EFESIYA 1:5 - Bible Zulgo

⁵ Aɗaba Mbulum a waya kwa. Aka tsik daga piŋŋe, a gwa, i ti ne a à tar gà ɓəza gà nda ahər Yesuw Kiristi. Aɗaba taŋa na a ne bazlam ŋgar ana a dar a gər a.

EFESIYA 1:5 ပူးပေါင်းရင်းမြစ်များ

Mata 1:25

Ama tàa həna nda ŋgat tsa, haa a pat ana a wara iɗəm kəla ata Yasufa a zeler a Yesuw a dzekwiŋ.

Mata 11:26

Kataya Tsir gà, lele na ki ge a taŋa ya. Taŋa ka, kamala ana a sàsabak nda gər yak a.»

Luka 10:21

Aləka i dəba bazlam ata ya tsara ka, Mezite Mesife Mbulum a rah a ba a Yesuw nda maŋgayaba hinne. A hama a Mbulum, a gwaɗar: «A kər Tsir ga, kər ana ki kwere a gà gəza mbulum nda gər ahəɗ a. Iye ihər i gek a kəkaaha, aɗaba kər ka, kàa kaha duwa aà gà ɓəzla metsehe ya, nda gà na tə sər duwa hinne ya. Ama kinehe ka, kər ihər ki ɗif a dər a gà na tə sər duwa tsiye. Kataya Tsir gà, lele na ki ge a taŋa ya. Taŋa ka, kamala ana a sàsabak nda gər yak a.»

Luka 11:32

A pat seriye Mbulum ka, gà mburma ana i kwite Ninive ya, ti dere a, ta hitse a aka miɗ gà mburma aaha kinehe ya, dite ta me a ter a à bakal mbaŋa. Aɗaba akahər ana Yunas a be a tar à ɗaf a ka, tàa mbəɗ à madzala gà gər tar. Ama tsaatsa wur ana ɗa i faha, ki ŋgetwimer a kinehe ya ka, a za Yunas asa mbaŋa. Ama kurum ka, kàa dzumar zləm tsa.»

Luka 12:32

A kurum palam gà təmaŋ ana hinne tsiye: Ki gwim magəɗa tsa, aɗaba Mbulum Tsir kurum aka ŋgaya ba aà məvəla kurum təv mendze i mekwere ŋgar.»

Yuhana 1:12

Ama gà asiŋ ŋa kə̀la ka, ta waya ŋgat, tàa gəs ŋgat nda gəzləŋ tar lele. Tar ka, aka vəl a tar vatwa aà mene gà ɓəza Mbulum.

Yuhana 11:52

Ama kə̀la ka, agəra tar ɗekɗek tsa, agəra gà mburma ana tar gà ɓəza Mbulum, tə dzaya ba vatwa sweyèh sweyèh ika gər ahəɗ tserdze ya mbaŋa. Dite ti yahaba gər a təv ilik ŋa, ti ne ba ilik.

Yuhana 20:17

Yesuw a gwaɗar: «Kə̀ gəs ba aà iye tsa, aɗaba Yàa tsəl a təv Tsir gà zukw tsa. Ama ka, ka ta gwaɗa a gà damər ga ka, i tsil a a təv Tsir gà ana Tsir kurum mbaŋa ya. Ŋgat na Mbulum gà ya, dite biy kurum mbaŋa asa ya.»

Gà Ɓəzla Meslire 13:48

Aləka gà mburma ana tar gà Yahuda tsiye, tə tsaraka mifefile ata ka, ta ŋgaya ba hinne, dite tə dza ba aà mazàmbàɗà à bazlam Mbulum BATSAH kwa ŋa. Ama gà mburma ana Mbulum a pala tar, a vile a ter a mesife ana à ndìv a tsa aà biybiy ya ka, ta gəs bazlam ata nda gəzləŋ ilik tsara.

RUMA 8:23

Ama ka, zləma gà dukw ata ɗekɗek tsa, na ti sèwèr a are ya. Kwa ana Mbulum a lah mivile a kwa Mezite Mesife ŋgar a tekeɗe, kwa ihər ki bèsekwe a i gəzləŋ kwa mbaŋa. Kà wayakwa pat ŋa ma ndzera ka, bise na Mbulum a ti ne a à kwa gà ɓəza ŋgar nda ndzer a, kamala megweɗe ya ka, à mbìrwìɗere a ba kwa i mesewere are ya fit kuɗa.

