EFESIYA 2:2 - Bible Zulgo

² Kà zazamawum ɗa ka, mede gà mburma ana ɗa ika gər ahəɗ a. Kà dzawum zləm ka, a Əbay gà sitene ana mandza ŋa aà gəza mbulum a. Əbay gà sitene ata na a riŋ a ge a mege megemir i ba gà mburma ana a sàs a tar medzè zləm a bazlam Mbulum tsidze ya.

EFESIYA 2:2 ပူးပေါင်းရင်းမြစ်များ

Mata 11:19

Ama iye, *wur ana a dara i təv Mbulum a, i dara ka, i zəmawa ɗaf, i sawa dukw ana makwàsà ŋa ya, ta gwa aà iye ka: Ama metsehe Mbulum a pèt a aba lele ka, nda təv megemir ŋgar ana a ge a ya.»

Mata 13:22

Gà mìsle ŋgiɗ pam asa ka, ti ndzikiɗ ba wur daw ata a dza aà huɗ adak a. Ti tsereke a bazlam Mbulum, ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar. Aɗaba taŋa gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.

Mata 13:38

Na a ne gùvàh ka, gər ahəɗ. Dite na a ne hwife daw ata ka, gà mburma ana ta gəs bazlam Mbulum, ti de a a mekwere ŋgar a. Tìzèmiŋ ka, gà na ta gəs bazlam sitene ya.

Markus 4:19

ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar, nda mege are aka dukw mburma tserdze. Aɗaba taŋa, gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.

Luka 16:8

Mala ga wele ata a dza zləm aka wirwir ana wele aaha a ge a ihər a ka, a ge ahər kamala dukw mene aà mburma ya. A gwa: Aɗaba gà asiŋ gà mburma ana kinehe ika gər ahəɗ tə sər Mbulum tsiye ka, tə tsàh hinne, ti dzele dukw ana a da aka miɗ a lele, nda masəra ba ika magər tar ilik ilik tserdze. Tə tsàh ka, tə za dər gà mburma ana i təv dzaydzay ŋa ya.»

Luka 22:31

I dəba ŋa ya, Yesuw a gwa asa: «Simun, Simun. Araha, Əbay sitene aka ŋgat vatwa aà medzìkè à kurum. A dzik a ikaba kurum a, kamala himbiɗ ana à dzik a ikaba gà dzəndzar nda daw a.

Yuhana 12:31

Kinehe ka, Mbulum a ge a seriye agəra gər ahəɗ aaha kuɗa. Kamala taŋa ya, a zle a Əbay aà Əbay gà mburma gər ahəɗ a, a delewe a ŋgat ŋa.

Yuhana 13:2

A pat ata i hawa ka, tar riŋ ti zim a akaba a ɗaf nda gà ɓəzla mazazama ŋgat. Taŋa Əbay sitene aka mbər mivile madzala gà gər a gəzləŋ a Yudas, kəla Simun Iskariyut, dite ka, ma ge ɗaf aà Yesuw.

Yuhana 13:27

Yudas a gəs ɗaf ata tsara ka, Əbay sitene a dar a gəzləŋ. Yesuw a gwaɗar: «Dukw ana a sàsak aà mege ya ka, ge aba ya kinehe tsəma.»

Yuhana 14:30

Kinehe ka, i tsik a kurum a duwa hinne asa tsa, aɗaba Əbay gər ahəɗ aaha aka à mendzera. Ama kə̀la ka, ndzəɗa ŋgar a riŋ aà mekwere iye tətsà.

Yuhana 15:19

Na mege kurum gà mburma ana ti zezem a gər ahəɗ a ka, ana ka, ta weye a kurum, aɗaba ana kà nwim gà mburma tar a. Ama kinehe ka, Yàa palara kurum i liwiŋ tar a, dite na kà nwim gà mburma tar asa tsiye. Aɗaba taŋa na gà mburma ana ti zezem a gər ahəɗ ti ne a kurum are ya.

