EFESIYA 2:12 - Bible Zulgo

¹² Ma ta məts a kurum gər tsa: Akahər ata ka, kà sərum ɗa Yesuw Kiristi tsa. Kurum ka, gà mbəlakw məfàrà ŋa ana ika magər gà Yahuda ana tar gà mburma Mbulum a. Mbulum aka tsik duwa a gà mburma ŋgar ata. Aka mbər megweɗe a tar ka: «I vile a kurum a duwa i sida ya.» Ama kurum gà mbəlakw ka, kurum iɗəm tsa. Kàa slwim madzala aka duwa a təv Mbulum tsidze. Kurum ɗa ika gər ahəɗ ka, kàa sərum ɗa Mbulum tsa.

EFESIYA 2:12 ပူးပေါင်းရင်းမြစ်များ

Luka 1:72

Agəra ana a gwa, a sèsiŋ mege ŋgwal ŋa a gà tsir kurum a, dite ka, i ge a tar dukw ana i tsik a tar i sida ya.

Yuhana 10:16

Gà təmaŋ gà ŋgiɗ a riŋ i dagara aaha zukw tsa. Ama say i yehere a tar a mbaŋa. Ti ti dze a zləm a mifefile gà. Ta gew a ba a təv ilik ŋa. Ti ne akaba a palam ilik, mala makəva tar tekeɗe, ilik mbaŋa.

Yuhana 15:5

Iye i ne ka, kamala dizl ɗaf ata ya, dite kurum kà nwim ka, gà ɓəza ahər ŋana. Wur ana a ndze a i təv ga, iye tekeɗe, i ndze a i təv ŋgar a ka, ŋgat a ne ka, kamala ahər dizl ɗaf ata a we a hinne ya. Ama wur ana a ndze a i təv gà tsiye ka, a sle a aà mege duwa ilik tsidze.

Yuhana 4:22

Kurum gà Samariya ka, kà sərum wele ana ki dzwìmer a gurmits a bəɗ a nda ndzer tsa. Ama mər gà Yahuda ka, mì sər wele ana mìi dzer a gurmits a bəɗ a. Aɗaba wele ana a mbil a à mburma ya ka, a dere a ka, i təv gà Yahuda ya.

Gà Ɓəzla Meslire 2:39

Aɗaba Mbulum a vəl Mezite Mesife ŋgar ata i sida ya ka, agəra kurum aaha nda gà ɓəza kurum a, dite agəra gà mburma ana tserdze, ti ndze a ku mege i təv diriŋ a ya asa mbaŋa. Ama a vile a ka, ku mege i ŋga, a gà na Mbulum BATSAH kwa ŋa a zel a ter a ya tserdze.»

Gà Ɓəzla Meslire 28:20

Taŋa na i wiz kurum aà metsìkè a kurum a zləm kurum te ya. Iye ihər i zle a tsitsirɓe aaha ka, aɗaba iye ihər i ge a meslire wele ana gà mburma Isərayel tə dzalawa a təv ŋgar a.»

Gà Ɓəzla Meslire 3:25

Aɗaba dukw ana Mbulum a tsik aba i sida ya, a gwa nda ahər tar, i ta vile a ya ka, agəra kurum. Dite kurum tekeɗe, i masə̀ràba Mbulum ana a waya ɗa gà batsah tsir kurum a. Aɗaba a gwaɗa a Abəraham ka: *fb*

RUMA 9:8

Kamala megweɗe ya, i liwiŋ gà ɓəza ana Abəraham a wa tar a fit tsa, na ti ne a gà ɓəza Mbulum a. Aɗaba Mbulum a gwa: «Say gà na ta wa tar aɗaba dukw ana i tsik i sida ya, na i ɗeme a i liwiŋ gà ɓəza ŋgar a ya.»

GALATIYA 4:8

Aka ana kà sərum Mbulum tsiye ka, kurum kà nwim gà ɓele gà dukw ana pampam a, tsəka, biy Mbulum ndzer ŋana tsa.

