EFESIYA 2:3 - Bible Zulgo

³ Akahər ata piŋŋe ka, kwa tserdze kà gawakwa ɗa ka, kamala tar a mbaŋa. Kì gewakwa ka, gà dukw ana ŋgwal ŋa tsa, a sàs a kwa ya. Kà dzalawakwa ka, aka mege gà dukw ana a da a kwa gər a ɗekɗek. Agəra taŋa na seriye Mbulum a ta gis a kwa zləmana ŋa kamala gà mìsle ŋgiɗ a.

EFESIYA 2:3 ပူးပေါင်းရင်းမြစ်များ

Markus 4:19

ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar, nda mege are aka dukw mburma tserdze. Aɗaba taŋa, gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.

Yuhana 1:13

Ti ne gà ɓəza Mbulum ka, a wa tar kamala ana mburma ti dzele a, ta we a ba ya tsa. Ti ne gà ɓəza Mbulum ka, agəra ana a vəl a tar mesife awiya ŋa ya.

Yuhana 8:44

Tsir kurum ka, Əbay sitene. Ki gwim a tekeɗe ka, dukw ana a sasar a. Ŋgat mala makə̀ɗà mburma daga piŋŋe. Aka tsik dukw ana ndzer a ilik tsidze, aɗaba ana ndzer ŋgar a riŋ tsiye. I təv pàrsa ŋgar ata a sasa ya ka, hiywe a mətsawa i ŋgar ka, aà taŋa pəra, aɗaba ana ŋgat mala pàrsa, dite ŋgat tsir gà pàrsa ya asa.

Gà Ɓəzla Meslire 14:16

Aka bəra ana a da a dəba ya ka, aka miyak à gà mburma, tə zazama vatwa tar kamala ta waya ya, dukw tar.

RUMA 1:24

Aɗaba taŋa, agəra ana gà mburma ata ta ge kataya ya ka, Mbulum a miyak à tar, dite ti zezem a gà dukw meèweke ba tar ana gəzləŋ tar a waya ya ɗekɗek, nda gà megeye gà dukw ana ika magər tar a ndeɗe aka ter a hwarwa hinne ya asa mbaŋa.

RUMA 11:30

Kurum ana gà Yahuda tsiye, akahər ata ka, kàa gəsum ahəm aà Mbulum tsa. Ama kinehe ka, kàa ndzum are tsehe a Mbulum, a zal a kurum aɗəm avukw ŋa, agəra ana tar ta gəs ahər ahəm tsiye.

RUMA 13:14

Ama Yesuw Kiristi BATSAH kwa ŋa, ma ne ka, kamala dukw ahər kurum a. Ki ndzwim a ka, slìppè i ba ŋgar. Ka wiswim ba à gər nda dukw ana ŋgwala tsa, ba kurum a waya aà mege ya asa tsa.

RUMA 2:14

Gà asiŋ gà mburma ana i slàla ŋgiɗ a ka, tə sər məpala ahəm Musa tsa. Ama gà mìsle ŋgiɗ ika magər tar a ka, ta ge a dukw ana məpala ahəm Musa ata a tsik, a gwa, gwim a. Ama na tàa ge kataya ka, taŋa ka, tàa sər mege dukw ana ŋgwal ŋa ya, ku mege tàa sər məpala ahəm Musa ata tsa tekeɗe ya.

RUMA 5:10

Akahər ana kwa gà ɓəzla mene are Mbulum mba ya ka, ŋgat nda gər ŋgar ŋa a yaha masəra ba nda gà kwa ka, nda məməta Kəla ŋgar ana a mət a. Aɗaba taŋa, kwa kinehe ka, gà masla Mbulum. Kà sərakwa, a ta mbil a à kwa ndzer kaɗəŋ ka, aɗaba Kəla ŋgar ata a mbəlara i məməta ya ya.

RUMA 5:9

Yesuw Kiristi a mət aɗaba kwa ka, a ne à kwa gà ŋgwal ŋa ika miɗ Mbulum nda məmbəz ŋgar ana a dza dər a. Aɗaba taŋa, kà sərakwa ndzer, a ta mbil a à kwa i matsəɓatsəɓ Mbulum ana zləmana a ta gis a kwa ya.