Yuhana 16:11

Dite a ti ɗe a ter a dər asa mbaŋa ka, Mbulum na a ti ses a ikaba seriye tar a ya, aɗaba ti sir a ka, seriye aka mbər megìse Əbay gər ahəɗ aaha kinehe ya.

Yuhana 7:7

Kurum ka, gà mburma ti ne a kurum a are tətsà. Ama iye ka, ti niŋ a are, aɗaba ana i gwaɗawa, megemir tar ana ta ge ye a ka, lele tsiye.

Yuhana 8:23

Yesuw a gwaɗa a tar aaka asa: «Kurum kà wum ɗa ba ka, ika gər ahəɗ. Ama iye i dara ka, i gər ŋa ya. Kurum ka, gà mburma gər ahəɗ. Ama iye ka, mburma gər ahəɗ tətsà.

Yuhana 8:44

Tsir kurum ka, Əbay sitene. Ki gwim a tekeɗe ka, dukw ana a sasar a. Ŋgat mala makə̀ɗà mburma daga piŋŋe. Aka tsik dukw ana ndzer a ilik tsidze, aɗaba ana ndzer ŋgar a riŋ tsiye. I təv pàrsa ŋgar ata a sasa ya ka, hiywe a mətsawa i ŋgar ka, aà taŋa pəra, aɗaba ana ŋgat mala pàrsa, dite ŋgat tsir gà pàrsa ya asa.

Gà Ɓəzla Meslire 19:35

Zàkwayiya ka, mala makwàrà kə̀sà ata a gəs a tar aaba gər nda bazlam gireŋ, dite tə ndza ɗikɗik. I dəba ŋa ya, a gwaɗa a tar kuɗa: «Kurum gà mburma aaha i kwite Efesiya ya. Ku weke a sər ka, Efesiya na a ne kwite batsah ga məkəs mbulum Artemis ana iɗəm a. Dite na kinehe, ku weke ki zlìbekwe a à mendzikiɗe ba ŋgar ana a dəɗara i mbulum i gər ŋa ya.

Gà Ɓəzla Meslire 5:3

A da dərraha tsara ka, Piyer a gwaɗar: «Aàmala na kà zazam pàrsa *Sadan a? Aàmala na kà sàs pàrsa a Mezite Mesife Mbulum a, aɗaba ana kà ndzək mezehe siŋgwe gùvàh aaha a biy yak pam a?

RUMA 12:2

Ka tə zazamum mede gà mburma ana ta ge a dukw gər ahəɗ a tsa. Vəlum vatwa a Mbulum ivaɗ, ma da a gəzləŋ kurum, mə̀ mbəɗ dər, na dite ŋgiletittè ki nwim a gà awiya ŋa ya. Kamala taŋa ya na ki sirwim a dukw ana Mbulum a waya ya. Kamala megweɗe ya, ki sirwim a dər ka, dukw ana ŋgwal ŋa, a tsahən ahər, a de a ndaka vatwa ŋa kalkal a.

1 Kurintiya 5:10

I tsik taŋa ka, agəra gà mburma ana tə sər Mbulum tsiye tsa. Aɗaba gà ɓəzla mege mezelme nda gà ɓəzla məburnun, nda gà ɓəzla akəl nda gà na tə dzawa gurmits a bəɗ ika miɗ gà dukw ana ti neye dər mbulum tar a ka, tar ika mege dukw gər ahəɗ dukw tar. Na mege ki giswim a mendze nda gà tar tsəka, ana ka, bàlaarì, ki ndzwim a à gər kurum i kusak pam.

1 Kurintiya 6:11

Akahər ata piŋŋe ka, gà mìsle ŋgiɗ ika magər kurum ta gewa gà dukw ata mbaŋa. Ama kinehe ka, Mbulum aka bara gəzləŋ kurum tsəɗaŋŋa lele. A ne à kurum gà mburma ŋgar gà tsəɗaŋŋa ŋana, ti ne gà ŋgwal ŋa ika miɗ ŋgar a. A ge dər kamala taŋa ya ka, aɗaba ana kə̀ gəsum Yesuw Kiristi BATSAH kwa ŋa nda gəzləŋ kurum a, dite ka, Mezite Mesife ŋgar ibam, mandza ŋa i gəzləŋ kurum mbaŋa ya.