EFESIYA 2:19

Aɗaba taŋa kurum ana gà Yahuda tsiye ka, gà mbəlakw nda gà slele asa tsa. Ama kurum ka, kàa nwim gà ɓəza gà kwite ana ika ahəɗ ata ya, ilik nda gà mburma Mbulum. Aɗaba kurum kinehe tekeɗe ka, kàa nwim gà asiŋ ŋgar asa kamala tar a mbaŋa.

EFESIYA 4:18

Madzala gà gər tar ka, i luvuŋ. Tə sər dukw ana ndzer ŋa ya tsa. Mesife awiya ŋa ana Mbulum a vəl a ka, a riŋ i təv tar tsidze, aɗaba ana kuvəl i zləm tar a, ndàasun ŋana ka, na tə sər duwa tsidze ya.

KULUSIYA 1:21

Akahər ata ka, kurum tekeɗe, kurum mandza ŋa diriŋ aà Mbulum a, ka nwim gà ɓəzla mene are ŋgar, aɗaba madzala gà gər kurum ana ka dzalawum ŋgwala tsa, dite nda gà dukw ana ki gewim ŋgwala tsiye asa mbaŋa.

KULUSIYA 1:27

A waya meɗìfè a tar dər ka, à dukw ana ŋgwal ŋa ndzer, a za dukw tserdze ya, dite ka, à zlèk a gà mburma tserdze, ku mege i ŋga tekeɗe ya. Na a ne dukw ata makàhà ŋa piŋŋe, dite araha, a pàt aba kinehe ya ka, Yesuw Kiristi na a riŋ mandza ŋa i gəzləŋ kurum a. Aɗaba taŋa, kàa tikwim madzala gà gər kurum a təv mezlibe ŋgar ana ti zlibe a à ŋgat a, ka sərum ka, ki ndzwim a a fata ndzer.

KULUSIYA 1:5

Kurum ihər ki gwim a kamala taŋa ya ka, aɗaba ana kà tikwim madzala gà gər kurum aka ŋgwal dukw ana Mbulum a tike a kurum aba ya, i təv ŋgar i gər ŋa, kà sərum ka, ki ta ŋgetwim a ya. Ti ɗif a kurum à dukw ata Mbulum a gwa, i tike a aba ya aɗaba kurum a ka, i təv ana kà tsarakum bazlam ŋgwal ŋana ndzer a.

1 TESALUNIKE 4:13

Gà damər mər, a sàs a mər ka, sərum duwa aka gər gà məməta. Aɗaba arəv ma ta da aà kurum a kamala gà na ta veve a Yesuw tsiye tsa.

1 TESALUNIKE 4:5

Ki ndzwim a nda gà tar ka, kamala meèweke ba kurum ana ŋgwala tsa, dzə̀lùwùwùrwùr a kwere a kurum a tsa. Aɗaba na a gewa kamala taŋa ya ka, gà mburma ana tə sər Mbulum tsiye. Ama kurum ka, ki gwim dər kamala taŋa ya tə tsa.

2 TESALUNIKE 2:16

Aɗaba Mbulum Tsir kwa a waya kwa. A ge a kwa ŋgwal ŋa. A vəl a kwa madzala gà gər aka ŋgwal dukw ana ka sərakwa, ki ta ŋgetekewe a aka miɗ mba ndzer a. Kamala taŋa ya, a riŋ à me a kwe a dərraha à arəv hiywe. Mìi hemer a ka, a tar nda Yesuw Kiristi BATSAH kwa ŋa,

1 TIMUTE 1:1

Na a wetse wakita aaha ka, iye Pul, mala meslire Yesuw Kiristi. Gà Mbulum, mala məmbə̀là à kwa, nda Yesuw Kiristi ata, wele ana kà sərakwa nda madzala gà gər kwa ka, a ta ge a dukw ana aka mbər metsìkè a kwa ya, na tə slərra iye ya ya.