RUMA 6:12

Aɗaba taŋa, ka ta vəlum vatwa a bakal, dite ma kwara ba kurum asa tsa. Ka tə zazamum gà meèweke ba kurum ana ka wayum mege ya ɓav tsa asa mbaŋa. Aɗaba sərum dər, ba kurum ka, sifìleh a ndze a hinne tsa.

RUMA 7:18

Kà sərakwa lele, i təv kwa gà mburma taf masakəŋa aaha ka, duwa a riŋ ŋgwal ŋa ilik tsidze. Kà wayakwa mege dukw ana ŋgwal ŋa ya ndzer, ama ka, ndzəɗa kwa a sle tsa.

RUMA 9:22

Na Mbulum a ge a duwa kamala taŋa ya ana, ki slekwe aà metsiker a dukùla asa ya? A sasar ka, a pèt a à ndzəɗa ŋgar, gà ɓəzla bakal ti sir a dər ka, meme na a ge a matsəɓatsəɓ aka gər tar a. Ama ku mege tàa ger matsəɓatsəɓ a gəzləŋ, dite a sər, medzeye à tar ide tekeɗe ka, mbə̀rə̀ts mbə̀rə̀ts a veve a tar pəra.

1 Kurintiya 4:7

Weke na a gwaɗak, kər ka, kà za gà mìsle ŋgiɗ nda dukw ana kə̀ ŋgat nda təv megìse ya? Mbulum tsiye na a ge megemir ata dze ya? Dite aàmala na ki ge a dər zlapa kamala ana kì ge ka, nda ahər yak a?

2 Kurintiya 7:1

A kurum gà masla gà ana i waya kurum hinne ya. Mbulum aka tsik a kwa i sida ya, a gwa, a ta vile a kwe a gà dukw ata tserdze ya. Aɗaba taŋa, say barakwa dukw ana ŋgwala tsiye, aà ba kwa ya, dite ma ne tsəɗaŋŋa na i təv are Mbulum a. Kà barakwara dukw ana ŋgwala tsa i gəzləŋ kwa ya asa mbaŋa. Mede kwa ana ki tèkwe a ika vatwa Mbulum a, ma ge ka, kamala ana ŋgat a waya ya. Ka hənakwar à gər a bəɗ tiɓìzl lele.

GALATIYA 3:22

Seyiŋ tsa, ar ka, kamala ana ta wetse i wakita Mbulum a, ta gwa ka, bakal na a kwere a gà mburma ana ika gər ahəɗ tserdze ya ivaɗ. A ge kataya ka, na dite dukw ana Mbulum a tsik i sida ya, a gwa, a ta vile a a mburma ya ka, nda ahər Yesuw Kiristi. Dukw ata a vile a ter a ya ka, agəra megìse tar ana ta gəs ŋgat nda gəzləŋ a.

EFESIYA 2:2

Kà zazamawum ɗa ka, mede gà mburma ana ɗa ika gər ahəɗ a. Kà dzawum zləm ka, a Əbay gà sitene ana mandza ŋa aà gəza mbulum a. Əbay gà sitene ata na a riŋ a ge a mege megemir i ba gà mburma ana a sàs a tar medzè zləm a bazlam Mbulum tsidze ya.

EFESIYA 4:22

Kamala taŋa ya, miyakum à mede ana kà zazamawum ɗa akahər ata ya. Aɗaba mede ata ka, a nəsawa a kurum à gəzləŋ, agəra gà meèweke ana ta bazawa a kurum za ya.

KULUSIYA 1:21

Akahər ata ka, kurum tekeɗe, kurum mandza ŋa diriŋ aà Mbulum a, ka nwim gà ɓəzla mene are ŋgar, aɗaba madzala gà gər kurum ana ka dzalawum ŋgwala tsa, dite nda gà dukw ana ki gewim ŋgwala tsiye asa mbaŋa.

1 TESALUNIKE 4:13

Gà damər mər, a sàs a mər ka, sərum duwa aka gər gà məməta. Aɗaba arəv ma ta da aà kurum a kamala gà na ta veve a Yesuw tsiye tsa.