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

GALATIYA 1:4

Yesuw Kiristi a mət ka, aɗaba kwa, na dite Mbulum a pəl a kwa dər à bakal gər ahəɗ aaha ŋgwala tsiye, dite mà fàr aka kwa ndzəɗa asa tsa. A ge dər kataya ka, kamala ana Mbulum Tsir kwa a waya ya.

EFESIYA 1:21

I dəba ŋa ya, Yesuw a ndza a fata ka, a kwere a gà gawla Mbulum nda gà Əbay tar, dite nda gà dukw ana tserdze ndzəɗa tar a riŋ hinne i gər ŋa ya. Maɗə̀và zləm ŋgar ka, a za dər biy gà mburma ana ika gər ahəɗ ana kinehe ya, nda biy ana a dere a ika miɗ a tserdze.

EFESIYA 2:11

Aɗaba taŋa iye ihər i tsik a kurum ŋa, ma ta məts a kurum gər tsa: Dzalum aka mendze kurum ana piŋŋe kà ndzum ɗa ya. Kurum ka, gà Yahuda tsa, gwala kurum ka, pam. Gà Yahuda ka, gà masàsà ŋa fit. Tə zalawa a kurum ka, gà Kirde. Ama ti tsik taŋa ka, aà dukw ana ɗa i bəra gà mburma ta ge a nda ahər tar a pəra.

EFESIYA 2:13

Akahər ata kurum ka, diriŋ nda Mbulum. Ama kinehe ka, kurum mandza ŋa i təv ilik ŋa nda gà Yesuw Kiristi. Kurum ka, diriŋ nda Mbulum asa tsa, aɗaba ana Yesuw Kiristi a dza à məmbəz ŋgar ka, agəra kurum a.

EFESIYA 2:3

Akahər ata piŋŋe ka, kwa tserdze kà gawakwa ɗa ka, kamala tar a mbaŋa. Kì gewakwa ka, gà dukw ana ŋgwal ŋa tsa, a sàs a kwa ya. Kà dzalawakwa ka, aka mege gà dukw ana a da a kwa gər a ɗekɗek. Agəra taŋa na seriye Mbulum a ta gis a kwa zləmana ŋa kamala gà mìsle ŋgiɗ a.

EFESIYA 4:17

Dukw ana i tsik a kurum a ya ka, nda zləm BATSAH kwa ŋa. Ama iye ihər ge a kurum a kamkam, aà megweɗe a kurum ka: Kà zazamum mede gà mburma ana tə sər Mbulum tsiye asa tsa.

EFESIYA 4:22

Kamala taŋa ya, miyakum à mede ana kà zazamawum ɗa akahər ata ya. Aɗaba mede ata ka, a nəsawa a kurum à gəzləŋ, agəra gà meèweke ana ta bazawa a kurum za ya.

EFESIYA 5:6

Aɗaba gà dukw ata ka, ŋgwal ŋa tsa fit, Mbulum a ge a arəv aà gà mburma ana ta gəs bazlam ŋgar tsiye. Aɗaba taŋa, wura ma ta baza a kurum za nda welewele bazlam ana taf masakəŋa ya tsa.

EFESIYA 5:8

Akahər ata ka, kurum mandza ŋa i luvuŋ. Ama kinehe ka, kurum i təv dzaydzay ŋa, aɗaba ana kurum mandza ŋa i təv ilik ŋa nda gà BATSAH kwa ŋa ya. Aɗaba taŋa, zazamum mede gà mburma ana i təv dzaydzay ŋa ya.

