EFESIYA 2:5 - Bible Zulgo

⁵ ku mege kwa kamala gà məməta ana ta mìt a i bakal a tekeɗe ya. Aɗaba taŋa na a mbəlara iɗəm a kwa, a vəl a kwa akaba mesife awiya ŋa nda gà Yesuw Kiristi ya. Ama ka, ma ta məts a kurum gər tsa: A mbəl à kwa ka, agəra ŋgwal ŋgar ana a vəl biy taf a.

EFESIYA 2:5 ပူးပေါင်းရင်းမြစ်များ

Luka 15:24

Aɗaba kəla gà aaha ka, kamala ana aka mət a, ama kinehe ka, aka mbəlara a riŋ nda mesife. Aka dzeye kweleŋ, ama kinehe ka, Yàa ŋgat asa.> I dəba ŋa ya, tə dza ba aà megirive nda maŋgayaba hinne kuɗa.

Yuhana 5:21

Kamala Tsir gà ana a mbil a à mburma i məməta ya, a vile a ter a mesife awiya ŋa ya asa ka, iye Kəla ŋgar ŋa tekeɗe, i ta vile a mesife ata a gà na i pala tar a mbaŋa.

Yuhana 6:63

Mezite Mesife Mbulum na a vile a mesife a mburma ya, tsəka, ndzəɗa mburma a sle a duwa tsa. Gà bazlam ana i tsik a kurum a ka, na a vile a kurum a mesife ndzer ŋana, a dara i təv Mezite Mesife Mbulum a.

Gà Ɓəzla Meslire 15:11

Ama kwa tserdze kà sərakwa, kà mbəlakwa ana, nda ŋgwal Yesuw Kiristi tsiye. Yaw, tar tekeɗe ka, ta mbil a kataya mbaŋa.»

RUMA 16:20

Kamala taŋa ya, Mbulum, mala məvəla zayzay a mburma, a vile a kurum a ndzəɗa bise, na dite ki hìnislwim a dər à ndzəɗa Əbay sitene ya. Yesuw Kiristi BATSAH kwa ŋa ma ge a kurum ŋgwal ŋa, mi pise a kurum ahəm.

RUMA 3:24

Ama ka, ti ndze are tsehe a Mbulum, na dite a ge a tar ŋgwal biy taf, a ne à tar gà ŋgwal ŋa ika miɗ ŋgar a. A ge kataya ka, nda ahər Yesuw Kiristi ana a mbùrùɗara tar i bakal tar a ya.

RUMA 4:16

Aɗaba taŋa na Mbulum a tsik i sida ya, a gwa, i ta vile a ka, a gà na ta gəs ŋgat nda gəzləŋ a ya. A ge dər kataya ka, aɗaba mburma tə sər dər, ŋgwal ŋgar ata a ge a ter a ya ka, biy taf masakəŋa. A vile a dukw ata ka, a gà ɓəza Abəraham tserdze, tsəka, a gà na a ɗif a tar à məpala ahəm Musa a ahər a ɗekɗek tsa. Ama a vile a a gà asiŋ gà mburma ana ta gəs ŋgat nda gəzləŋ tserdze kamala Abəraham ana a gəs a mbaŋa. Aɗaba Abəraham a ne ika gər kwa ka, tsir kwa tserdze.

RUMA 5:10

Akahər ana kwa gà ɓəzla mene are Mbulum mba ya ka, ŋgat nda gər ŋgar ŋa a yaha masəra ba nda gà kwa ka, nda məməta Kəla ŋgar ana a mət a. Aɗaba taŋa, kwa kinehe ka, gà masla Mbulum. Kà sərakwa, a ta mbil a à kwa ndzer kaɗəŋ ka, aɗaba Kəla ŋgar ata a mbəlara i məməta ya ya.

RUMA 5:6

Aɗaba akahər ata piŋŋe ka, kàa ŋgatakwa ndzəɗa aà mege dukw ana ŋgwal ŋa ya tsa. Aləka i dəba ŋa ya, a ndze tits aka məpàslà ahər Mbulum ana a tike ya ka, Yesuw Kiristi a dara, a mət aɗaba kwa ana kwa gà ɓəzla bakal a.

RUMA 5:8

Ama Yesuw Kiristi ŋgat a mət aɗaba kwa, akahər ana kwa gà ɓəzla mene are a Mbulum mba ya. Kamala taŋa ya, Mbulum a ɗif a kwa ka, à meweye ŋgar ana a waya kwa hinne ya.

RUMA 8:2

Aɗaba kwa ka, i ahər bakal ana a dzeye a à kwa ya asa tsa. Ndzəɗa Mezite Mesife ana a vile a kwe a mesife nda ahər Yesuw Kiristi ya, na a pəl à kwa i mazazama dukw bakal ata ya, dite ka, ŋgat a kwere a kwa kuɗa ya.

EFESIYA 2:1

Piŋŋe kurum ka, kamala ana gà məməta ŋa ya, na ika miɗ Mbulum a, aɗaba ana kì gewim gà dukw ana ŋgwal ŋa tsa pampam a.

EFESIYA 2:8

Mbulum a mbəl à kurum nda ŋgwal ŋgar ka, aɗaba ana kàa gəsum ŋgat nda gəzləŋ kurum a, tsəka, aɗaba megemir kurum ana ki gwim a tsa. A ge a kurum ŋgwal ŋgar ata biy taf a ka,

EFESIYA 5:14

Aɗaba dukw tserdze, ku mege awara, a pèt a aba ka, i təv dzaydzay ŋa. Agəra taŋa na ta gwa: «Kər ana riŋ ika mendze are ya ka, piɗeke, hitsera i luvuŋ gà məməta ya, dite na ki ndze a aà dzaydzay ŋa i təv Kiristi ya.»

KULUSIYA 2:13

Akahər ata piŋŋe ka, Mbulum a fə̀r aà kurum kamala ana kurum ka, gà məməta ŋa ya, agəra gà bakal kurum ana kì gewim a, dite aɗaba ana Yesuw Kiristi aka ge aà kurum lambà ŋgar ata zukw tsiye asa mbaŋa. Ama kinehe ka, Mbulum aka vəl a kurum mesife ana awiya ŋa ya i təv ilik ŋa nda gà Yesuw Kiristi. Ŋgat na a pəl à kwa i bakal a tserdze ya.

TITUS 2:11

Ama gà mburma Mbulum ta ge gà dukw ata i tsik a. Aɗaba ŋgat ka, a pàt a kwa à ŋgwal ŋgar ana a ge a gà mburma tserdze ndərzakka ya, a waya məmbə̀là à kwa.

TITUS 3:5

Kamala megweɗe ya, a mbəl à kwa ka, taf masakəŋa, kàa vəlakwar aɗəm duwa tsa. Bəla ki gweɗekwe a, a mbəl à kwa ka, agəra dukw ana ki gewakwar ŋgwal ŋa ya. Ama ka, kataya tsa. A mbəl à kwa ka, agəra ana kà ndzekwar are tsehe ya ɗekɗek pəra. A bara bakal ana i gəzləŋ kwa ya. A ge dər kataya ka, nda ndzəɗa Mezite Mesife ŋgar ana tsəɗaŋŋa ya. Kamala taŋa ya, a wa dər kwa masula ŋa asa, dite na kə̀ ŋgatakwa mesife ana awiya ŋa ya.

Sunwa Yuhana 22:21

Ŋgwal ana Yesuw BATSAH kwa ŋa a ge a kwa ya ka, ma ndza i təv kurum gà mburma ŋgar tserdze aà biybiy.