EFESIYA 2:21 - Bible Zulgo

²¹ Aɗaba kur ata na ga a ndze a ɓərɓər, dite à rèh a lele ya. Kamala taŋa ya, ga ata ka, ma ne ga Mbulum ana a ndze iɗəm i fataya.

EFESIYA 2:21 ပူးပေါင်းရင်းမြစ်များ

1 Kurintiya 3:9

Kamala taŋa ya, mər nda Apalus ka, mì gewa akaba mege megemir Mbulum i təv ilik ŋa məma, mər gà ɓəzla mege megemir ŋgar. Ama kurum kà nwim ka, kamala gùvàh Mbulum a. Dite kurum kà nwim asa ka, kamala ga ana Mbulum à zlèzle a ya asa mbaŋa.

2 Kurintiya 6:16

Wànà kà dzalum dze ana, dukw ana gà mburma ti ne dər mbulum nda ahər tar ŋa ya ana, a sle a aà mendze i ga Mbulum batsah ŋana ya? Awaŋ, a ge a ba tsidze. Yaw, sərum dər ka, kwa na kà nekwa ga Mbulum batsah ŋa ata ŋgat a riŋ nda mesife ya. Aɗaba Mbulum a gwa ka: «I ti ndze a ika magər gà mburma gà, i ta ŋget a təv mendze gà i fata. Iye i ti ne a Mbulum tar, dite tar tekeɗe, ti ti ne a gà mburma gà mbaŋa.»*fb*

KULUSIYA 2:19

Tar ka, a sàs a tar mandza i təv ilik ŋa nda gà Yesuw Kiristi ana ŋgat BATSAH kwa ŋa ya tsa, tàa miyak dər. Ŋgat na a ne gər ŋa ya, dite gà mburma Mbulum ka, ti ne kamala ba ŋgar a. Gà na tar i ahər ŋgar a ka, a vile a ter a dukw ana a sle a ter a ya tserdze. Aɗaba tar ti ndze a ka, ndzəɗakkà nda gəzləŋ ilik, agəra ŋgat. Kamala taŋa ya, tì sìkèh a ika vatwa ŋgar kamala ana Mbulum a waya ya. A yaha gər a gà mburma ŋgar ata ka, na dite ti ne ba ilik nda gà ŋgat a, kamala ba mburma ana madzàvà ŋa ikaba nda gà mile ya.

1 TIMUTE 3:15

Aɗaba ku mege Yàa ndzeha bise tsa tekeɗe ka, wakita aaha a ɗifek a à dukw ana i tsikik a zləmana ya, dite ka, ki sir a dər ka, meme na gà mburma ti sle a aà mede ika magər gà mburma Mbulum ndaka vatwa ŋa lele ya. Na a ne gà mburma ata ka, gà na tar riŋ i huɗ mayahaba gər gà mburma Mbulum ana ŋgat a vile a ter a mesife ya. Gà mburma ŋgar ata na ndəzlzlà ti ne mendweŋe bazlam ŋgar ana ndzer a.