EFESIYA 6:12

Ama gùvəl ana ki gekwe a ya ka, nda gà mburma məfàrà ŋa tsa. Ki gekwe a ka, nda gà dukw ana ika magər gà mbulum nda gər ahəɗ, a ŋgeterebe a tsa, ndzəɗa tar riŋ hinne ya. Kamala megweɗe ya, nda gà sitene, nda gà Əbay tar ana tserdze tar ihər ta kwere a gər ahəɗ aaha manəsa ŋa ya.

KULUSIYA 1:21

Akahər ata ka, kurum tekeɗe, kurum mandza ŋa diriŋ aà Mbulum a, ka nwim gà ɓəzla mene are ŋgar, aɗaba madzala gà gər kurum ana ka dzalawum ŋgwala tsa, dite nda gà dukw ana ki gewim ŋgwala tsiye asa mbaŋa.

2 TIMUTE 4:10

Aɗaba Demas ka, aka miyak à iye, agəra ana a sasar dukw gər ahəɗ hinne, a be a ŋgat i gəzləŋ a. Aka da a kwite Tesalunike. Ama Kereskes ibam, aka da aka ahəɗ Galatiya. Dite Titus tekeɗe, aka da aka ahəɗ Dalmatiya mbaŋa.

YAKUBA 1:27

Dukw ana Mbulum Tsir kwa ana i gər ŋa a waya ki zezemekwe a nda ndzer ŋa ya ka, araha: Mege gər a gà ɓəzla matawak ana wur tar a riŋ tsiye, nda gà madakwa gà məkəs ana ti sèwèr a are hinne ya. Dite wur ana a ge a kataya ka, ma kasla ba ŋgar mbaŋa, i təv gà bakal ana ika gər ahəɗ ti sle aà mibene a ŋgat asa tsiye.

YAKUBA 1:7

Ama wur ana kataya ya ka, ma ta gwa ka, i ŋget a duwa i təv Mbulum a tsa.

YAKUBA 4:4

A kurum ana ki gwim a duwa kataya kamala gà ɓəzla muva ya, kà sərum ti tsiye, na wura aka waya dukw gər ahəɗ hinne ka, ŋgat a ne mala mene are Mbulum a? Aɗaba taŋa na wura à gis a masla nda gər ahəɗ ka, ŋgat a ne mala mene are Mbulum ivaɗ.

1 PIYER 1:14

Gə̀sawum ahəm aà Mbulum, kamala gà ɓəza ana ta gis a ahəm aà gà tsir tar a. Akahər ata ka, kà sərum dukw ana ndzer ŋa ya zukw tsa. Kà wayum dukw ana ŋgwal ŋa tsiye ka, hinne. Ama kinehe ka, ka tə zazamum gà dukw ata asa tsa.

1 PIYER 4:3

Mendze kurum ana ki ndzwim a ya ka, ka ta mətsum aà mege dukw ana gà na tə sər Mbulum tsa, ta gewa ya asa tsa, ide na taŋa ya. Aɗaba piŋŋe ka, kurum i bakal məburnun, nda meèweke, nda gà masà guzum ndzìrèffe ndzìrèffe, nda gà məmətsa aà megirive kəla pat, nda mazàmbàɗà à gà fəla kurum ana a tsahən aà Mbulum tsidze ya.

2 Piyer 2:14

Tar ta waya ka, məfə̀rà aà gà məkəs ɗekɗek pəra. Meèweke ba a be a tar i ba tar ka, hinne. Mege bakal a tsahən aà tar ka, hinne, ti ye a ba tsidze. Tàa ŋgat a wur ana ika vatwa Mbulum, ndzəɗa ŋgar a riŋ tsiye ka, ta bene a ŋgat, dite mà dəɗ a bakal kamala tar a mbaŋa. Tar ka, tàa mbər mesinike ba à mege are aka dukw mburma, nda mege pərzəz hiywe pəra. Medzìbe gà mburma ata ka, seriye Mbulum ika gər tar ndzer.

1 Yuhana 3:10

Ama wur ana a gewa dukw ana ŋgwal ŋa tsiye ika miɗ Mbulum, kige tsa a waya mburma tsəka, ŋgat ka, mburma Mbulum tsa. Kamala taŋa ya na ki sirekwe a dər ikaba ya, naha ka, gà ɓəza Mbulum, kige tsa gà ɓəza Əbay sitene ka, aà gà dukw ata ta geye a ya.

