EFESIYA 2:15 - Bible Zulgo

¹⁵ Aka mbete à məpala ahəm gà Yahuda ana piŋŋe ta gwaɗawa ka: «Ge naha,« kige tsa «ge naaka» ya. I dəba ŋa ŋa ya, a gaw akaba tar nda gà mburma ana gà Yahuda tsiye, fit a təv ilik ŋa. A gaw akaba tar ata ka, tar ka, gwala sula asa tsa. A ne à tar ba awiya ŋa, gwala ilik pəra, aɗaba ana tar mandza ŋa i təv ilik na nda gà ŋgat a. Kərga taŋa ya, a zla a tarra mendze lele aka magər a.

EFESIYA 2:15 ပူးပေါင်းရင်းမြစ်များ

2 Kurintiya 5:17

Aɗaba wur ana mandza ŋa i təv ilik ŋa nda Kiristi ya ka, aka ne mburma awiya ŋa. Mendze ŋgar ana piŋŋe ya ka, a riŋ asa tsa. Aka mbəɗ aba awiya ŋa.

GALATIYA 3:10

Ama gà na ta gweɗe a ka, waytsà mìi ne a gà ŋgwal ŋa ika miɗ Mbulum, aɗaba ana mìi ge a dukw ana məpala ahəm a tsik a mər a ka, mezelme Mbulum ika gər tar. Aɗaba ta wetse i wakita Mbulum ka, ta gwa: «Na wura a zazamawa gà məpala ahəm ana ta wetse i wakita pampam tserdze ya tsəka, mezelme Mbulum ika gər ŋgar.»*fc*

GALATIYA 3:28

Na bəla kər gà Yahuda, kige tsa bəla kər gà Yahuda tsəka, à lèh a duwa asa tsa. Kige tsa na bəla kər ka, ɓele, nda gà bəla kər ihər ki ziwe a gər yak tekeɗe ka, pampam tsa. Nda gà bəla kər asləka ŋa, kige tsa asa, kər məkəs ŋa ka, pampam tsa mbaŋa. Kamala taŋa ya, kurum tserdze kà nwim ka, ba ilik, aɗaba ana kàa gawum ba nda gà Yesuw Kiristi ya.

GALATIYA 6:15

Aɗaba na wura masàsà ŋa, kige tsa bəla masàsà ŋa tsəka, a tsik a duwa tsa. Na ge a ŋgulum ka, say na ki nekwe a gà mburma ana tàa ŋgat mesife awiya ŋa i təv Mbulum a ya.

EFESIYA 2:10

Aɗaba ŋgat na a ge kwa ya. A vəl a kwa mesife awiya ŋana nda ahər Yesuw Kiristi, dite ki gekwa dər megemir ŋgwal ŋana. Mbulum a ge aba megemir ata ya daga piŋŋe ka, dite kwa ka zazamakwa ndaka vatwa ŋa lele.

EFESIYA 2:14

Ŋgat na a zlakwara mendzeye lele aka magər kwa ya. Aɗaba piŋŋe ka, gà Yahuda nda gà na gà Yahuda tsiye ka, dzə̀ɓar ika magər tar pampam. Ama kinehe ka, aka sər ba à kwa, aka gaw akaba kwa a təv ilik ŋa kuɗa. Aɗaba piŋŋe ŋa ata ka, mene are ika magər kwa, kamala zlagam a. Ama kinehe ka, Yesuw Kiristi aka mbazla dər iɗəm nda məməta ŋgar a.

EFESIYA 2:16

Aka mbete à mene are ana ika magər tar a, nda məməta ŋgar ana aà dizl magə̀làwà ŋa ya. A gaw akaba gà gwala ata sula ya, a ne à tar ba ilik. Dite a sər ba aà tar nda gà Mbulum.

EFESIYA 4:16

Ŋgat na a gaw akaba gà mburma ŋgar fit a təv ilik ŋa, ti ne ba ilik, kamala dzerisl ba ana a gaw akaba slu ba mburma ya. Na dukw ana aà ba mburma tserdze a ge a megemir lele ka, asiŋ ba tekeɗe, a de a lele. Kərga taŋa ya, na gà mburma Yesuw Kiristi ya mbaŋa. Na gà mburma ata tàa waya ba ilik ilik tserdze ka, taŋa tì sìkèhiŋa, dite ti de a aka miɗ aka miɗ.

