà lele, ki ge dər magəɗa tsidze. Dite ku mege iye riŋ i daŋgay gədzə̀zlzla agəra ana i zezem a ŋgat a tekeɗe, ki ge dər hwarwa ika miɗ mburma tsa asa mbaŋa. Ama ka, hadzal ba yak aà mesewere are nda iye, aɗaba bazlam ŋgwal ŋana ivaɗ. Mbulum na a vilek ahər a ndzəɗa ya.

FILIMUN 1:1

Na a wetse wakita aaha ka, iye Pul ana mandza ŋa i daŋgay, aɗaba Yesuw Kiristi ya. Mì wetse ka, mər nda Timute, damər kwa. Mì wetseha ka, a kər Filimun, masla mər ana ki ge a meslire a Mbulum kamala mər a ya.

FILIMUN 1:23

Apafəras ana mər mandza ŋa ɗa i daŋgay məma, aɗaba Yesuw Kiristi ya ka, a gekaha wusa mbaŋa.

FILIMUN 1:9

Ama ka, i tsikik a kataya tsa. I dzala, i gwa ka, ŋgulum i gek a kamkam nda zèyezèye kitè ivaɗ, aɗaba ana kà waya mburma lele ya. Iye Pul ka, màndawal mburma, dite kinehe iye mandza ŋa i daŋgay gədzə̀zlzla ka, aɗaba Yesuw Kiristi.

Sunwa Yuhana 2:10

Taŋa damər mesewere are kurum aaha ki sèwèrwim a kinehe ya, à sìkèh a aka gər kurum a ka, aka à mendze aɗəm. Ama kəla ka, ki gwim magəɗa tsa. Sərum dər ka, Əbay sitene a ta gese a gà mìsle ŋgiɗ ika magər kurum a, a daŋgay bise. A dzik a à kurum, ki ŋgetwim a mesewere are i huɗ mehinne kurwa ya. Bàsumaraha, na ku mege ta bets a kurum tekeɗe ya. Na kàa mərum aba kamala taŋa ya ka, i ti dzèye a kurum a gà dukw mayaba kurum, kamala megweɗe ya ka, mesife ana à ndìv a tsa aà biybiy a.