1 Yuhana 3:8

Ama wur ana aka miyak à mege bakal tsiye ka, ŋgat ka, i ahər Əbay sitene, aɗaba Əbay sitene ata a gewa ka, bakal daga aà gər ana ta ge gər ahəɗ a. Aɗaba taŋa na Yesuw Kiristi a dara aka gər ahəɗ a ka, aà medzeye à megemir Əbay sitene ata seyiŋ.

1 Yuhana 4:4

Gà ɓəza gà, kurum kàa nwim ka, gà mburma Mbulum, kàa pazum aba gà ɓəzla məma à guma Mbulum ata nda pàrsa a bəɗ a. Aɗaba Mezite Mesife Mbulum ana i təv kurum a ka, a za mezite mesife ana i təv gà mburma gər ahəɗ a, nda ndzəɗa kweleŋ fètìte.

1 Yuhana 5:19

Kà sərakwa dər, kwa ka, gà mburma Mbulum. Ama gà asiŋ gà mburma gər ahəɗ tserdze ka, i ahər Əbay sitene.

1 Yuhana 5:4

Aɗaba gà na ti ne gà ɓəza Mbulum a tserdze, ku mege weke tekeɗe ka, a sle a aà məmbà aà dukw bakal gər ahəɗ. Dite meme na ki mbèkwe ahər a ya? Ama ki mbèkwe ahər a ka, nda megìse kwa ana kə̀ gə̀sakwa Yesuw Kiristi ya.

Sunwa Yuhana 12:9

Ti yàra iɗəm batsah kə̀rəm ata a bəra ya. Ŋgat ka, miviye mesiwiɗ ana akahər ata a banawa ɗa gà mburma ika gər ahəɗ a. Tə zalar ka, Əbay sitene, kige tsa *Sadan. Kùtsùkw ti yàra iɗəm ŋgat aka gər ahəɗ a, tə dzara à tar a ka, nda gà gawla ŋgar ata ya tserdze.

Sunwa Yuhana 13:14

Agəra ana ta vəlar ndzəɗa aà megeye gà dukw mene aà mburma ata ika miɗ malahalah dukw dala ata ya ka, a bana dər gà mburma gər ahəɗ. A gwaɗa a tar: «Gwim mendzikiɗe ba malahalah dukw dala ata ta ger mbəlak nda màsalamà ka, dite a mbəl iɗəm a. Kà zàmbaɗum à ŋgat.»

Sunwa Yuhana 13:8

Gà mburma ana ika gər ahəɗ a tserdze, ti ti dzèyer a gurmits a bəɗ. Ama say gà mburma ana tàa wetse zləm tar aka wakita gà na ta ŋget a mesife ya, na tì dzer a gurmits a bəɗ tsiye. Ama tar ka, tàa wetseye gà zləm tar daga aka ana tàa ge gər ahəɗ zukw tsiye ya. Wakita ata ka, biy Kəla Təmaŋ ana ta kəɗ a.

Sunwa Yuhana 16:17

I dəba ŋa ya ka, gawla Mbulum matəsəla ŋana a daha, a dza à dukw ana i tasà ŋgar a, a himbiɗ aà gəza mbulum. A dza dər aba ya ka, mifefile duwa a ɗera nda magala ya ŋgəlakəkka i təv mendze Əbay Mbulum i ga Mbulum batsah ŋa ata ya. A gwa ka: «Aka ndəv.»

Sunwa Yuhana 20:2

A daha, a gəs *kə̀rəm ata, kamala megweɗe ya ka, mesiwiɗ ana akahər ata piŋŋe ya. Ŋgat ka, Əbay sitene, zləm ŋgar ka, *Sadan. I dəba ŋa ya, hə̀ndə̀sl a dàn dər ŋgat. A ndza i medènè mive dəbuw.