IBƏRANIKWA 11:34

Tàa ndza a təv akwa ana a wene a nda ndzəɗa ŋgarŋgar a. Ama ka, akwa ata siyèkw a mbete. Duwa kwizikw aka ge a tar tsidze.*fw* Tàa beye aà gà ɓəzla mene are tar ana tə ndzahaya tar màsalamà aà məbatsa dər tar a mbaŋa. Ku mege malahalah ŋa ndzəɗa tar a riŋ tsa tekeɗe, tàa ne gà ɓəzla ndzəɗa kuɗa. Ti ne gà na ti slewa aà mege gùvəl a, na dite tə dalawa gà sliwdze gà bərakə̀zəm tar ana tə dara ika ahəɗ ŋgiɗ a ya.

IBƏRANIKWA 6:18

A sasar a tsik aba i sida ya dzekwiŋ, dite i dəba ŋa ya, a mbaɗa asa. A tsik aba ya kataya ka, aà tə sər dər, gà dukw ata a tsik sula ya ka, à me a a dəba tsidze. Mbulum a sle aà mesèse a pàrsa tsa. Gà dukw ata ta mèkwehe a à arəv, a kwa ana kà valakwa a təv ŋgar kamala mendzikwir ana a vel a aà huɗ məmər ŋgar aà məmba ya. Dite ka, ki ndzekwe a nda magəsa gəzləŋ ɓəŋɓəŋ lele. Ki vevekwe a dukw ana Mbulum a tsik a kwa i sida ya, a gwa, a ta vile a kwe a ya.

IBƏRANIKWA 8:6

Ama kà samatakwa kinehe Yesuw a ge a megemir ka, a za dər megemir gà ɓəzla mandəva kuɗa a Mbulum ata ta gewa ya hinne. Kamala taŋa ya tekeɗe, masəra ba ana Yesuw a sər dər ba à gà Mbulum nda mburma, ta gəs ba ya ka, ŋgwal ŋa hinne, a za dər masəra ba ana tə sər ba akahər ata ya mbaŋa. Aɗaba dukw ana Mbulum a tsik a kwa i sida ya, a gwa, i ta vile a kurum a ya ka, a za dər dukw ana a tsik piŋŋe, kə̀ ŋgatakwa ya.

1 PIYER 1:21

Kə̀ gəsum Mbulum nda gəzləŋ kurum ka, aɗaba ŋgat, ŋgat ana Mbulum a mbəl dərra i məməta ya, dite a vəlar mezlibe ana gà mburma tì zlibe a à ŋgat hinne ya. Aɗaba taŋa ki slwim a aà məvəla gəzləŋ kurum a Mbulum ilik, na dite ki sirwim a dər ka, a ta mbil a kurum mbaŋa ya.

1 PIYER 1:3

Zàmbaɗakwa à Mbulum tsir Yesuw Kiristi BATSAH kwa ŋa. Ka ndzekwar are tsehe hinne, na dite a vəl a kwa mesife awiya ŋa ya. Kə ŋgatakwa ka, aɗaba Yesuw Kiristi ana a mbəlara i məməta ya ya. Agəra taŋa na kà sərakwa i gəzləŋ kwa ka, ki ta mbilekwere a i məməta ya mbaŋa ya.

1 PIYER 3:15

Ama zàmbaɗum à Yesuw Kiristi i gəzləŋ kurum. Ŋgat ma ne Batsah kurum ŋa.*fb* Hadzalum ba kurum kəla pat, na dite ki slwim aà mifefile a ter aaka a, a gà na ta wiz aà kurum a gà bazlam pampam tserdze, ta gweɗe a kurum a: «Aàmala na kà tikwim madzala gà gər ka, a təv Yesuw Kiristi ya?»

1 Yuhana 3:3

Ku weke na aka tike madzala gà gər ŋgar a təv Yesuw Kiristi ana a ge a duwa kamala taŋa ya ka, a kesle a ba ŋgar i təv gà bakal a tserdze, kamala Kiristi ana aka ge bakal tsiye mbaŋa.