EFESIYA 1:21 - Bible Zulgo

²¹ I dəba ŋa ya, Yesuw a ndza a fata ka, a kwere a gà gawla Mbulum nda gà Əbay tar, dite nda gà dukw ana tserdze ndzəɗa tar a riŋ hinne i gər ŋa ya. Maɗə̀và zləm ŋgar ka, a za dər biy gà mburma ana ika gər ahəɗ ana kinehe ya, nda biy ana a dere a ika miɗ a tserdze.

EFESIYA 1:21 ပူးပေါင်းရင်းမြစ်များ

Mata 12:32

Dite bəla wur ana aka tsik manəsa bazlam aà iye, *wur ana a dara i təv Mbulum a ka, Mbulum a sle a aà məpəla à bakal ŋgar. Ama wur ana aka tsik manəsa bazlam aà Mezite Mesife Mbulum a ka, Mbulum à pìl a bakal ŋgar tsa, ku mege aka miɗ mba tekeɗe ka, à pìl a tsidze.»

Gà Ɓəzla Meslire 4:12

Ki slekwe a à mimbile ka, say nda təv ŋgar ilik. Aɗaba mege i ŋga ika gər ahəɗ tserdze, Mbulum aka vəl zləm ŋgar a wur a ilik, na dite ki slekwe a aà mimbile nda təv ŋgar a asa tsa.»

EFESIYA 2:2

Kà zazamawum ɗa ka, mede gà mburma ana ɗa ika gər ahəɗ a. Kà dzawum zləm ka, a Əbay gà sitene ana mandza ŋa aà gəza mbulum a. Əbay gà sitene ata na a riŋ a ge a mege megemir i ba gà mburma ana a sàs a tar medzè zləm a bazlam Mbulum tsidze ya.

EFESIYA 3:10

Ama kinehe ka, Mbulum aka pàt dər i magər gà mburma ŋgar. Dite gà gawla ŋgar nda gà Əbay tar ana i gər ŋa ya, tə samata tar, tə sər dər ka, metsehe ŋgar i təv gà dukw ŋgiɗ pampam.

EFESIYA 6:12

Ama gùvəl ana ki gekwe a ya ka, nda gà mburma məfàrà ŋa tsa. Ki gekwe a ka, nda gà dukw ana ika magər gà mbulum nda gər ahəɗ, a ŋgeterebe a tsa, ndzəɗa tar riŋ hinne ya. Kamala megweɗe ya, nda gà sitene, nda gà Əbay tar ana tserdze tar ihər ta kwere a gər ahəɗ aaha manəsa ŋa ya.

KULUSIYA 2:10

Ŋgat ka, Əbay ika gər gà gawla Mbulum nda gà Əbay tar ŋa ana tserdze ya. Na kurum riŋ mandza ŋa i təv ilik ŋa nda ŋgat ka, gà dukw ana i təv ŋgar a ka, tàa ne gà biy kurum mbaŋa.

KULUSIYA 2:15

I təv ana Yesuw Kiristi a mət aà dizl magə̀làwà ŋa ata ya ka, ndzawndzaw a ndzək dukw ahər aà gà sitene ya, nda gà Əbay tar ana gà ndzəɗa tar a riŋ hinne ya tserdze. A mba aà tar. A ndaɗa aka tar hwarwa ika miɗ mburma tserdze.

IBƏRANIKWA 1:4

Aɗaba taŋa, Mbulum a ne à Yesuw ka, batsah ŋa, a za gà gawla ŋgar fit. Zləm ana a vəlar a tekeɗe ka, a za biy tar asa mbaŋa, agəra ana a zalar ka, Kəla gà ya.

IBƏRANIKWA 2:5

Mbulum à dze a ka, gà gawla ŋgar tsa na aà makwàrà gər ahəɗ awiya ŋana a dere a ika miɗ mba, mì tsik ahər a ya, say gà mìsle ŋgiɗ.

IBƏRANIKWA 4:14

Aɗaba taŋa ki ndzekwe a nda gà megìse ana kə̀ gə̀sakwa ya, a gəzləŋ ɓəŋɓəŋ lele, dite ki ɗifekwe a dər a mburma ŋgarra lele mbaŋa asa. Aɗaba batsah mala mandəva kuɗa a Mbulum ata ka, Yesuw Kəla Mbulum ana a tsəl a təv ŋgar a gər ŋa ya.

1 PIYER 3:22

Yesuw Kiristi ka, ŋgat aka tsəl a təv Mbulum. A riŋ mandza ŋa ika tsèke ahər mezime ŋgar. Ŋgat ka, a kwere a gà gawla Mbulum, nda gà Əbay tar ŋa dze, dite nda gà asiŋ gà dukw ana tserdze ndzəɗa tar a riŋ hinne i mbulum i gər ŋa ya.