1 TESALUNIKE 5:6

Aɗaba taŋa, ka tə ndzakwa ɓìlèffe ika mendze are kamala gà asiŋ gà mburma ŋgiɗ a tsa. Ama kwa ka, ndzakwa nda metsehe lele, kwarakwa ba kwa ivaɗ.

1 TIMUTE 6:9

Ama gà na ta waya mesikehe à limana hinne ya ka, Əbay sitene na a beze a ter a za ya, tì dìɗ a a ɓele ŋgar mba. Ti dzele a gà gər ka, aka meèweke gà dukw pampam. Gà dukw ata na a vile a ter a mendìfè sik masakəŋa ika vatwa ya ya, dite a nis à ter a, ti dzeye a kweleŋ a.

TITUS 3:3

Aɗaba akahər ata ka, kwa tekeɗe, metsehe kwa a riŋ tsa mbaŋa, kə̀ gə̀sakwa ahəm tsa, kàa dzeyekwa ika vatwa ndzer ŋana ya. Kà nekwa ka, gà ɓele dukw ana ba kwa a waya ya ɗekɗek. Kwa mandza ŋa ka, gà ɓəzla swalwa. Ki gewakwa are aka dukw mburma. Gà mìsle ŋgiɗ tàa nekwa are ka, kwa tekeɗe, kàa nekwa a tar aɗəm are mbaŋa.

1 PIYER 1:14

Gə̀sawum ahəm aà Mbulum, kamala gà ɓəza ana ta gis a ahəm aà gà tsir tar a. Akahər ata ka, kà sərum dukw ana ndzer ŋa ya zukw tsa. Kà wayum dukw ana ŋgwal ŋa tsiye ka, hinne. Ama kinehe ka, ka tə zazamum gà dukw ata asa tsa.

2 Piyer 2:14

Tar ta waya ka, məfə̀rà aà gà məkəs ɗekɗek pəra. Meèweke ba a be a tar i ba tar ka, hinne. Mege bakal a tsahən aà tar ka, hinne, ti ye a ba tsidze. Tàa ŋgat a wur ana ika vatwa Mbulum, ndzəɗa ŋgar a riŋ tsiye ka, ta bene a ŋgat, dite mà dəɗ a bakal kamala tar a mbaŋa. Tar ka, tàa mbər mesinike ba à mege are aka dukw mburma, nda mege pərzəz hiywe pəra. Medzìbe gà mburma ata ka, seriye Mbulum ika gər tar ndzer.

2 Piyer 2:18

Tar riŋ tì sìkèh a à ba tar ika miɗ mburma nda metsìkè aà tar bazlam ana taf masakəŋa ya. Ta bene a dər gà mburma ana kinehe tar riŋ ihər ti dere a i liwiŋ gà na mandza ŋa i luvuŋ, tə sər Mbulum tsiye, nda gireŋ a asa. Aɗaba a sàs a tar ka, tə dara a təv tar a, ta ge dukw ana gà meèweke ba tar ana ta gewa ya mbaŋa.

1 Yuhana 2:16

Kurum kà sərum, meme na gà dukw ana ika gər ahəɗ ti ndze a ya. Aɗaba gà mburma ti zezem a ka, dukw ana gəzləŋ tar a waya ta ge a ya ɗekɗek. Tàa ŋgat a duwa ka, ta ge aaka a are, ta waya dukw ata tsara, tì sìkèh a à ba tar ika miɗ mburma, ta ge a zlapa nda gà dukw tar ata ta ŋgat a. Gà dukw ata a sàs a tar aà mege tserdze ya, tə dara ka, ika gər ahəɗ a tsəka, i təv Mbulum Tsir kwa ya tsa.

1 Yuhana 2:8

Ku mege kataya tekeɗe ka, məpala ahəm aaha i wetse a kurumaha ya ka, awiya ŋa iɗəm mbaŋa asa. Ndzer ŋana ka, aka pàt aba. A pàt aba ka, nda təv Yesuw Kiristi, dite i təv mendze kurum ana kà ndzum ɗa ya mbaŋa. Kà sərum məpala ahəm ata awiya ŋa ya ka, aɗaba ana luvuŋ a riŋ à nikiɗ a ihər a, təv dzaydzay ŋa ana ndzer a, a riŋ à dze a ba aà medìve wuratətətətà kinehe kuɗa ya.