1 Kurintiya 1:1

Na a wetse a kurumaha wakita aaha ka, iye Pul, iye ana i sàs a Mbulum, a zla iye, a ne à iye mala meslire Yesuw Kiristi ya. Mì wetse ka, mər nda Sastanas, damər kwa ana ika vatwa Mbulum a.

1 Kurintiya 1:21

Kaɗəŋ ndzer, gà mburma gər ahəɗ ka, Mbulum aka ɗif a tar à metsehe ŋgar ibam. Ama ka, tə sər ŋgat ŋa tsa. Aɗaba taŋa, Mbulum a waya məmbə̀là à mburma nda bazlam ana mər ihər mìi ɗif a dər a mburma ya. Gà mburma gər ahəɗ ka, tar ta gwa: Bazlam ata aka gər məməta Kiristi ana a mət aà dizl magə̀làwà ŋa ya ka, dukw falày taf masakəŋa. Ama Mbulum ŋgat ka, a sasar məmbə̀là à gà mburma ana ta gəs nda gəzləŋ tar a.

2 Kurintiya 6:18

I ti ne a Tsir kurum, dite kurum tekeɗe, ki ti nwim a gà ɓəza gà mbaŋa, ku mege gà asləka ŋa, ku mege gà dəm ŋa tekeɗe ya. Na a tsik taŋa ka, Mbulum ana a kwere a duwa tserdze ya.»*fd*

GALATIYA 3:26

Kamala taŋa ya, kurum tserdze ka, kàa nwim gà ɓəza Mbulum, aɗaba ana kàa gəsum Yesuw Kiristi nda gəzləŋ, dite kurum a riŋ mandza ŋa i təv ilik ŋa nda ŋgat a.

EFESIYA 1:11

Mbulum a ge a duwa tserdze ka, kamala ana a sasar mege ya. Aka pala kwa daga piŋŋe kamala ana a tsik a. Kàa ŋgatakwa dukw ana Mbulum a dzala piŋŋe, a gwa, i ta vile a a gà mburma gà ya. Kə̀ ŋgatakwa ka, aɗaba ana kwa riŋ mandza ŋa i təv ilik na nda gà BATSAH kwa ŋa ya,

EFESIYA 1:9

Aka ɗif a kwa à dukw ana daga piŋŋe, a sasar mege nda ahər Yesuw Kiristi ya. Aɗaba piŋŋe ka, makàhà ŋa. Ama kinehe ka, aka pàt aba.

FILIPIYA 2:13

Aɗaba Mbulum a riŋ a ge a megemir i gəzləŋ kurum, na dite ki gwim a dukw ana a tsehin ahər a ya. A vile a kurum a ndzəɗa aà megemir ana ki gwim a ya mbaŋa.

KULUSIYA 1:19

Aɗaba Mbulum a waya ka, Kəla ŋgar ma zla ba ŋgar nda ndzəɗa fit kweleŋ.

2 TESALUNIKE 1:11

Aɗaba taŋa, mìi heme a a Mbulum kəla pat agəra kurum. Mìi hemer a ka, dite ma ne à kurum gà tsəɗaŋŋa, mendze kurum mə̀ pàt ka, ŋgwal ŋa, kamala ana ŋgat a waya, a zal a kurum a. Mìi hemer a asa ka, dite mə vəl a kurum ndzəɗa ŋgar aà mege gà dukw ana ŋgwal ŋa tserdze, a sàs a kurum ki gwim a ya. Dite nda gà megemir ana ki gwim a ka, agəra ana kə̀ gəsum ŋgat nda gəzləŋ kurum a ya.

IBƏRANIKWA 2:4

Mbulum ibam, aka pàt à bazlam ata ndzer, pàrsa iɗəm tsiye, nda təv gà dukw mene aà mburma ŋgiɗ pampam hinne mbaŋa. Aka dzaya ndzəɗa a gà mburma nda ahər Mezite Mesife ŋgar, aà mege dukw pampam kərga biy na a sasar a.

1 Yuhana 3:1

Fə̀rum kwaŋ, meme na Mbulum a waya kwa hinne ya, dite ka, a zal a kwa dər gà ɓəza ŋgar asa ya? Kàa nekwa ka, gà ɓəza ŋgar kaɗəŋ. Gà mburma gər ahəɗ aaha tə sər ka, kwa kàa nekwa gà ɓəza Mbulum tsəka, aɗaba ana tə sər Mbulum tsiye.

Sunwa Yuhana 21:7

Wur ana aka mba aà dukw bakal gər ahəɗ a ka, a ŋget a gà dukw ata. Iye i ti ne a Mbulum Tsir ŋgar, dite ŋgat tekeɗe, a ti ne a kəla gà mbaŋa.