EFESIYA 2:22 - Bible Zulgo

²² Kurum nda gà mìsle ŋgiɗ tekeɗe, kà nwim ga ata Mezite Mesife Mbulum a ndze a iɗəm a, aɗaba ana kurum mandza ŋa i təv ilik ŋa nda gà Yesuw Kiristi ya.

EFESIYA 2:22 ပူးပေါင်းရင်းမြစ်များ

1 Kurintiya 3:16

Kurum kà sərum te tsiye, kurum gà mburma Mbulum, kà nwim ka, kamala ga Mbulum batsah ŋana ŋgat mandza ŋa iɗəm, dite ka, Mezite Mesife ŋgar ibam, a riŋ mandza ŋa i gəzləŋ kurum a?

1 Kurintiya 3:9

Kamala taŋa ya, mər nda Apalus ka, mì gewa akaba mege megemir Mbulum i təv ilik ŋa məma, mər gà ɓəzla mege megemir ŋgar. Ama kurum kà nwim ka, kamala gùvàh Mbulum a. Dite kurum kà nwim asa ka, kamala ga ana Mbulum à zlèzle a ya asa mbaŋa.

1 Kurintiya 6:19

Kurum kà sərum te tsiye: ba kurum a ne ka, ga Mezite Mesife Mbulum a? Mbulum a vəl a kurum Mezite Mesife ŋgar ata ka, aà dite ma ndza i gəzləŋ kurum a. Aɗaba taŋa, ba kurum a ne ka, biy kurum asa tsa.

2 Kurintiya 6:16

Wànà kà dzalum dze ana, dukw ana gà mburma ti ne dər mbulum nda ahər tar ŋa ya ana, a sle a aà mendze i ga Mbulum batsah ŋana ya? Awaŋ, a ge a ba tsidze. Yaw, sərum dər ka, kwa na kà nekwa ga Mbulum batsah ŋa ata ŋgat a riŋ nda mesife ya. Aɗaba Mbulum a gwa ka: «I ti ndze a ika magər gà mburma gà, i ta ŋget a təv mendze gà i fata. Iye i ti ne a Mbulum tar, dite tar tekeɗe, ti ti ne a gà mburma gà mbaŋa.»*fb*

EFESIYA 3:17

Iye ihər i hemer a asa ka, dite Yesuw Kiristi ma ndza i gəzləŋ kurum, aɗaba ana kàa gəsum ŋgat nda gəzləŋ a. Iye ihər i hemer a asa mbaŋa ka, dite ka wayum ba ilik ilik tserdze. Na kàa wayum ba ka, ki ŋgetwim a ndzəɗa ɓəŋɓəŋ lele kamala dizl ɗaf ana a ŋge zlile ya, nda gà kamala ga ana madzàha ŋa lele, a mbezle a tsiye.

1 Yuhana 3:24

Wur ana aka gəs məpala ahəm Mbulum a ka, a ndze a i təv ilik ŋa nda ŋgat. Mbulum tekeɗe ka, a ndze a i təv ilik ŋa nda ŋgat mbaŋa. Meme na ki sirekwe a dər ka, Mbulum a ndze a i təv ilik ŋa nda gà kwa ya? Ki sirekwe a dər ka, aɗaba Mezite Mesife ŋgar ana a vəl a kwa ya.

1 Yuhana 4:13

Mbulum a vəl a kwa Mezite Mesife ŋgar. Aɗaba taŋa na kà sərakwa dər ka, ki ndzekwe a i təv ilik ŋa nda gà ŋgat a, dite ŋgat tekeɗe ka, a ndze a i təv ilik ŋa nda gà kwa mbaŋa.

1 Yuhana 4:16

Mər ka, mì sər na Mbulum a waya kwa ya. Mì gəs taŋa ka, nda gəzləŋ mər lele mbaŋa. Mbulum ŋgat ka, mala mawàyà mburma. Wur ana a waya Mbulum, dite a waya mburma asa ya ka, ti ndze a i təv ilik ŋa nda Mbulum. Mbulum tekeɗe, a ndze a i təv ilik ŋa nda ŋgat mbaŋa.