KULUSIYA 2:14

Akahər ata piŋŋe ka, seriye Mbulum aka gəs kwa, aɗaba ana kàa zazamakwa məpala ahəm ŋgar tsiye. Ama i dəba ŋa ya ka, Mbulum a taya iba wakita ana a wetse aɗəm bakal kwa ya, a ndwandway aà dizl magə̀làwà ŋa, kamala megweɗe ya: Seriye ika gər kwa asa tsa.

KULUSIYA 2:20

Kurum kà sərum ka, kàa matum akaba nda gà Yesuw Kiristi a təv ilik ŋa. Kamala taŋa ya ka, gà sitene ta kwere a kurum asa tsa. Assàh, na kataya ana, aàmala na ki ndzwim a kamala kurum gà mburma ana ti zezem a gər ahəɗ a hiywe mba ya? Dite aàmala na ki zezemwim a gà məpala ahəm ata, ta gweɗe a kurum a ka:

KULUSIYA 3:10

Kàa ŋgatum mede ana awiya ŋa ya ivaɗ. A ne ka, kamala awiya petek ana ŋgulàɗə̀ɗɗa kà dzum akaba ya. Mbulum na a vəl a kurum madzala gà gər ata ya. A riŋ a ne a dər awiya ŋa kəla pat, na dite ki nwim a kamala ŋgat a ya. Dite ka, ki ti sirwim a ŋgat lele, à sìkèh a aka miɗ aka miɗ mbaŋa.

KULUSIYA 3:11

Aɗaba taŋa, duwa a riŋ na à dzik a ikaba kurum a pampam a asa tsa. Gà Yahuda nda gà na tar gà Yahuda tsiye ka, tar ka, ilik. Gà mburma ana tə sasa ba ya, nda gà na tàa sasa ba tsiye tekeɗe, pam tsa asa. Na mege kurum ka, gà slele, kige tsa, gà mburma ana i kusak tə sər duwa tsiye, nda gà bəla gà ɓele, kige tsa gà mburma ana ti ziwe a gər tar a tekeɗe, ar ka, pampam tsa asa mbaŋa. Mbulum à dzèye a ikaba tar a pampam asa tsəka, aɗaba ana Yesuw Kiristi a kwere a tar tserdze ya. Dite ŋgat asa na a riŋ mandza ŋa i gəzləŋ gà mburma ata a kwere a tar, ti ne gà biy ŋgar a.

KULUSIYA 3:15

Matasla yam ana Yesuw Kiristi a vəl a kurum a ka, mà rah a gəzləŋ kurum lele. Aɗaba Mbulum a zal a kurum ka, na dite kà nwim ba ilik, ki ŋgetwim a mandza zayzay ata ya. Gwim kəkaaha a Mbulum kəla pat.

IBƏRANIKWA 7:16

A ne mala mandəva kuɗa a Mbulum ka, ndaka vatwa məpala ahəm gà mburma ana tə zazaɗawa dər a asa tsa. Mbulum a ne à ŋgat mala mandəva kuɗa ŋgar ka, aɗaba ana ndzəɗa ŋgar a riŋ, ŋgat ka, a ndze a aà bəra aà biybiy a.

IBƏRANIKWA 8:13

Kamala taŋa ya na Mbulum a fàfəl aka gər masəra ba ana à gis a ba awiya ŋa ya. A tsik kataya ka, kamala megweɗe ya: Malahalah masəra ba ata ta gəs ba ya ka, ndzəɗa ihər asa tsa, aka ne dər miviye ŋa. Ama kà sərakwa, dukw ana miviye ŋa ya ka, a ge a ŋgulum asa tsa, kwiɗèy aka à mendìve.

IBƏRANIKWA 9:23

Kà sərakwa, gà dukw ata tə zàmbaɗawa dər à Mbulum akahər ata ya, a ne ka, mendzikiɗe ba dukw ana ndzer ŋa i mbulum a ɗekɗek pəra. Ta barawa gà dukw ata tserdze ya ka, nda məmbəz gà dukw ata ta batsawa a Mbulum a. Ama gà dukw ana ndzer ŋa i mbulum a ka, məbatsa gà dukw ata ta batsawa ya, a ge a ŋgulum tsa. Say ta viler a ka, dukw ana à zè a taŋa ya, kamala megweɗe ya: Yesuw Kiristi ana a vəlar ba ŋgar a.