EFESIYA 2:20 - Bible Zulgo

²⁰ Kurum ka, kàa nwim gà kur mazlazla ga. Gà ɓəzla meslire Yesuw nda gà ɓəzla məma à guma Mbulum ka, tar ti ne madzàha ga. Dite Yesuw Kiristi ka, ŋgat a ne madəŋ kur ana dəŋdəŋ a.

EFESIYA 2:20 ပူးပေါင်းရင်းမြစ်များ

Mata 16:18

Iye ihər i gweɗekiŋa: Kər ka, Piyer, kamala megweɗe ya ka, kuvəl. Ama i ti yehe a gər a gà mburma gà aka kuvəl ata kamala kur ana tì zlèzl a dər ga ya. Taŋa, gà ɓəzla mene are tar ka, ti sle a aà medzeye à tar tsa, ku mege ndzəɗa məməta tekeɗe, a sle a aà mimbè aà tar tsa mbaŋa.

Mata 21:42

Yesuw a gwaɗa a tar asa: «Kàa dzeŋgwim bazlam ana i wakita Mbulum a ti tsiye? A gwa ka: *fe*

1 Kurintiya 12:28

Kamala taŋa ya, na Mbulum a dzaya a tar a ba gà dzerisl pampam, na dite ku mege awara, ta geye a gà megemir ŋa ya. Malahalah ŋa ka, a ndzək gà asiŋ gà mìsle ŋgiɗ, a ne à tar gà ɓəzla meslire ŋgar. I dəba ŋa ya, a ndzək gà biy ŋgiɗ ka, gà na ta me a à guma ŋgar a. I dəba tar a asa ka, a ndzək gà mìsle ŋgiɗ pam, a ne à tar gà ɓəzla medzèŋgèyè bazlam ŋgar a mburma. Dite a ndzək gà biy ŋgiɗ asa, tar ka, ta ŋgat ndzəɗa i tar, aà megeye gà dukw mene aà mburma. Gà biy ŋgiɗ ibam, ti sle i tar ka, aà məmbàlà à gà mburma i dukw məməta tar a. Gà biy ŋgiɗ asa, tar ta ŋgat ndzəɗa i tar, aà mazlàkàyà mburma. Gà biy ŋgiɗ, tar ka, ta ŋgat ndzəɗa aà mandza ika miɗ mburma i təv mandza akaba ahəm. Dite gà naha i tar, ta ŋgat ndzəɗa ka, aà metsikeye gà ahəm ana tar tekeɗe, tə sər tsiye kuɗa.

GALATIYA 2:9

Gà Zakup nda Piyer, nda gà Yuhana ana ta fə̀rawa aà tar kamala gà bàba ŋa ika magər tar a ka, tar tə sər, Mbulum na a viliŋ megemir ata a ahər nda ndzer a. Aɗaba taŋa na ta vəl a mər ahər nda Barnabas ədəts lele, kamala megweɗe ya ka: Mege megemir mər ka, ilik na mi ŋgeyer ba ya. Mər nda gà tar na mì dza akaba bazlam, mì gwa, mìi de a, mìi ta ge a megemir ika magər gà na gà Yahuda tsiye ya. Ama tar ka, tə da a təv gà Yahuda.

EFESIYA 3:5

Aɗaba akahər ata ka, gà mburma tə sər dukw ata ka, makàhà ŋa tsa. Ama kinehe ka, Mbulum aka slərra Mezite Mesife ŋgar a, aà meɗìfè dər parakkà a gà ɓəzla meslire ŋgar a, nda gà ɓəzla məma à guma ŋgar ana a ndzək tar a.

KULUSIYA 2:7

Ndzum ka, i ahər ŋgar, kamala dizl ɗaf ana nduŋŋa meŋgè zlile ŋa i biye ya. Megìse kurum ana kə̀ gəsum ŋgat nda gəzləŋ a ka, ma da aka miɗ aka miɗ, ma ge ɓəŋɓəŋ lele. Gəsum ka, dukw ana ti ɗif a kurum dər a, dite ka, ki gwim kəkaaha a Mbulum kəla pat mbaŋa.

1 PIYER 2:6

Aɗaba mewetse ŋa a riŋ i wakita Mbulum ka, a gwa: «Tsarakum, i zla ka, ŋgwal kur ana ndzəɗa ŋa hinne, i tike a huɗ kwite ana tə zalar Siyuna ya. Aka kur ata na i zlèzle aaka a ga gà ya. Wur ana aka gəs nda gəzləŋ ŋgar a ka, madzala gà gər i təv ŋgar tsa.»*fa*

Sunwa Yuhana 21:14

Zlagam ata ka, madzàha ŋa nda gà kur kurwa gəra sula. Ta wetse ahər zləm gà ɓəzla meslire Mbulum ana kurwa gəra sula ya mbaŋa. Tar ka, gà ɓəzla mazazama Kəla Təmaŋ ata. Taŋa gà kur ata tserdze ya ka, zləm gà mburma ata ikəka ilik ilik tserdze.