EFESIYA 1:12 - Bible Zulgo

¹² dite ka, gà mburma tserdze tə̀ zlə̀b à ŋgat ana BATSAH kwa ŋa ya aɗaba mər, mər gà malahalah gà mburma ana mì tike madzala gər mər fit a təv Yesuw Kiristi ya.

EFESIYA 1:12 ပူးပေါင်းရင်းမြစ်များ

Yuhana 14:1

I dəba bazlam ata ya ka, Yesuw a gwaɗa a tar asa: «Arəv ma da aà kurum a tsa. Gəsum Mbulum nda gəzləŋ kurum, dite ka, gəsum iye mbaŋa.

EFESIYA 1:6

Ama kinehe ka, zàmbaɗakwa à Mbulum, agəra ŋgwal ŋgar ana a za duwa tserdze, a ge a kwa ya. Ŋgwal ŋgar ata a ge a kwa biy taf a ka, aɗaba ana kwa riŋ mandza ŋa i təv ilik ŋa nda gà Kəla ŋgar mandərkwasla ŋa ana a waya ŋgat hinne ya.

EFESIYA 2:7

Kərga taŋa ya, aka ge a kwa dukw ŋgwal ŋa hinne nda ahər Yesuw Kiristi. A ge dər kamala taŋa ya ka, aɗaba a sasar məpàtà dər a gà mburma ana ti dere a a təv ŋgar ika miɗ a, dite na ti sir a dər ka, meme na ŋgwal ŋgar ana a vəl biy taf ka, batsah ŋa hinne, a za gà dukw ana tserdze ya.

EFESIYA 3:21

Kwa gà mburma ŋgar ka, zlə̀bakwa à ŋgat kəla pat aà biybiy ika magər kwa, aɗaba kwa riŋ mandza ŋa i təv ilik ŋa nda gà Yesuw Kiristi. *Amin.

2 TESALUNIKE 2:13

Ama kurum kinehe ka, gà damər mər, say mìi ge a kəkaaha a Mbulum kəla pat, aɗaba kurum. Ŋgat ŋa na waya kurum a. Aɗaba a pala kurum ka, daga aà gər ana aka ge gər ahəɗ zukw tsiye, na dite ka, a mbil a à kurum nda ndzəɗa Mezite Mesife ŋgar ana a ne à kurum gà mburma ŋgar a. A mbil a à kurum ka, aɗaba ana kə̀ gəsum dukw ana ndzer a mbaŋa ya.

2 TIMUTE 1:12

Aɗaba taŋa na kinehe i sèwèr a are kamala naha ya. Ama ka, i ge a magəɗa ɓav tsa. Aɗaba i sər na wele ana i gəs ŋgat nda gəzləŋ gà ya. Dite i sər ndzer asa ka, dukw ana aka viliŋ a ahər a ka, a kesle a lele, haa a pat ana a ta ge seriye ya.

YAKUBA 1:18

Ŋgat na a waya, a vəl a kwa mesife awiya ŋa na i təv guma ŋgar ndzer ŋana a tsik a. A sasar na ka nekwa gà malahalah ŋana i liwiŋ gà dukw ana a ge tserdze ya.

1 PIYER 1:21

Kə̀ gəsum Mbulum nda gəzləŋ kurum ka, aɗaba ŋgat, ŋgat ana Mbulum a mbəl dərra i məməta ya, dite a vəlar mezlibe ana gà mburma tì zlibe a à ŋgat hinne ya. Aɗaba taŋa ki slwim a aà məvəla gəzləŋ kurum a Mbulum ilik, na dite ki sirwim a dər ka, a ta mbil a kurum mbaŋa ya.